ଗ୍ରୀଷ୍ମ ଋତୁରେ କିପରି ନେବେ ଆକ୍ୱାରିୟମର ଯତ୍ନ....?

Aquarium maintenance in summer season , image source - pexels

ସୁନ୍ଦର ମାଛ ଆକ୍ୱାରିୟମରେ ନଜର ପଡିଲେ ପାଦ ଅଟକି ଯାଏ l ଆଧୁନିକ ଜୀବନଶୈଳୀର ପ୍ରତି ଘରେ  ଡିଜାଇନ ଆକ୍ୱାରିୟମ ଦେଖିବାକୁ ମିଳେ l ଛୋଟ ଆକ୍ୱାରିୟମ ରଖିବାକୁ ପସନ୍ଦ କରୁଛନ୍ତି ବର୍ତମାନ l କେତେକ ବ୍ୟବସାୟ ପ୍ରତିଷ୍ଠାନର ପ୍ରକୋଷ୍ଠରେ ରଙ୍ଗ ବେରଙ୍ଗ ମାଛ ଆକ୍ୱାରିୟମ ଦେଖିବାକୁ ମିଳୁଛି l ବଜାରରେ ବିଭିନ୍ନ ରଙ୍ଗର ଆକ୍ୱାରିୟମ ମିଳୁଛି l ଫେବୃଆରୀ ମାସ ପରେ ପରେ ଖରାର ତେଜ ଧୀରେ ଧୀରେ ବଢ଼ିବାକୁ ଲାଗେ l ଆକ୍ୱାରିୟମର ଯତ୍ନ ଏହି ମାସରେ ଅଧିକ ନେବାକୁ ହୋଇଥାଏ l ଗ୍ରୀଷ୍ମ ଋତୁରେ ତାପମାତ୍ରା ବୃଦ୍ଧିର ପ୍ରଭାବ ଆକ୍ୱାରିୟମରେ ଥିବା ମାଛ ଉପରେ ମଧ୍ୟ ପଡ଼ିବ l

ଆପଣ କୌଣସି ପ୍ରକାର ଅବହେଳା ନ କରି ସେଥିପ୍ରତି ଧ୍ୟାନ ଦେବା ଆବଶ୍ୟକ l ଆକ୍ୱାରିୟମରେ ରହୁଥିବା ଗୋଲଡ ଫିସ ନିମନ୍ତେ ତାପମାତ୍ରା ୨୦ ଡିଗ୍ରୀ ସେଣ୍ଟୀଗ୍ରେଡ଼ ରୁ ୨୮ ଡିଗ୍ରୀ ସେଣ୍ଟୀଗ୍ରେଡ଼ ଉପଯୁକ୍ତ l ଏହି ତାପମାତ୍ରା ଠାରୁ ଅଧିକ ହେଲେ ମାଛମାନେ ଅସ୍ୱସ୍ଥି ଅନୁଭବ କରନ୍ତି l ଆକ୍ୱାରିୟମର ଭିତରେ ପାଣି ଉପରକୁ ଆସି ମୁହଁ ଖୋଲି ଜୋରରେ ପବନ ନେଇଥାଏ l ଆକ୍ୱାରିୟମ ଜଳର ତାପମାତ୍ରା ଅସନ୍ତୁଳନ ରହିଲେ ମାଛ ନିଜ ଗାଲିସି ଫଡ଼ଫଡ଼ କରନ୍ତି l ଏପରି ପରିସ୍ଥିତିରେ ମାଛ ମରିଯିବାର ସମ୍ଭାବନା ରହିଛି l ତେଣୁ ଅଧିକ ଧ୍ୟାନ ଦେବାକୁ ହୋଇଥାଏ l

ଆକ୍ୱାରିୟମ ଜଳର ତାପମାତ୍ରା ସନ୍ତୁଳନ ପାଇଁ ଆକ୍ୱାରିୟମରେ ଏରେଟର ଲଗାନ୍ତୁ l ଏହା ଦ୍ୱାରା ଜଳର ଅମ୍ଳଜାନର ମାତ୍ରା ବୃଦ୍ଧି ପାଇବ l ଏହାର ବ୍ୟବହାର କରିବା ପୂର୍ବରୁ କାର୍ଯ୍ୟ କ୍ଷମତା ଯାଞ୍ଚ କରନ୍ତୁ l ଆକ୍ୱାରିୟମକୁ ପଙ୍ଖା ଚଳାଇ ମଧ୍ୟ ଜଳର ତାପମାତ୍ରାକୁ ସନ୍ତୁଳନ କରାଯାଇପାରିବ l

ଅତ୍ୟଧିକ ଗରମ ସମୟରେ ଆକ୍ୱାରିୟମରେ ଥଣ୍ଡା ଜଳ ମିଶାନ୍ତୁ l ବରଫ ଥଳି ମଧ୍ୟ ରଖିପାରିବେ, ଏହା କରିବା ଦ୍ୱାରା ତାପମାତ୍ରା ନିୟନ୍ତ୍ରଣ ହୋଇପାରିବ l ଆପଣଙ୍କୁ ଏକଥା ଧ୍ୟାନ ରଖିବାକୁ ପଡ଼ିବ ଯେପରି ଜଳର ତାପମାତ୍ରାରେ ପରିବର୍ତ୍ତନ ହେବ l ଆକ୍ୱାରିୟମରେ ଧୀରେ ଧୀରେ କରି କିଛି ଦିନ ମଧ୍ୟରେ ପାଣି ବଦଳାନ୍ତୁ l ଆକ୍ୱାରିୟମ ଭିତରେ ଲାଗିଥିବା ହିଟରକୁ କମ ବ୍ୟବହାର କରନ୍ତୁ l ଆକ୍ୱାରିୟମକୁ ଦୁଆର ପାର୍ଶ୍ୱରେ ନ ରଖି ଘର ଭିତରକୁ ନେଇ ଆସନ୍ତୁ l ଏହା ଦ୍ୱାରା ବାହାର ତାପମାତ୍ରାର ପ୍ରଭାବ କମ ରହିବ l

Read more

Chilli Farming: ଲଙ୍କା ଚାଷରେ କିପରି କରିବେ ରୋଗପୋକ ନିୟନ୍ତ୍ରଣ…?

Weather Update: କାଲିଠୁ ଝଡପବନ ସହ ପ୍ରବଳ ବର୍ଷା !