ଓଡ଼ିଶାରେ ଆସାମ ରାଣୀ ସପୁରି ଚାଷ

Assam quuen pineapple in odisha

ଏବେ ଓଡିଶା ଚାଷ କ୍ଷେତରେ ଯୋଡି ହୋଇଛି ତ୍ରିପୁରାରେ ବହୁଳ ଭାବେ ଚାଷ ହେଉଥିବା ରାଣୀ ସପୁରି ( tripura' s queen pineapple )  । ପରୀକ୍ଷାମୂଳକ ଭାବେ ଏହି ପ୍ରଜାତିର ଚାଷ ସଫଳ ହେବାପରେ ସୃଷ୍ଟି ହୋଇଛି ନୁଆଁ ସମ୍ଭାବନା । କେତେକ ସ୍ଥାନରେ ଏହା ଚାଷ କରି ଚାଷୀ ଲାଭ ମଧ୍ୟ ପାଉଛନ୍ତି ତେଣୁ ଚାଷୀ ଏବେ ଏହି ପ୍ରଜାତିର ସପୁରି ଚାଷ କରିବା ପାଇଁ ଆଗ୍ରହୀ ହେଉଛନ୍ତି l  ଏହି ଉନ୍ନତ ଚାଷ ଏବେ ଅନେକ ରାଜ୍ୟ ରେ ଚାଷୀ ଚାଷ କରିବା ଆରମ୍ଭ କରିଦେଲେଣି l

ନିକଟରେ ରାଷ୍ଟ୍ରପତି ତ୍ରିପୁରାର ରାଣୀ ସପୁରି କୁ ତ୍ରିପୁରା ରାଜ୍ୟର ଫଳ ଭାବରେ ମୁକୁଟ ମଧ୍ୟ ପିନ୍ଧାଇଲେ l ରାଷ୍ଟ୍ରପତି ରାମ ନାଥ କୋବିନ୍ଦ ନିକଟରେ ଘୋଷଣା କରିଛନ୍ତି ଯେ ପ୍ରସିଦ୍ଧ ରାଣୀ ବିଭିନ୍ନ ସପୁରି ତ୍ରିପୁରାର ରାଜ୍ୟ ଫଳ ହେବ। ଏହା ଏକ ଫଳ ଯାହା ତ୍ରିପୁରାକୁ ବିଶ୍ୱ ବାଣିଜ୍ୟ ମଞ୍ଚରେ ସୁଯୋଗ ସହ ଯୋଡିବାରେ ସକ୍ଷମ ଏବଂ ଏହି ଫଳ ପଡୋଶୀ ବାଂଲାଦେଶ ସମେତ ଏକାଧିକ ଦେଶରେ ପ୍ରଶଂସକ ପାଇବ ବୋଲି ଆଶା କରୁଛି ବୋଲି ରାଷ୍ଟ୍ରପତି କହିଥିଲେ l ଏହି ଚାଷ ପାଇଁ ଏବେ କେନ୍ଦ୍ର ତଥା ରାଜ୍ୟ ସରକାର ଚାରା ମଧ୍ୟ ପ୍ରଦାନ କରୁଛନ୍ତି l

ରାଜ୍ୟରେ ଅନେକ ଜିଲ୍ଲାରେ ପରୀକ୍ଷା ମୁଳକ ଭାବେ ଆରମ୍ଭ ହୋଇଥିବା ସୁସ୍ୱାଦୁ ରାଣୀ କିସମର ସପୁରୀ ଚାଷ ସଫଳ ହୋଇଛି । ରାଣୀ ସପୁରୀ ଚାଷ ପାଇଁ କମ୍ ତାପମାତ୍ରା , ଭଲ ବର୍ଷା, ବାଲି ଓ ପଟୁମାଟ ଆବଶ୍ୟକ ହେଉଥିବା ବେଳେ ନବରଙ୍ଗପୁର ଜିଲ୍ଲାରେ ଅନୁକୂଳ ଜଳବାୟୁଓ ମାଟି ରହିଛି । ଏହି କୁଇନ କିସମ ସପୁରୀର ସ୍ୱାଦ ଖୁବ୍ ଭଲ, ଏହାସହ ଗୋଟିଏ ଚାରାରୁ ଅଧିକ ଚାରା ବାହାରେ ।

ଏହି ସପୁରୀରର ଚାହିଦା ବଜାରରେ ବି ଭଲ ରହିଛି । ଏହି ସପୁରୀ ଗଛର ଡାଳିପୁଆ, ମୁଳପୁଆ, କନ୍ଦାପୁଆ ଓ ମୁକୁଟ ପୁଆକୁ ଚାରା ରୁପେ ବି ବିକ୍ରି କରି ବେଶ୍ ଦି ପଇସା ରୋଜଗ‌ାର କରିପାରିବ । ଗୋଟିଏ ଗଛ ରୁ ଫଳ ସମତେ ପ୍ରାୟ ୩ ରୁ ୫  ଟି ପର୍ଯ୍ୟନ୍ତ  ଚାରା ଉତ୍ପାଦିତ କରିପାରିବ ।  ଚାଷୀ ଗୋଟିଏ ଥରେ ଚାରା ରୋପଣ କରିଲେ ୩ ବର୍ଷ ପର୍ଯ୍ୟନ୍ତ ଉଭୟ ଫଳ ଓ ଚାରା ବିକ୍ରି କରି ଭଲ ଲାଭ ପାଇବା‌ ଆଶା ରହିଛି l

ରାଣୀ କିସମ ସପୁରୀ ସାଧାରଣତଃ ତ୍ରିପୁରା ଭଳି ରାଜ୍ୟ ଗୁଡିକରେ ଚାଷ କରାଯାଇଥାଏ ।  ବର୍ଷ ସାରା ପଡିଆ ହୋଇ ପଡି ରହୁଥିବାରୁ ଅବ୍ୟବହୃତ ଜମି ଓ ଆମ୍ବ ଚାଷ କରୁଥିବା ପଡିଆ ଗୁଡିକରେ ମଧ୍ୟ ଏହି ସପୁରୀ ଚାଷ କରାଯାଇପାରିବ ।

ରାଣୀ କିସମ ସପୁରୀ ଚାଷ ଭଲ ରୋଜଗାର ଦେଇପାରିବ । ଏପରିକି ଜଣେ ଚାଷୀ ଏକର ପିଛା ବର୍ଷକୁ ପ୍ରାୟ ୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟ କରିପାରିବ ବୋଲି କହିଛନ୍ତି କୃଷି ବିଶେଷଜ୍ଞ ମାନେ । ହି ରାଣୀ କିସମ ସପୁରୀ ଫଳର ଭିନ୍ନ ଏକ ସ୍ବାଦ, ସହିତ ବହୁତ  ଚାରା ବାହାରେ ଏବଂ ଭଲ ଓଜନ ବି ବାହାରୁଥିବାରୁ ଏହି କିସମର ସପୁରୀ ଚାହିଦା ସାରା ଦେଶରେ ଅଧିକ ରହିଛି। ଅପରପକ୍ଷରେ ଅବ୍ୟବହୃତ ପଡିଆ ପଡିଥିବା  ଜମିରେ ସପୁରୀ ଚାଷ  କରିବା ଦ୍ୱାରା ଚାଷୀ  ସହିତ ଜମିରେ  ଶ୍ରମିକ ମଧ୍ୟ ନିୟୋଜିତ ହୋଇପାରି କର୍ମସଂସ୍ଥାନ ପାଇପାରିବେ ବୋଲି ଆଶା   ।

ପୋଷାକ ତତ୍ତ୍ୱ ରେ ଭରପୁର "ବାଜରା"

ଏହି ପ୍ରଣାଳୀରେ କୋବି ଚାଷ କଲେ ହୋଇଯିବେ ଲକ୍ଷପତି....ଜାଣନ୍ତୁ ସଠିକ୍ ପ୍ରଣାଳୀ