ଓଡିଶାର ସଭିଙ୍କ ପ୍ରିୟ ଦହି ମାଛ

know the relishes of dahi fish curry at odisha

ଓଡ଼ିଆ ଘରେ ପ୍ରାୟତଃ ସମସ୍ତେ ମାଛ ଖାଇବା ପାଇଁ ପସନ୍ଦ କରିଥାନ୍ତି । ଘରେ ଘରେ ମାଛକୁ ନେଇ ବିଭିନ୍ନ ରେସିପି ତିଆରି କରାଯାଇଥାଏ । ମାଛକୁ ନେଇ ଅନେକ ରେସିପି ରହିଛି ,କିନ୍ତୁ ଏହି ବ୍ୟସ୍ତବହୁଳ ଜୀବନ ଭିତରେ ଆମେ ସୁଆଦିଆ ଖାଦ୍ୟରୁ ବଞ୍ଚିତ ରହିଯାଉ ।  ବିଭିନ୍ନ ଶୈଳୀରେ କେତେବେଳେ ମାଛ ଭଜା ତ କେତେବେଳେ ମାଛ ତରକାରୀ ତିଆରି କରିଥିବେ ।

ବେସରର ସ୍ୱାଦ ,ତାର ବାସ୍ନା ଏବଂ ତାହା ମହକ ରେ ଓଡ଼ିଆ ଘରର ରୋଷେଇଶାଳ ପ୍ରାୟେ ମହକୁଥାଏ । ମାଛ ବେସର ରୁ ଆରମ୍ଭ କରି ମାଂସ ବେସର ,ବେସର ପୋଡା ଓ ବେସର ତରକାରୀ ଏହି ପ୍ରକର ସମସ୍ତ ଖାଦ୍ୟର ମଜା ନିଆରା ।

ତେବେ ଆମେ ଆପଣମାନଙ୍କୁ ମାଛର ଏକ ନୂଆ ଓ ସରଳ ରେସିପି ବିଷୟରେ କହିବାକୁ ଯାଉଛୁ । ଏହି ରେସିପିର ନା ହେଉଛି ‘ଦହି ମାଛ’ । ଏହି ରେସିପିଟି  ଅତ୍ୟନ୍ତ ସହଜ ଓ ସରଳ ଉପାୟରେ ଘରେ ବନେଇ ପାରିବେ ।

ଉପକରଣ – ବଡ଼ ମାଛ -୬ ପିସ୍, ଦହି-୬ଚାମୁଚ, ପିଆଜ-୨ଟା, ରସୁଣ- ୧୦ କୋଲା, ଜିରା-୨ ଚାମୁଚ, ଧନିଆ-୧ ଚାମୁଚ, ଲାଲ ଲଙ୍କା ଗୁଣ୍ଡ-୩ଚାମୁଚ, ହଳଦି-୩ଚାମୁଚ, ଧନିଆ ପତ୍ର-୨ବିଡ଼ା, ବିଲାତି ବାଇଗଣ-୧ଟା, କଞ୍ଚା ଲଙ୍କା-୬ଟି, ଲେମ୍ବୁରସ-୨ ଚାମୁଚ, ଆବଶ୍ୟକ ଅନୁସାରେ ଲୁଣ ଓ ତେଲ ନେବେ ।

ପ୍ରସ୍ତୁତି – ପ୍ରଥମେ ମାଛକୁ ଭଲ ଭାବରେ ଧୋଇ ସେଥିରୁ କାତି ସଫା କରି ଦିଅନ୍ତୁ । ଏଥିରେ ଲେମ୍ବୁରସ, ଲୁଣ ଓ ହଳଦୀ ପକାଇ ଏକ ଘଣ୍ଟା ରଖନ୍ତୁ । ଗରମ ତେଲରେ ମାଛକୁ ଲାଲ କରି ଭାଜି ଦିଅନ୍ତୁ । ରସୁଣ, ଜିରା, ସୋରିଷ ଓ ଧନିଆକୁ ଏକତ୍ର କରି ବାଟି ଦିଅନ୍ତୁ । ଗରମ ତେଲରେ ଫୁଟଣ ଫୁଟଗଲେ ବଟା ମସଲା କଷନ୍ତୁ । ଏଥିରେ ଲୁଣ ଓ ହଳଦୀ ପକେଇବାକୁ ଭୁଲିବେ ନାହିଁ । ଏହା ଟିକେ ଭାଜି ହୋଇଗଲେ । ଏଥିରେ ବିଲାତି ବାଇଗଣ ଓ ଲାଲ ଲଙ୍କା ପକେଇ କିଛି ସମୟ ପର୍ଯ୍ୟନ୍ତ ଭାଜନ୍ତୁ । ମସଲା ସଂପୂର୍ଣ୍ଣ ଭାଜି ହୋଇଗଲେ ସେଥିରେ ଦହି ଓ ଗୋଟା କଞ୍ଚାଲଙ୍କା (ଡ଼େମ୍ଫ ଛିଣ୍ଡେଇ) ପକେଇ ପାଞ୍ଚ ମିନିଟ ଭଲ କରି ଭାଜି ଦିଅନ୍ତୁ । ଶେଷରେ ମାଛ ପକେଇ ଭାଜି ତିନି କପ ପାଣି ଦେଇ ଦିଅନ୍ତୁ । ପାଣି ଫୁଟିଗଲେ ସେଥିରେ କଟା ଧନିଆ ପତ୍ର ପକେଇ ଓହ୍ଲେଇ ଦିଅନ୍ତୁ । ଏଥର ଦହି ମାଛ ପୁରା ପ୍ରସ୍ତୁତ ହୋଇଗଲା । ଏବେ ଏହାର ମଜା ନେଇ ପାରିବେ ।

 

ଏହି ସହଜ ଦହି ପୋଦିନା ମାଛ ରେସିପି ତିଆରି କରି ନିଜେ ଖାଆନ୍ତୁ ଓ ନିଜ ଘର ଲୋକଙ୍କୁ ପରଷନ୍ତୁ ।