ଗାଈ ଗୋବରରୁ ପ୍ରାକୃତିକ ରଙ୍ଗ ପ୍ରସ୍ତୁତି !!

Cow Dung

ଗାଈ ହେଉଛି ଆମର ଗୋମାତା l ଏହାର ପ୍ରତ୍ୟେକ ଅଂଶ ମଣିଷ ସମାଜର ଉପକାରରେ ଲାଗେ l ଏହି ପରିପ୍ରେକ୍ଷୀରେ ନୂତନ ଜ୍ଞାନ କୌଶଳର ଉପଯୋଗ କରି ଗୋବରରୁ କିପରି ବ୍ୟବସାୟିକ ଭିତିରେ ରଙ୍ଗ ପ୍ରସ୍ତୁତ କରାଯାଇପାରୁଛି ସେ ବିଷୟରେ ଆସନ୍ତୁ ଆଲୋଚନା କରିବା l ଗାଈ କ୍ଷୀର, ଗୋବର ଏବଂ ଗାଈ ମୂତ୍ରରୁ ଆମେ ଆମର ସ୍ୱାସ୍ଥ୍ୟର ଯତ୍ନ ନେଉଛୁ l କିନ୍ତୁ ଗାଈ ଗୋବର ଦେଶର କୃଷକଙ୍କ ଆର୍ଥିକ ପ୍ରଗତି ପାଇଁ ବାଟ ଖୋଲିବାକୁ ଯାଉଛି l କଥାଟି ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଗାଈ ଗୋବରରେ ପ୍ରାକୃତିକ ରଙ୍ଗ ତିଆରି ହେଉଛି l 'ଗୋବର' ଯାହା କୃଷକଙ୍କ ଜୀବନରେ ସୁଖର ରଙ୍ଗ ଭରିଦିଏ l କେନ୍ଦ୍ର ସରକାର ଦାବି କରିଛନ୍ତି ଯେ ଯେଉଁ ମାନେ ଗାଈ ପାଳନ୍ତି ସେମାନେ ଏହି ଗୋବରରେ ରଙ୍ଗ ପ୍ରସ୍ତୁତ କରି ବାର୍ଷିକ ୩୦  ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ। ଗାଈ ଗୋବରରୁ ନିର୍ମିତ ଏହି ରଙ୍ଗ ପରିବେଶ ପାଇଁ ଭଲ ବୋଲି ବିବେଚନା କରାଯିବା ସହିତ ଦେଶରେ ଏକ ନୂତନ ଷ୍ଟାର୍ଟଅପ୍ ମଧ୍ୟ ଆରମ୍ଭ ହୋଇପାରିବ l  ଏହି ରଙ୍ଗରେ ନୂତନ ନିଯୁକ୍ତି ସୁଯୋଗ ମଧ୍ୟ ବୃଦ୍ଧି ପାଇବ ବୋଲି ଆଶା କରାଯାଉଛି।

ପ୍ରାକୃତିକ ରଙ୍ଗ ପାଇଁ ରାଜ୍ୟ ଚୟନ - ରାଜସ୍ଥାନର ଜୟପୁରରେ ପ୍ରଥମ ଥର ପାଇଁ ଜାନୁଆରୀରେ ଗ୍ରାମ ଶିଳ୍ପ ଆୟୋଗଙ୍କ ତରଫରୁ ଗାଈ ଗୋବରରୁ ପ୍ରାକୃତିକ ରଙ୍ଗ ତିଆରି କରି ଲଞ୍ଚ କରାଯାଇ ଥିଲା।  ତେବେ ବର୍ତ୍ତମାନ ଗାଈ ଗୋବରରୁ ପ୍ରାକୃତିକ ରଙ୍ଗ ତିଆରି କରିବା ପାଇଁ ଦେଶର 6 ଟି ବଡ ସହରରେ ଉତ୍ପାଦନ ୟୁନିଟ୍ ସ୍ଥାପନ ପାଇଁ ପ୍ରସ୍ତୁତି ଚାଲିଛି। ଏଥି ମଧ୍ୟରେ ଦେଶର ରାଜଧାନୀ ଦିଲ୍ଲୀ ସମେତ ଅହମ୍ମଦାବାଦ, ବାଙ୍ଗାଲୋର, ଉତ୍ତରପ୍ରଦେଶର ବାରାଣାସୀ, ନାଶିକ ଏବଂ ଓଡ଼ିଶାର କିଛି ସହର ରହିଛି। କେଭିଆଇସି ଦ୍ୱାରା 6 ଟି ରାଜ୍ୟ ଚୟନ କରାଯାଇଛି l ଖଦି ଏବଂ ଗ୍ରାମୀଣ ଇଣ୍ଡଷ୍ଟ୍ରିଜ୍ ଅଧିକାରୀଙ୍କ ଅନୁଯାୟୀ ଏହି ମନୋନୀତ 6 ଟି ରାଜ୍ୟର ପ୍ରମୁଖ ଏବଂ ବଡ ସହରରେ ଗୋଟିଏ ୟୁନିଟ୍ ସ୍ଥାପନ କରି ଏହି ରଙ୍ଗ ତିଆରି କରିବା ପାଇଁ ଗାଈ ଗୋବରରୁ ପ୍ରାକୃତିକ ରଙ୍ଗ ତିଆରି କରାଯିବ। ଗାଈ ଗୋବର ମଧ୍ୟ କ୍ରୟ କରାଯିବ। ଏହି ରଙ୍ଗ ତିଆରି ପାଇଁ ସାଧାରଣ ଲୋକଙ୍କଠାରୁ ଗାଈ ଗୋବର କିଲୋଗ୍ରାମ ପିଛା 5 ଟଙ୍କା ମୂଲ୍ୟରେ କ୍ରୟ କରାଯିବ।  କେଭିଆଇସି କହିଛି ଯେ, ବର୍ତ୍ତମାନ ପର୍ଯ୍ୟନ୍ତ ଲୋକମାନେ ଖତ କିମ୍ବା ପାରମ୍ପରିକ ଜିନିଷ ପାଇଁ ଗାଈ ଗୋବର ବିକ୍ରି କରୁଛନ୍ତି କିମ୍ବା ସେମାନେ ଏହାକୁ ତିଆରି କରି ବିକ୍ରୟ କରନ୍ତି, ଯେଉଁଥିରେ ମୂଲ୍ୟ ଏବଂ ଶ୍ରମ ମଧ୍ୟ ଅନ୍ତର୍ଭୁକ୍ତ, କିନ୍ତୁ କେଭିଆଇସି ବର୍ତ୍ତମାନ ପ୍ରାୟ ଚାରିରୁ ପାଞ୍ଚ ଗୁଣ ଅଧିକ ଦେଇ ଗାଈ ଗୋବର କିଣିବ l