ସୋରିଷ ତେଲରୁ ହଟିଲା ପ୍ରତିବନ୍ଧକ, ତେଲ ଶସ୍ତା ହେବ କି ନାହିଁ ? ?

Mustard Oil

ଆପଣଙ୍କ ଘରେ ସୋରିଷ ତେଲ ନିୟମିତ ବ୍ୟବହାର କରୁଛନ୍ତି କି, ତେବେ ଆପଣ ଏହି ଖବର ପଢିବା ଅତ୍ୟନ୍ତ ଆବଶ୍ୟକ ଅଟେ । ବାସ୍ତବରେ ସୋରିଷ ତେଲର ଗ୍ରାହକମାନଙ୍କ ପାଇଁ ଏକ ଖୁସି ଖବର ଅଛି, ଭାରତୀୟ ଖାଦ୍ୟ ସୁରକ୍ଷା ଏବଂ ପ୍ରାଧିକରଣ ସୋରିଷ ତେଲରେ ବ୍ୟବହାର ହେଉଥିବା ମିଶ୍ରଣକୁ ନେଇ ଏକ ଚିଠି ଜାରି କରିଛନ୍ତି, ଯାହା ପରେ ସୋରିଷ ତେଲର ମୂଲ୍ୟ ସାରା ଦେଶରେ କମିବ ବୋଲି ଆଶା କରାଯାଉଛି ।

ସରକାର ଅକ୍ଟୋବରରେ ମିଶ୍ରଣ ଉପରେ ନିଷେଦ୍ଧ ଜାରି କରିଥିଲେ । ଏହି ନିଷ୍ପତ୍ତି ନେବା ପରେ ସୋରିଷ ତେଲର ମୂଲ୍ୟ ଯଥେଷ୍ଟ ବୃଦ୍ଧି ପାଇବାରେ ଲାଗିଲା । ଫଳସ୍ଵରୂପ ଦେଶରେ ଅନେକ କମ୍ପାନୀର ସୋରିଷ ତେଲର ମୂଲ୍ୟ ଲିଟର ପିଛା ପ୍ରାୟ ୧୫୦ ରୁ ୧୯୦ ଟଙ୍କା ହୋଇଗଲା । ଏହା ପରେ କିଛି କମ୍ପାନୀ ଦିଲ୍ଲୀ ହାଇକୋର୍ଟରେ ମିଶ୍ରଣ ସମ୍ପର୍କରେ ଆବେଦନ କରିଥିଲେ, ଯାହା ଶୁଣାଣୀ ହୋଇଛି, ଏହି ଶୁଣାଣୀ ଅନୁସାରେ ସୋରିଷ ତେଲ ଉପରେ ମିଶ୍ରିତ ପ୍ରତିବନ୍ଧକ ହଟାଇବାକୁ ଭାରତୀୟ ଖାଦ୍ୟ ସୁରକ୍ଷା ଏବଂ ମାନକ ପ୍ରାଧିକରଣ ନିଷ୍ପତ୍ତି ନେଇଛି ।

ମିଶ୍ରଣ କ’ଣ ?

ଯେବେ ସୋରିଷ ତେଲରେ ନିର୍ଦ୍ଦିଷ୍ଟ ପରିମାଣରେ ଅନ୍ୟ ତେଲ ମିଶ୍ରିତ କରାଯାଏ, ତେବେ ତାକୁ ମିଶ୍ରଣ କୁହାଯାଏ । ବର୍ତ୍ତମାନ ପର୍ଯ୍ୟନ୍ତ କମ୍ପାନୀମାନଙ୍କୁ ସୋରିଷ ତେଲରେ ୨୦ ପ୍ରତିଶତ ପର୍ଯ୍ୟନ୍ତ ମିଶ୍ରଣ କରିବାକୁ ଅନୁମତି ଦିଆଯାଇଥିଲା । ମିଶ୍ରଣ ଆଳରେ ଅପମିଶ୍ରଣକୁ ହ୍ରାସ କରିବା ଏବଂ ଶୁଦ୍ଧ ସୋରିଷ ତେଲର ବ୍ୟବହାର ବଢାଇବା ପାଇଁ ସରକାର ନିଷ୍ପତି ନେଇଛନ୍ତି l

ତେଲ ଦର ଏତିକି ବୃଦ୍ଧି ପାଇବ

ବର୍ତ୍ତମାନ ସମୟରେ ୧ ଲିଟର ପାମ ଅଏଲର ମୂଲ୍ୟ ୭୫ ରୁ ୧୧୦ ଟଙ୍କା ଅଟେ । ଏହା ସହିତ  ବଜାରରେ ସୂର୍ଯ୍ୟମୁଖୀ ତେଲ ୯୮ ରୁ ୧୩୦ ଟଙ୍କାରେ ବିକ୍ରି ହେଉଥିବାବେଳେ ସୋରିଷ ତେଲ ୧୧୦ ରୁ ୧୫୦ ଟଙ୍କା ପ୍ରତି ଲିଟରରେ ବିକ୍ରି ହେଉଛି । ଏହା ବ୍ୟତୀତ କିଛି ବିଶେଷ କମ୍ପାନୀ ସୋରିଷ ତେଲ ଲିଟର ପିଛା ୧୯୦ ଟଙ୍କାରେ ବିକ୍ରି କରୁଛନ୍ତି । ଆପଣଙ୍କୁ କହିଦେଉଛୁ ଯେ ବର୍ତ୍ତମାନ ଯଦି ଜଣେ ଛୋଟ ଦୋକାନୀ ଗୋଟେ ତେଲକୁ ଅନ୍ୟ ତେଲରେ ମିଶ୍ରଣ କରନ୍ତି, ତେବେ ସେ ଏହି ଅପମିଶ୍ରଣ ପାଇଁ କଠୋର ଦଣ୍ଡ ପାଇବେ କିନ୍ତୁ ସରକାର ଶିଳ୍ପପତିମାନଙ୍କୁ ମିଶ୍ରଣ କରିବାକୁ ଅନୁମତି ଦେଇଛନ୍ତି ।