ଶିବ ପ୍ରସାଦଙ୍କୁ ଟମାଟୋ ଚାଷ କରିଛି ଆତ୍ମନିର୍ଭର

successful tomato farmer siv

ଟମାଟୋ ଚାଷ ସାଧାରଣତଃ ବର୍ଷକୁ ଦୁଇଥର ଚାଷ କରାଯାଏ l ଗୋଟିଏ ଚାଷ ଜୁଲାଇ-ଅଗଷ୍ଟରୁ ଆରମ୍ଭ ହୋଇ ଫେବୃଆରୀ-ମାର୍ଚ୍ଚ ପର୍ଯ୍ୟନ୍ତ ଏବଂ ଅନ୍ୟଟି ନଭେମ୍ବର-ଡିସେମ୍ବରରୁ ଆରମ୍ଭ ହୋଇ ଜୁନ୍-ଜୁଲାଇ ପର୍ଯ୍ୟନ୍ତ ଚାଷ କରାଯାଇଥାଏ l ଟମାଟୋ ଚାଷରେ, ସର୍ବପ୍ରଥମେ ମଞ୍ଜିରୁ ଏକ ନର୍ସରୀ ପ୍ରସ୍ତୁତ ହୁଏ, ପ୍ରାୟ ଏକ ମାସ ମଧ୍ୟରେ ନର୍ସରୀ ଉଦ୍ଭିଦଗୁଡିକ କ୍ଷେତରେ ଲଗାଇବା ପାଇଁ ଉପଯୁକ୍ତ ହୋଇଯାଏ l ତେବେ ଏହି ଆଧୁନିକ ଯୁଗରେ ଚାଷୀ ନୂଆ ନୂଆ କୌଶଳ ବ୍ୟବହାର କରି ଅନେକ ପ୍ରଜାତିର ଟମାଟର ଚାଷ କରୁଛନ୍ତି ଯାହା ତାଙ୍କୁ ବର୍ଷ ସାରା ଲାଭ ଦେଉଛି l ଯଦି ଜଣେ ଚାଷୀ ହାଇବ୍ରିଡ୍ ଟମାଟୋର ଅମଳ କରିଥାଏ ତେବେ ସେ ୭୦୦-୮୦୦ କ୍ୱିଣ୍ଟାଲ୍ ଟମାଟର ପାଇଥାଏ ନିଜ ଜମିରୁ l

ଅଧିକ ଟମାଟର ଅମଳ ହେବା ଯୋଗୁଁ ଚାଷୀର ଟମାଟର ପୂର୍ବରୁ ସଠିକ ସଂରକ୍ଷଣ ହୋଇପାରୁନଥିଲା ଯାହାଦ୍ୱାରା ବଳକା ଟମାଟର ନଷ୍ଟ ହୋଇଯାଉଥିଲା l କିନ୍ତୁ, ରାଜ୍ୟ ସରକାରଙ୍କ ଶୀତଳ କୋଲ୍ଡ ଷ୍ଟୋରେଜ ପ୍ରତିଷ୍ଠା ଯୋଗୁଁ ଚାଷୀଙ୍କ ଅମଳ ପନିପରିବା ଆଉ ନଷ୍ଟ ହେଉ ନାହିଁ l ବଜାରରେ ଉଚିତ ଦର ମିଳିବା ପର୍ଯ୍ୟନ୍ତ ଚାଷୀ ନିଜ ଅମଳ ପନିପରିବା ଷ୍ଟୋରେଜ କରି ରଖି ପାରୁଛି l ଯାହା ତାଙ୍କ ପରିଶ୍ରମର ସଠିକ ଫଳ ପ୍ରଦାନ କରୁଛି l ତେବେ ଆମେ ଆଜି ଏହି ଆର୍ଟିକଲ ମାଧ୍ୟମରେ ଜଣେ ସଫଳ ଟମାଟୋ ଚାଷୀଙ୍କ ବିଷୟରେ ସୂଚନା ଦେବାକୁ ଯାଉଛୁ l

ରାୟଗଡ଼ ଜିଲ୍ଲା ଏକ ଆଦିବାସୀ ବହୁଳ ଜିଲ୍ଲା l ପଡୋଶୀ ଆନ୍ଧ୍ର ପ୍ରଦେଶ ସହିତ ସଡକ ପଥ ଏବଂ ରେଳପଥରେ ଉତ୍ତମ ସମ୍ପର୍କ ରହିଥିବାରୁ ଏଠାରେ ତେଲୁଗୁ ଭାଷାଭାଷୀ ଲୋକ ଅଧିକ ଦେଖିବାକୁ ମିଳନ୍ତି l ଏହି ଜିଲ୍ଲାରେ ରହୁଥିବା ଲୋକେ ଓଡ଼ିଆ, ତେଲୁଗୁ ସହିତ ସୌରା ଭାଷା ଓ କୁଇ ଭାଷାରେ କଥା ଅଧିକ ହୋଇଥାନ୍ତି ।ଏହି ଜିଲ୍ଲାରେ ଅଧିକାଂଶ ଲୋକ ଚାଷ ଉପରେ ନିର୍ଭରଶୀଳ ହୋଇ ରହିଛନ୍ତି l ପନିପରିବା ଠାରୁ ଆରମ୍ଭ କରି ବିଭିନ୍ନ ପ୍ରକାର ଫଳ ମଧ୍ୟ ଚାଷ କରୁଛନ୍ତି ସେଠାକାର ଲୋକେ l ପାହାଡିଆ ଅଞ୍ଚଳ ହୋଇଥିବା ସତ୍ତ୍ୱେ ଏହି ଜିଲ୍ଲାର ଚାଷୀ ସରକାରୀ ଯୋଜନା ସହାୟତାରେ ଉନ୍ନତ ଚାଷ କରି ସଫଳ ମଧ୍ୟ ହୋଇଥିବାର ଦେଖିବାକୁ ମିଳେ l ଖାଲି ନିଜ ଜିଲ୍ଲା ନୁହେଁ ଅନ୍ୟ ଜିଲ୍ଲା ସହିତ ଅନ୍ୟ ରାଜ୍ୟକୁ ମଧ୍ୟ ରପ୍ତାନି କରୁଛନ୍ତି ଅମଳ ହୋଇଥିବା ପନିପରିବା l ତେବେ ଏହି ଜିଲ୍ଲାରେ ଅଧିକ କପା ଚାଷ ହେଉଥିବା ଯୋଗୁଁ ଜିଲ୍ଲାଟି କପା ଚାଷ ପାଇଁ ବେଶ ପ୍ରସିଦ୍ଧ l ଏହି ଜିଲ୍ଲାରେ ଜଣେ ସଫଳ ଟମାଟର ଚାଷୀ ଅଛନ୍ତି ଯିଏକି ପ୍ରଗତିଶୀଳ ଚାଷୀ ଭାବେ ଜିଲ୍ଲା କୃଷି ବିଭାଗ ତରଫରୁ ସମ୍ମାନିତ ହୋଇଛନ୍ତି l

ଶ୍ରୀ ସି.ଏଜ ଶିବ ପ୍ରସାଦ , ରାୟଗଡ଼ ଜିଲ୍ଲାର ମୁନିଗୁଡ଼ା ଅଞ୍ଚଳର ଜଣେ ସଫଳ ଟମାଟର ଚାଷୀ l ଯିଏକି ଦିନ ରାତି ତାଙ୍କ ଚାଷ ଜମିରେ ପରିଶ୍ରମ କରି ଉନ୍ନତ ମାନର ଟମାଟର ଚାଷ କରୁଛନ୍ତି l ବର୍ଷକୁ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି l ଖାଲି ଟମାଟର ନୁହେଁ ଏହା ସହିତ କୋବି ମଧ୍ୟ ଚାଷ କରୁଛନ୍ତି ସେ l ପ୍ରାୟତଃ ୩ ବର୍ଷ ହୋଇଯିବ ନିଜକୁ ଚାଷ କାମରେ ନିୟୋଜିତ କରିଛନ୍ତି l ସବୁଠାରୁ ବଡ଼ ବିଷୟ ହେଲା ଟମାଟର ର ଗ୍ରାଫଟେଡ଼ ଚାରା ବ୍ୟବହାର କରୁଛନ୍ତି ସେ ନିଜ ଚାଷ ଜମିରେ l ଯାହାର ଚାରା ସେ ଅନ୍ୟ ନର୍ସରୀରୁ ଆଣୁଛନ୍ତି l

ତାଙ୍କ କହିବା ଅନୁଯାୟୀ ଟମାଟର ଏକର ପ୍ରତି ୫୦ ରୁ ୬୦ ହଜାର ରୋଜଗାର ହେଉଛି l କୋବିରେ ମଧ୍ୟ ୩୦ ରୁ ୪୦ ହଜାର ପର୍ଯ୍ୟନ୍ତ ଲାଭ ମିଳୁଛି l ବିଶାଖାପାଟଣା , ବରହମପୁର ଏବଂ ନିଜ ରାୟଗଡ଼ ଜିଲ୍ଲାରେ ଅମଳ ହୋଇଥିବା କୋବି ଓ ଟମାଟର ସେ ବିକ୍ରି କରିଥାନ୍ତି l ତାଙ୍କ କହିବା ଅନୁଯାୟୀ ଟମାଟର ରେ ଏକର ପ୍ରତି ୫୦ ରୁ ୬୦ ହଜାର ଟଙ୍କା ରୋଜଗାର ହେଉଛି l କୋବିରେ ମଧ୍ୟ ୩୦ ରୁ ୪୦ ହଜାର ଟଙ୍କା ପର୍ଯ୍ୟନ୍ତ ଲାଭ ମିଳୁଛି l ବିଶାଖାପାଟଣା , ବରହମପୁର ଏବଂ ନିଜ ରାୟଗଡ଼ ଜିଲ୍ଲାରେ ଅମଳ ହୋଇଥିବା କୋବି ଓ ଟମାଟର ସେ ବିକ୍ରି କରିଥାନ୍ତି l ସରକାରଙ୍କ ପ୍ରଚଳିତ ଡ୍ରିପ ଇରିଗେଶନ ଏବଂ ମଲଚିଙ୍ଗ ମାଧ୍ୟମରେ ଜଳ ସେଚନ କରୁଛନ୍ତି l ଚାଷ ଜମିରେ ଆବଶ୍ୟକ ହେଉଥିବା ନ୍ୟୁଟ୍ରିଏଣ୍ଟ ଡ୍ରିପ ମାଧ୍ୟମରେ ସଠିକ ପରିମାଣରେ ଗଛ ଗୁଡ଼ିକୁ ପ୍ରଦାନ କରାଯାଉଛି l

ଅଧିକ ପଢ଼ନ୍ତୁ

କୃଷି ବିଜ୍ଞାନ କେନ୍ଦ୍ରର ୩ ଦିନିଆ ଆଞ୍ଚଳିକ ବାର୍ଷିକ କର୍ମଶାଳା

Drone in Farm: ଏଥର ଡ୍ରୋନ୍ ଦେବ ଲକ୍ଷ ଲକ୍ଷ ରୋଜଗାର!