1. କୃଷି ବିଶ୍ବକୋଷ

କୃଷି କ୍ଷେତ୍ରକୁ ଆକାଶ ଛୁଆଁଇବ ଆର୍ଟିଫିସିଆଲ ଇଣ୍ଟେଲିଜେନ୍ସ

Shuvanshu Kar
Shuvanshu Kar
artificial intelligence in agriculture

artificial intelligence in agriculture

ଦେଶର ଚାଷୀଙ୍କ ପାଇଁ ଆଧୁନିକ ବିଚାର ସହିତ ନୂଆ ବ୍ୟବସ୍ଥାର ନିର୍ମାଣ ଏକ ବିଂଶ ଶତାବ୍ଦି ଭାରତର ଦାୟିତ୍ବ । ଦେଶର ଚାଷୀ ଓ ଦେଶର କୃଷିକୁ ଆତ୍ମନିର୍ଭର କରିବା ପାଇଁ ଆମ ପ୍ରୟାସ ନିରନ୍ତର ଜାରି ରହିବାର ଆବଶ୍ୟକତାକୁ ଜୋର ଦେଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ତେବେ ଆର୍ଟିଫିସିଆଲ ଇଣ୍ଟେଲିଜେନ୍ସ(artificial intelligence)ର କୃଷି କ୍ଷେତ୍ରରେ ବ୍ୟବହାର ଏକ ବୈପ୍ଳବିକ ପରିବର୍ତ୍ତନ ଆଣି ପାରିବ ।

ଆର୍ଟିଫିସିଆଲ ଇଣ୍ଟେଲିଜେନ୍ସ କଣ

କମ୍ପ୍ୟୁଟର ବିଜ୍ଞାନରେ ଆର୍ଟିଫିସିଆଲ ଇଣ୍ଟେଲିଜେନ୍ସ(artificial intelligence)ର ଅର୍ଥ ହେଉଛି, କୌଣସି କମ୍ପ୍ୟୁଟର ଯନ୍ତ୍ର ଦ୍ବାରା ମନୁଷ୍ୟର ମସ୍ତିଷ୍କ କ୍ଷମତାକୁ ଅନୁକରଣ କରିବା । ଅନୁଭୂତିରୁ ଶିକ୍ଷା, ବସ୍ତୁଗୁଡ଼ିକୁ ଚିହ୍ନିବା, ଭାଷା ବୁଝିବା, ପ୍ରତିକ୍ରିୟା, ନିଷ୍ପତ୍ତି ନେବା, ସମସ୍ୟାର ସମାଧାନ ଏବଂ ଅନ୍ୟାନ୍ୟ ଦକ୍ଷତା ସହିତ ମନୁଷ୍ୟ ପରି କାର୍ଯ୍ୟ କରିବାର କ୍ଷମତା ଅନ୍ତର୍ଭୁକ୍ତ ।

ଭାରତୟୀ କୃଷି ଆଗରେ ବଡ ଆହ୍ବାନ ଓ ଆର୍ଟିଫିସିଆଲ ଇଣ୍ଟେଲିଜେନ୍ସର ଆବଶ୍ୟକତା

ଭାରତରେ ଚାଷୀଙ୍କ ସାମ୍ନାରେ ଫସଲ ବ୍ୟବସ୍ଥା ଅନେକ ଆହ୍ବାନର ସାମ୍ନା କରୁଛି । ଜନସଂଖ୍ୟାର ବ୍ୟାପକ ବୃଦ୍ଧି କାରଣରୁ ଚାଷ ଜମିର ଆକାର ଛୋଟ ହୋଇଯାଉଛି । ଯଦିଓ ଗତ 20 ବର୍ଷ ମଧ୍ୟରେ ଭାରତର ଚାଷୀ ନିଜ ଫସଲ ଉତ୍ପାଦନ ବୃଦ୍ଧିରେ ସଫଳତା ଲାଭ କରିଛନ୍ତି, ତଥାପି ସେମାନଙ୍କ ପାଖରେ ପର୍ଯ୍ୟାପ୍ତ ସମ୍ବଳ ଓ ବୈଜ୍ଞାନିକ ପରାମର୍ଶ ଉପଲବ୍ଧ ନାହିଁ । ଫସଲ ଉତ୍ପାଦନ ବୃଦ୍ଧି ପାଇଁ ରାସାୟନିକ ସାର ଓ ହାନିକାରକ କୀଟନାଶକର ଅତ୍ୟଧିକ ପ୍ରୟୋଗ ଚିନ୍ତା ବଢାଉଛି । କେବଳ ସେତିକି ନୁହେଁ ମାଟିର ଉର୍ବରତା ମଧ୍ୟ ହ୍ରାସ ପାଉଛି । ଭଣ୍ଡାରଣ ଓ ଖାଦ୍ୟ ପ୍ରକ୍ରିୟାକରଣରେ ଅନିୟମିତତା କାରଣରୁ ଭାରତୀୟ କୃଷିକୁ ଅନେକ ଚ୍ୟାଲେଞ୍ଜର ସାମ୍ନା କରିବାକୁପଡୁଛି ।

କୃଷି ସମ୍ବନ୍ଧୀୟ ବିଭିନ୍ନ କାର୍ଯ୍ୟକୁ ସହଜ କରିବା ଓ ଚାଷୀଙ୍କ ମୁଣ୍ଡରୁ ବୋଝ ହାଲୁକା କରିବା ପାଇଁ ଆର୍ଟିଫେରଭାବଶାଳୀ ସାବ୍ୟସ୍ତ ହେବ । ସମ୍ପୂର୍ଣ୍ଣ ଖାଦ୍ୟ ଆବଶ୍ୟକତା ଶୃଙ୍ଖଳାରେ ଏହାର ବ୍ୟାପକ ସୁଧାରରେ ଆର୍ଟିଫିସିଆଲ ଇଣ୍ଟେଲିଜେନ୍ସର ପ୍ରଭାବ ସିଧାସଳଖ ଦେଖିବାକୁ ମିଳିବ । କୃଷି କ୍ଷେତ୍ରରେ ଆର୍ଟିଫିସିଆଲ ଇଣ୍ଟେଲିଜେନ୍ସ ସହିତ ଜଡିତ ଅନେକ ସମ୍ଭାବନା ଅଛି । ବିଶ୍ବର କୃଷି ଶିଳ୍ପର ପ୍ରାୟ 5 ଟ୍ରିଲିୟନ ଡଲାର୍ । ଏଥିରେ ଆର୍ଟିଫିସିଆଲ ଇଣ୍ଟେଲିଜେନ୍ସ ସହ ଜଡିତ ଟେକ୍ନୋଲୋଜି ମାଧ୍ୟମରେ ଫସଲ ଉତ୍ପାଦନ ସହିତ କୀଟନାଶକକୁ ନିୟନ୍ତ୍ରଣ କରିବା ସମ୍ଭବ ଅଟେ । ମୃତ୍ତିକା ଏବଂ ଫସଲର ଅଭିବୃଦ୍ଧି ଉପରେ ନଜର ରଖାଯାଇପାରିବ । ଚାଷ ସହିତ ଜଡିତ ସମସ୍ତ ତଥ୍ୟ ପରିଚାଳନା କ୍ଷେତ୍ରରେ ଆର୍ଟିଫିସିଆଲ ଇଣ୍ଟେଲିଜେନ୍ସ ଦ୍ବାରା ସମ୍ଭବ ।

ଭାରତୀୟ କୃଷିରେ ଆର୍ଟିଫିସିଆଲ ଇଣ୍ଟେଲିଜେନ୍ସ ପାଇଁ ସୁଯୋଗ ଅଦ୍ବିତୀୟ । ଭାରତୀୟ କୃଷି ଏବଂ କୃଷକମାନେ କେବଳ ଭାରତରେ ନୁହେଁ ବରଂ ବିଶ୍ୱରେ ଆର୍ଟିଫିସିଆଲ ଇଣ୍ଟେଲିଜେନ୍ସର ସମାଧାନ ଗଠନ କରିବାରେ ସହଯୋଗର ହାତ ବଢାଇବା ସହିତ ବିସ୍ତୃତ ଏବଂ ସମୃଦ୍ଧ ତଥ୍ୟ ପ୍ରଦାନ କରିବାରେ ସମର୍ଥ ହୋଇପାରିବେ ।

କୃଷି କ୍ଷେତ୍ରରେ ଆର୍ଟିଫିସିଆଲ ଇଣ୍ଟେଲିଜେନ୍ସର ବ୍ୟବହାର

ଆର୍ଟିଫିସିଆଲ ଇଣ୍ଟେଲିଜେନ୍ସ ସହାୟତାରେ ଚାଷୀ, ପାଣିପାଗର ପୂର୍ବାନୁମାନ ମଡେଲ ନିଜେ ପ୍ରସ୍ତୁତ କରିପାରିବେ । ସେହିପରି କୃଷିରେ ସୁଧାର ଓ ଉତ୍ପାଦନ କ୍ଷମତା ବୃଦ୍ଧି ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ ନିର୍ଣ୍ଣାୟକ ଭୂମକା ଗ୍ରହଣ କରିବ । ଆର୍ଟିଫିସିଆଲ ଇଣ୍ଚେଲିଜେନ୍ସ ସହାୟତାରେ ଚାଷୀ ସଠିକ ସମୟରେ ପାଣିପାଗର ସ୍ଥିତି, ତାପମାତ୍ରା, ଆଦି ବିଶ୍ଳେଷଣ କରି ସମସ୍ୟାର ଚିହ୍ନଟ କରିପାରିବେ । ସେହିପରି ମାଟି, ଖତ, କୀଟ, ରୋଗ ବିଷୟରେ ମଧ୍ୟ ଅଧିକ ତଥ୍ୟ ପାଇପାରିବେ ।

ଆର୍ଟିଫିସିଆଲ ଇଣ୍ଟେଲିଜେନ୍ସ ଚାଳିତ ଫସଲ ଅମଳର ପୂର୍ବାନୁମାନ ମଡେଲ ଏବଂ ସରକାରୀ ପ୍ରୟାସ ଆରମ୍ଭ ହୋଇସାରିଛି ।
ଭାରତରେ କୃଷକମାନଙ୍କୁ ଉତ୍ତମ ପରାମର୍ଶ ଦେବା ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ ଶକ୍ତିସମ୍ପନ୍ନ ଫସଲ ଉତ୍ପାଦନ ପୂର୍ବାନୁମାନ ମଡେଲର ବିକାଶ ଉପରେ କାର୍ଯ୍ୟ ଚାଲିଛି । ଏଥିପାଇଁ କେନ୍ଦ୍ର ସରକାର ଭାରତୀୟ ମହାକାଶ ଗବେଷଣା ସଂସ୍ଥା(ଇସ୍ରୋ)ର ସାହାଯ୍ୟ ନେଇଛନ୍ତି । ଶିଳ୍ପ କ୍ଷେତ୍ରର ସହଯୋଗରେ ସରକାର କୃଷକମାନଙ୍କୁ ସଠିକ୍ ପରାମର୍ଶ ଦେବା ପାଇଁ ଦେଶର ବିଭିନ୍ନ ରାଜ୍ୟର ଆକାଂକ୍ଷୀ ଜିଲ୍ଲାରେ ଆର୍ଟିଫିସିଆଲ ଇଣ୍ଟେଲିଜେନ୍ସ ଫସଲ ଅମଳର ପୂର୍ବାନୁମାନ ମଡେଲ ଆରମ୍ଭ କରିଛନ୍ତି ।

ବସ୍ତରରେ ପ୍ରଥମ ଥର ପ୍ରାକୃତିକ କୃଷି କରିବେ ଚାଷୀ, ମିଳିବ 2000 ଟଙ୍କା

କଲମ୍ବୋରେ ପ୍ରତିଷ୍ଠା ହେବ ବିମ୍‌ଷ୍ଟେକ୍ ଟେକ୍‌ନୋଲୋଜି ଟ୍ରାନ୍ସଫର ସେଣ୍ଟର

ଚାଷ ପାଇଁ ଡ୍ରୋନ

କୃଷି କ୍ଷେତ୍ରରେ ଡ୍ରୋନ ଟେକ୍ନୋଲୋଜୀର ମଧ୍ୟ ପ୍ରଯୋଗ ହେଉଛି । କିସାନ ଡ୍ରୋନ ମଧ୍ୟ ଲଞ୍ଚ କରିଥିଲେ ମୋଦି ସରକାର । କିଷାନ ଡ୍ରୋନ କ୍ଷେତରେ କୀଟନାଶକ ଛିଞ୍ଚିବା କାର୍ଯ୍ୟରେ ନିୟୋଜିତ ହେଉଛି । ଏହା ଜରିଆରେ ଫସଲ ଆକଳନ, ସାର ସିଞ୍ଚନ, ଜମି ରେକର୍ଡର ଡିଜିଟାଲାଇଜେସନ, କୀଟ ଏବଂ ପୁଷ୍ଟି ସାଧନ କରାଯିବ ବୋଲି ବଜେଟ ଅଭିଭାଷଣରେ କହିଥଇଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଥିଲେ ।

ଆର୍ଟିଫିସିଆଲ ଇଣ୍ଟେଲିଜେନ୍ସ(artificial intelligence)ଆଧାରିତ ଉତ୍ପାଦ ତଥା ସେବା, କୃଷି ପ୍ରଶିକ୍ଷଣ ଡାଟା, ଡ୍ରୋନ ଓ ସ୍ବୟଂଚାଳିତ ଯନ୍ତ୍ରରେ ସୁଧାର କରୁଥିବା କମ୍ପାନୀଗୁଡିକୁ ଟେକ୍ନୋଲୋଜୀର ପ୍ରଗତୀ ଓ ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ଅଧିକ ଧ୍ୟାନ ଦେବାକୁ ପଡିବ । ଆର୍ଟିଫିସିଆଲ ଇଣ୍ଟେଲିଜେନ୍ସ ବ୍ୟବହାର କରି ଭାରତ ବିଶ୍ବ ମହାଶକ୍ତି ହୋଇପାରିବ, ଏଥିରେ ସନ୍ଦେହ ନାହିଁ ।

Like this article?

Hey! I am Shuvanshu Kar. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News