ଶୀତଦିନରେ ଗେଣ୍ଡୁଫୁଲ ଚାଷ

How to Plant, Grow, and Care for Marigold flower in winter season

ଶୀତଦିନେ(winter) ବଗିଚାରେ ଗେଣ୍ଡୁ ଫୁଲ (marigold) ର ସମାହାର ବେଶ ମନଲୋଭା ହୋଇଥାଏ । ସାଧାରଣତଃ ଶୀତ ଦିନେ ଘରେ ଘରେ ବାଡ଼ି ବଗିଚାରେ ଗେଣ୍ଡୁ ଫୁଲ ଦେଖିବାକୁ ମିଳେ । ସୌନ୍ଦର୍ଯ୍ୟ ଓ ସୁଗନ୍ଧ ରେ ମହକୁଥିବା ଏହା ଏପରି ଏକ ଫୁଲ ଯାହାର ଅନେକ ଗୁଡିଏ ଭଲ ଗୁଣ ଅଛି । ଏହା ଶୀଘ୍ର ନଷ୍ଟ ହୁଏ ନାହିଁ, ଅପେକ୍ଷାକୃତ ଭାବେ ଟାଣ, ଶସ୍ତା, ସୁନ୍ଦର ଓ ଏବଂ ବଜାରରେ ମଧ୍ୟ ସହଜରେ ମିଳିଥାଏ । ଏବେ ବଜାରରେ ଏହି ଫୁଲର ଚାହିଦା ଅଧିକ ରହିଛି । ପୂଜା ପର୍ବଠାରୁ ଆରମ୍ଭ କରି ଜନ୍ମଦିନରେ , ଘର ଉପାସନା , ପୀଠ ଓ ସଭା ସମିତି ମାନଙ୍କରେ ଏହି ଫୁଲର ଆଦର ବେଶ ଅଧିକ ।

ଶୀତଦିନରେ ଏହି ଫୁଲର ବ୍ୟବହାର ସମସ୍ତ ଫୁଲ ମାନକ ଠାରୁ ଟିକେ ଆଗରେ । ଶୀତଦିନେ ଅଧିକାଂଶ ଲୋକଙ୍କ ବାଡି ବଗିଚାରେ ଭଳି କି ଭଳି ରଙ୍ଗର ଗେଣ୍ଡୁଫୁଲ (marigold) ଶୋଭାବର୍ଦ୍ଧନ କରେ । ଏହା ଏକ ତୃଣ ଜାତୀୟ ଉଦ୍ଭିଦ । କିନ୍ତୁ ଏବେ ବୈଜ୍ଞାନିକ ପଦ୍ଧତିରେ(scientific methods) ସବୁଦିନିଆ କିସମ ଉଭାବିତ ହୋଇଗଲାଣି ଯାହାଦ୍ୱାରା ଏହି ଫୁଲଟିକୁ ବର୍ଷସାରା ଚାଷ କରାଯାଇ ଲାଭବାନ ହୋଇପାରିବେ ଚାଷୀ । ଆମର ରାଜ୍ୟରେ ଫୁଲର ବଜାର ରହିଛି । ଚାଷୀମାନେ ଏହାକୁ ଉନ୍ନତ ପ୍ରଣାଳୀରେ ଚାଷକଲେ ଆର୍ଥିକ ଦୃଷ୍ଟିରୁ ନିଶ୍ଚିତଭାବେ ଲାଭବାନ ହୋଇପାରିବେ ।

କିପରି କରିବେ ଜମିପ୍ରସ୍ତୁତି –

ନିଗିଡା, ଦୋରସା, ବାଲିଆ ଦୋରସା ଓ ଅଧିକ ଜୈବ ଅଙ୍ଗାର ଥିବା ମାଟିରେ ଗେଣ୍ଡୁଫୁଲ (marigold )ଭଲ ଚାଷ କରିହୁଏ । ତଥାପି ଏହାକୁ ପ୍ରତିକୂଳ ପରିବେଶରେ ଚାଷ କରାଯାଇପାରିବ । ଏଥିପାଇଁ ମାଟିକୁ ୨-୩ ଥର ହଳକରି ଭଲ ଭାବରେ ମାଟିକୁ ଗୁଣ୍ଡ କରନ୍ତୁ । ଅନାବନା ଘାସ, ଚେର , ମୂଳ ଇତ୍ୟାଦି ସଫାକରି ଚାଷ ଜମିକୁ ଭଲକରି ସମତଳ କରନ୍ତୁ । ଶେଷ ଥର ହଳ କରିବା ସମୟରେ ହେକ୍ଟର ପ୍ରତି ୧୦-୨୦ ଗାଡି ଶଢା ଗୋବର ଖତ ମିଶାନ୍ତୁ । ଏହି ମାଟିକୁ ଫସଫସିଆ କରିବା ସହିତ , ଜଳଧାରଣ ଶକ୍ତି କୁ ବଢାଇବ ଓ ଉତ୍ପାଦିକା ଶକ୍ତିକୁ ମଧ୍ୟ ବୃଦ୍ଧି କରିବ ।

କିସମ କେତେ ପ୍ରକାରର ଓ କ’ଣ କ’ଣ –

ସାଧାରଣତଃ ଗେଣ୍ଡୁଫୁଲ ଦୁଇ ପ୍ରକାରର (2 types) ଦେଖିବାକୁ ମିଳେ । ଆଫ୍ରିକୀୟ ଗେଣ୍ଡୁ ଏବଂ ଫରାସୀ ଗେଣ୍ଡୁ (African and French) । ଆଫ୍ରିକୀୟ ଗେଣ୍ଡୁ ଯଥା - ଜାଏଣ୍ଟ ଡବଲ, ଆଫ୍ରିକାନ ୟେଲୋ , ବେଙ୍ଗଲ ୟେଲୋ । ଫରାସୀ ଗେଣ୍ଡୁ ଯଥା - ଆଫ୍ରିକାନ ଅରେଞ୍ଜ , ବଟରସ୍କଚ ଏଜେଣ୍ଟ ଡବଲ । ଅନ୍ୟାନ୍ୟ କିସମ ରେ ଇନକୋ ଭଳି ଗେଣ୍ଡୁଫୁଲ ଦେଖିବାକୁ ମିଳେ ।

କିପରି କରିବେ ଚାରା ରୋପଣ,ଜାଣନ୍ତୁ...

ଶାଖା ଆଗରୁ ୨-୩ ଗୁଣ୍ଠ ଛାଡି ଡାଳ ଗୁଡିକ କାଟନ୍ତୁ । ବାଲିଆ ମାଟିରେ ଖତ ମିଶା ପଟାଳିରେ ଲଗାଇ ପାଣି ଦିଅନ୍ତୁ । ପ୍ରାୟ ଏକ ସପ୍ତାହ ମଧ୍ୟରେ ଚେର ବାହାରିଥାଏ ଏହି ଡାଳ ଗୁଡ଼କରୁ । ଶୀଘ୍ର ଚେର ହେବା ପାଇଁ ସେରାଡେକ୍ସ ଇତ୍ୟାଦି ବଜାରରେ ମିଳୁଥିବା ହରମୋନ ବ୍ୟବହାର କରାଯାଇପାରେ । ପ୍ରସ୍ତୁତ ଜମିରେ ଧାଡିକୁ ଧାଡି ୪୦-୪୫ ସେମି ଓ ଗଛକୁ ଗଛ ୩୦-୪୦ ସେମି ବ୍ୟବଧାନରେ ଧାଡିରେ ଲଗାନ୍ତୁ । ସପ୍ତାହକୁ ଥରେ ବା ଦୁଇଥର ଚାରା କିମ୍ବା ଗଛ ଗୁଡିକରେ ହାଲୁକା ଜଳସେଚନ କରନ୍ତୁ । ଚାରା ଲଗାଇବାର ୧୫-୨୦ ଦିନ ପରେ କୋଡାଖୁସା ଓ ଘାସ ବଛା ଅବଶ୍ୟକ । ଉଈ ଓ ଅନ୍ୟାନ୍ୟ ରୋଗପୋକ ଦମନ ପାଇଁ ଔଷଧ ସିଞ୍ଚନ କରିବ ଜରୁରୀ ।

କିପରି କରିବେ ସାର ପରିଚାଳନା-

ଅଧିକ ଅମଳ ଏବଂ ବ୍ୟବସାୟ ଭିତ୍ତିରେ ଚାଷ କଲେ ସାର ପ୍ରୟୋଗର ଅବଶ୍ୟକତା ରହିଛି । ଏହାର ସୁଷମ ପ୍ରୟୋଗ ଓ ପରିଚାଳନା ଲାଭପ୍ରଦ ସାବ୍ୟସ୍ତ ହୁଏ ଚାଷୀପାଇଁ । ହେକ୍ଟର ପ୍ରତି ୬୦-୩୦ କିଲୋ ଯବକ୍ଷାରଜାନ, ଫସଫରସ ଓ ପଟାସ ଆବଶ୍ୟକ କରେ ଏହି ଫୁଲ ଚାଷ ପାଇଁ । ଚାରା ଲଗାଇବା ସମୟରେ ଯବକ୍ଷାରଜାନ ଓ ପଟାସ ଏବଂ ସମସ୍ତ ଫସଫରସକୁ ଧାଡିରେ ଭଲକରି ପ୍ରୟୋଗ କରନ୍ତୁ । ବାଲିଆ କିମ୍ବା ଦୋରସା ମାଟିରେ ଯବକ୍ଷାରଜାନ ଓ ପଟାସ ସାରକୁ ୩ କିସ୍ତିରେ ଓ ଫସଫରସକୁ ୨ କିସ୍ତିରେ ପ୍ରୟୋଗ କଲେ ଅଧିକ ସୁଫଳ ମିଳେ ।

କମ ଟଙ୍କାରେ ଆରମ୍ଭ କରନ୍ତୁ ଏହି ବ୍ୟବସାୟ , ରୋଜଗାର କରିବେ ଲକ୍ଷ ଲକ୍ଷ ଟଙ୍କା

ମାର୍ଗଶିର ର ଆଗମନରେ....