ଆପଣଙ୍କ ରାଜ୍ୟର ଫଳକୁ ମିଳିଛି କି GI TAG? ଜାଣନ୍ତୁ...

know about gi tag mango in india

ଫଳମାନଙ୍କ ମଧ୍ୟରେ ଆମ୍ବ ହେଉଛି ରାଜା । ଆମ୍ବର ବିଭିନ୍ନ କିସମରେ ଲୁଚି ରହିଥିବା ଖାସ ଗୁଣ କାରଣରୁ ସରକାରଙ୍କ ପକ୍ଷରୁ ଜିଆଇ ଟ୍ୟାଗ(gi tag) ଦିଆଯାଇଥାଏ । ଯେଉଁ ଭୌଗଳିକ ଅଞ୍ଚଳରେ ଆମ୍ବର କିସମ ଜନ୍ମ ନେଇଥାଏ, ତାହା ସ୍ବତନ୍ତ୍ର ଅଟେ । ତେଣୁ ଏହାକୁ ସେହି ଅଞ୍ଚଳର ଜିଆଇ ମାନ୍ୟତା ଦେବାର ବ୍ୟବସ୍ଥା ରହିଛି ।

ଜ୍ଞାତ ଇତିହାସରେ ଗୋଟିଏ ମୂଳ ଅଞ୍ଚଳରେ କୌଣସି ଆମ୍ବ ପ୍ରଜାତି ପ୍ରଥମେ ଜନ୍ମ ନେଇଥାଏ । ପରେ ସେହି ଆମ୍ବର ଚାଷ କୌଣସି ଅନ୍ୟ ଅଞ୍ଚଳରେ କରାଯାଏ । ହେଲେ ମୂଳ ରୂପେ ତାକୁ ଜିଆଇ ଟ୍ୟାଗ ଥିବା ରାଜ୍ୟର ଆମ୍ବ ବୋଲି ବିବେଚନା କରାଯାଏ । ପଶ୍ଚିମବଙ୍ଗର ମାଲଦାରେ ଫଳୁଥିବା ଫଜଲି ଆମ୍ବ ହେଉ କି ଉତ୍ତରପ୍ରଦେଶର ମଲିହାବାଦୀ ଆମ୍ବ, ସବୁର ଗୋଟିଏ ସ୍ବତନ୍ତ୍ରତା ରହିଛି ।

କେଉଁ ଆମ୍ବକୁ ଜିଆଇ ଟ୍ୟାଗ, ଜାଣନ୍ତୁ...

ବିଦେଶରେ ଭାରତୀୟ ଆମ୍ବର ବେଶ ଚାହିଦା ରହିଥାଏ । ୟୁଏଇ ଓ ଆମେରିକା ଭଳି ଦେଶ କୋଟି କୋଟି ଟଙ୍କାର ଆମ୍ବ ଆମଦାନୀ କରିଥାନ୍ତି । ପଶ୍ଚିମବଙ୍ଗ ଓ ଉତ୍ତରପ୍ରଦେଶ ସମେତ ବିହାର ଓ କର୍ଣ୍ଣାଟକରେ ମଧ୍ୟ ଜିଆଇ ଟ୍ୟାଗ(gi tag) ଦିଆଯାଇଛି ।

ମହାରାଷ୍ଟ୍ରର ଅଫ୍ଲୋଂସୋ

କୃଷି ଉତ୍ପାଦ ରପ୍ତାନୀ ବିକାଶ ପ୍ରାଧିକରଣର ଅଫିସାଇଲ ଟ୍ବିଟର ହ୍ୟାଣ୍ଡେଲର ସୂଚନା ଅନୁଯାୟୀ, ମହାରାଷ୍ଟ୍ରରେ ଫଳୁଥିବା ଆମ୍ବ ଅଫ୍ଲୋଂସୋକୁ ଜିଆଇ ଟ୍ୟାଗ ଦିଆଯିବା ନେଇ ସୂଚନା ଜାରି କରାଯାଇଛି । ଏହି ଆନମ୍ବର ବିଶେଷତା ହେଉଛି ଯେ ଏହା ପାଚିବା ପରେ ଏହାର ରଙ୍ଗ ନାରଙ୍ଗି ଓ ହଳଦିଆ ମିଶା ହୋଇଯାଏ । ଅଫ୍ଲୋଂସୋର ତଳ ଅଂଶ ଲାଲ ରହିଥାଏ. ଯାହା ଏହାକୁ ସ୍ବତନ୍ତ୍ର ପରିଚୟ ଦେଇଥାଏ । ଏହାର ସ୍ବାଦ ମଧ୍ୟ ବେଶ ଖାସ ।

ଉତ୍ତରପ୍ରଦେଶ 2 ଆମ୍ବକୁ ଜିଆଇ ଟ୍ୟାଗ

ଉତ୍ତରପ୍ରଦେଶ କାକୋରିର ମାଲିହାବାଦି ଆମ୍ବ । ମାଲିହାବାଦି ଆମ୍ବ ଦଶହେରି ନାମରେ ମଧ୍ୟ ଜଣାଶୁଣା । ଏହି ପ୍ରକାରର ଆମ୍ବରେ ତନ୍ତୁ ନଥାଏ ଏବଂ ଏହା ବହୁତ ମିଠା । ଗୋମତି ନଦୀ କୂଳରେ ଫଳୁଥିବା ଏହି ଆମ୍ବକୁ ମାଲିହାବାଦି ଦଶହେରି ଭାବରେ ଜଣାଯାଏ । ଲକ୍ଷ୍ନୌରେ ବଢୁଥିବା ମାଲିହାବାଦି ସମେତ, ୟୁପିର ବାଗପତ ଜିଲ୍ଲାରେ ଫଳୁଥିବା ରତାଲ ଆମ୍ବକୁ ମଧ୍ୟ ଜିଆଇ ଟ୍ୟାଗ୍ ମିଳିଛି ।

ବରଗଡରେ ଫଳୁଛି ଜାପାନୀ ଆମ୍ବ, ଦାମ ଜାଣିଲେ ହୋଇଯିବେ ଆଶ୍ଚର୍ଯ୍ୟ

ଆମ୍ବର ମଣିଷ: କିଷାନ ସୁମନ

ବିହାରର ଜର୍ଦାଲୁ ଆମ୍ବ

ଜିଆଇ ଟ୍ୟାଗ୍ ଥିବା ଜର୍ଦାଲୁ ଆମ୍ବ ମଧ୍ୟ ଭାଗଲପୁରୀ ଜର୍ଦାଲୁ ଭାବରେ ଲୋକପ୍ରିୟ । ବିହାରର ଭାଗଲପୁର, ବାଙ୍କା ଏବଂ ମୁଙ୍ଗେର ଜିଲ୍ଲାରେ ଫଳୁଥିବା ଜର୍ଦାଲୁ ଆମ୍ବ ମଧ୍ୟ ମୌସୁମୀ ସମୟରେ ଫଳୁଥିବା ଆମ୍ବର ଏକ ପ୍ରଜାତି ।

କର୍ଣ୍ଣାଟକର ଅପୋମିଡି ଆମ୍ବ

କର୍ଣ୍ଣାଟକର ଅପୋମିଡି ଆମ୍ବରେ ତନ୍ତୁ କମ୍ ଥାଏ । ଭିନ୍ନ ପ୍ରକାରର ଏହି ଆମ୍ବ କୋମଳ ଅଟେ । ଏହି ଆମ୍ବ ସ୍ୱାଦରେ ଖଟା । ଅପୋମିଡି ଆମ୍ବଗୁଡିକର ରଙ୍ଗ, ଆକାର, ଟାକୁଆ, ଅମଳ ଋତୁକୁ ନେଇ ସ୍ୱୀକୃତିପ୍ରାପ୍ତ । ଅପୋମିଡି ପଶ୍ଚିମଘାଟର ଜଙ୍ଗଲରେ ଫଳିଥାଏ ।

ଆନ୍ଧ୍ରପ୍ରଦେଶର ବାଇଗଣପଲେଇ ଆମ୍ବ

ଏହି ପ୍ରଜାତିର ମୂଳତଃ ଆନ୍ଧ୍ରପ୍ରଦେଶରେ ଫଳିଥାଏ । ଗ୍ରୀଷ୍ମ ପାନୀୟ ଭାବରେ ଆମ୍ବ ରସର ଚାହିଦା ରହିଥାଏ । ବାଇଗଣପଲେଇ ସାଧାରଣତ ବଡ଼ ଏବଂ ଆଣ୍ଡାକୃତିର ହୋଇଥାଏ । ଏହି ଆମ୍ବ ରଙ୍ଗ ସୁନେଲି ହଳଦିଆ ।

ପଶ୍ଚିମବଙ୍ଗର ଫଜଲି ଆମ୍ବ

ପଶ୍ଚିମବଙ୍ଗର ତିନୋଟି ଆମ୍ବକୁ ଜିଆଇ ଟ୍ୟାଗ୍ ଦିଆଯାଇଛି | ଫଜଲି ଆମ୍ବ ମାଲଦା ଜିଲ୍ଲାରେ ଫଳୁଥିବା ଭିନ୍ନ ପ୍ରକାରର ଆମ୍ବ | ଫଜଲି ଆକାରରେ ବଡ଼ ଏବଂ ଆମ୍ବର ଓଜନ 700-1500 ଗ୍ରାମ ମଧ୍ୟରେ ଭିନ୍ନ ହୋଇଥାଏ । ଏହାର ଚୋପା କଠିନ ଏବଂ ମଧ୍ୟମ ଘନତା । ଜିଆଇ ଟ୍ୟାଗ୍ ପ୍ରାପ୍ତ ଫଜଲି ଆମ୍ବ ବହୁ ପରିମାଣରେ ବହାରେନର ମଧ୍ୟ ପୂର୍ବ ଦେଶକୁ ରପ୍ତାନି ହୋଇଥାଏ ।