ମାଛ ଚାଷ ପାଇଁ ସରକାରଙ୍କ ଯୋଜନା, କମ ବ୍ୟୟରେ ଅଧିକ ଲାଭ

Odisha government scheme for fish farming

ଓଡିଶାରେ ମାଛର ଚାହିଦା ଥିବା ବେଳେ ଓଡିଶା ସରକାର ମଧ୍ୟ ଏହାକୁ ଦୃଷ୍ଟିରେ ରଖି ବିଭିହ୍ନ ପ୍ରକାର ଯୋଜନା ମାଧ୍ୟମରେ ମାଛ ଚାଷୀଙ୍କୁ ସହାୟତା ଯୋଗାଇ ଦେଉଛନ୍ତି | ଓଡିଶା ସରକାରଙ୍କ ଏହି ଯୋଜନାରେ ଅନ୍ତର୍ଭୁକ୍ତ ହୋଇ ମାଛ ଚାଷୀ ମାନେ ଚାଷ (Fish farming )ପାଇଁ ବିଭିହ୍ନ ପ୍ରକାର ଲାଭ ପାଇବା ସହ ଭଲ ଉପାର୍ଜନ ମଧ୍ୟ କରିପାରିବେ | ମାଛ ଚାଷ ପାଇଁ ସରକାରଙ୍କର ଥିବା ଯୋଜନା ଗୁଡିକ ହେଲା:

1 - ମତ୍ସ୍ୟ ପୋଖରୀ ଯୋଜନା :-

ଏହି ଯୋଜନାଟି ମତ୍ସ୍ୟ ଚାଷ ବିଭାଗ ଓଡିଶା ସରକାରଙ୍କ (Odisha goverment)ଦ୍ଵାରା ୨୦୧୭-୧୮ ମସିହାରୁ ଆରମ୍ଭ ହୋଇଛି | ମତ୍ସ୍ୟ ଚାଷୀ ମାନେ ନୃତନ ପୋଖରୀ ଖନନ ନିମନ୍ତେ ବ୍ଲକ ସ୍ତରୀୟ ସହକାରୀ ମତ୍ସ୍ୟ ଅଧିକାରୀଙ୍କ ନିକଟରେ ଆବେଦନ କରି ପାରିବେ | ଏକ ହେକ୍ଟର ନୂତନ ପୋଖରୀ ଖନନ ନିମନ୍ତେ ୮ ଲକ୍ଷ ୫୦ ହଜାର ଟଙ୍କାର ଖର୍ଚ୍ଚ ଅଟକଳରେ ୫୦ ପ୍ରତିଶତ ସରକାରୀ ସହାୟତା ଯୋଗାଇ ଦିଆଯାଉଛି | ଜଣେ ମତ୍ସ୍ୟ ଚାଷୀ ସର୍ବାଧିକ ୨ ହେକ୍ଟର ପର୍ଯ୍ୟନ୍ତ ନୃତନ ପୋଖରୀ ଖନନ କରିପାରିବେ ,ଏବଂ ସର୍ବନିମ୍ନ ୦.୨ ହେକ୍ଟର ପୋଖରୀ ପାଇଁ ସହାୟତା ପାଇପାରିବେ |

2 - ନୂତନ ପୋଖରୀ ଖନନର ଖର୍ଚ୍ଚ ଅଟକଳ ସହାୟତା :-

ନୂତନ ମତ୍ସ୍ୟ ପୋଖରୀ (Fish pond ) ଖନନ ନିମନ୍ତେ ସହାୟତା ପାଇଁ ଜୋନ ସ୍ତରୀୟ ମତ୍ସ୍ୟ ଅଧିକାରୀ ,ଜିଲ୍ଲା ସ୍ତରୀୟ ମତ୍ସ୍ୟ ଅଧିକାରୀ ,ଜୋନ ସ୍ତରୀୟ କୃଷୀ ଅଧିକାରୀ ଏବଂ ଜିଲ୍ଲାପାଳଙ୍କ ଅନୁମୋଦନ ପାଇବା ପରେ ମତ୍ସ୍ୟଚାଷୀ ମାନେ ବ୍ୟାଙ୍କ ଆକାଉଣ୍ଟ ମାଧ୍ୟମରେ ଟଙ୍କା ପାଇପାରିବେ |

ପୋଖରୀ ଖନନ -୫୦୦୦୦୦/–ସହାୟତା ୨୫୦୦୦୦/
ଜଗୁଆଳୀ ଓ ଜିନିଷପତ୍ର ରଖିବା ଗୃହ-୧୦୦୦୦୦/–ସହାୟତା ୫୦୦୦୦/
ପାଣିପମ୍ପ ଓ ପାଣିର ପରିଚାଳନା-୧୦୦୦୦୦/–ସହାୟତା ୫୦୦୦୦/
ମତ୍ସ୍ୟ ଚାଷ ନିମନ୍ତେ ଖର୍ଚ୍ଚ-୧୫୦୦୦୦/–ସହାୟତା ୭୫୦୦୦/
ସର୍ବମୋଟ ୮୫୦୦୦୦–ସହାୟତା ୪୨୫୦୦୦

3 - ଡଙ୍ଗା ଓ ଜାଲ କ୍ରୟ ଯୋଜନା:-

ଏହି ଯୋଜନା ମାଧ୍ୟମରେ ନୂତନ ଡଙ୍ଗା ପାଇଁ ୩୦,୦୦୦ /- ଟଙ୍କା ଓ ଜାଲ କ୍ରୟ(Fish catch net)ପାଇଁ ୨୦,୦୦୦ ଟଙ୍କା ସମୁଦାୟ ୫୦,୦୦୦ ଟଙ୍କା ଖର୍ଚ୍ଚ ଅଟକଳରେ ୨୫,୦୦୦ ଟଙ୍କା ମାଛ ଚାଷୀ ମାନଙ୍କୁ ସହାୟତା ଯୋଗାଇ ଦିଆଯାଉଛି |

4 - ମାଛ ପରିବହନ :-

ମାଛ ପରିବହନ (fish transport)ଯୋଜନା ମାଧ୍ୟମରେ ଘରକୁ ଘର ବୁଲି ମାଛ (Fish)ବିକ୍ରୟ ପାଇଁ ଦୁଇଚକିଆ ଯାନସହ ବରଫ ବାକ୍ସ ନିମନ୍ତେ ସମୁଦାୟ ଖର୍ଚ୍ଚ ଅଟକଳ ୬୦,୦୦୦ /-ଟଙ୍କାର ୩୦,୦୦୦/-ଟଙ୍କା ସହାୟତା ଏବଂ ତିନିଚକିଆ ଡାଲାଅଟୋ ୨,୦୦,୦୦୦ /- ଟଙ୍କା ଖର୍ଚ୍ଚ ଅଟକଳରେ ୧,୦୦,୦୦୦/-ଟଙ୍କା ସହାୟତା ,ପ୍ରାଥମିକ ମତ୍ସ୍ୟଜୀବି ସଙ୍ଘ ଓ ସେଲ୍ଫ ହେଲ୍ପ ଗ୍ରୁପର ସଦସ୍ୟ ମାନଙ୍କ ମାଧ୍ୟମରେ ଯୋଗାଇ ଦିଆଯାଉଛି |

5 - ଜଳ ପ୍ଳାବିତ ପୋଖରୀ ଉନ୍ନତି ନିମନ୍ତେ:-

ଏହି ଯୋଜନାରେ ଖାଲ ଓ ସନ୍ତ ସନ୍ତିଆ ପୋଖରୀର (fish pond) ଖନନ ଓ ଉନ୍ନତି ନିମନ୍ତେ ୫,୦୦,୦୦୦/-ଟଙ୍କା ଓ ମାଛ ଚାଷ ନିମନ୍ତେ ୧,୫୦,୦୦୦/- ଟଙ୍କା ସମୁଦାୟ ୬,୫୦,୦୦୦/-/- ପ୍ରତି ହେକ୍ଟର ଖର୍ଚ୍ଚ ଅଟକଳରେ ୪୦ ପ୍ରତିଶତ ସହାୟତା ଯୋଗାଇ ଦିଆଯାଉଛି |

ଉନ୍ନତ ପ୍ରଜାତିର କଉ ମାଛ ''ଗିଫଟ୍ ଟିଲାପିଆ"

ମିଶ୍ରିତ ପ୍ରଜାତିର ମାଛ ପାଳନ କରନ୍ତୁ…ରୋଜଗାର କରନ୍ତୁ ଲକ୍ଷ ଲକ୍ଷ ଟଙ୍କା…