PM KISAN: ୧୪ତମ କିସ୍ତି ପୂର୍ବରୁ କୃଷି ମନ୍ତ୍ରୀଙ୍କ ଘୋଷଣା, ୧୪ କୋଟି ଚାଷୀକୁ ମିଳିବ ଲାଭ

Agriculture minister launches sathi portal mobile app

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କୃଷକମାନଙ୍କୁ ପ୍ରତ୍ୟକ୍ଷ ସହାୟତା ଦେବା ପାଇଁ ଡିସେମ୍ବର 2018 ରେ ପିଏମ କିସାନ ଯୋଜନା ଆରମ୍ଭ କରିଥିଲେ । ଏହା ପୂର୍ବରୁ କୃଷକମାନେ ବ୍ୟାଙ୍କ ଆକାଉଣ୍ଟରୁ ସିଧାସଳଖ କୌଣସି ସରକାରଙ୍କ ଠାରୁ ନଗଦ ସହାୟତା ପାଇ ନଥିଲେ ଯାହା କେନ୍ଦ୍ର ସର୍କର ୨୦୧୮ ରେ ଲାଗୁ କଲେ  ।

ପିଏମ କିଷାନ ସମ୍ମାନ ନିଧି ଯୋଜନାର ୧୪ତମ କିସ୍ତିର ତାରିଖ ଖୁବ ଶୀଘ୍ର ଘୋଷଣା କରିପାରନ୍ତି କେନ୍ଦ୍ର ସରକାର । ଏହି କିସ୍ତି ଏପ୍ରିଲ ଓ ଜୁଲାଇ ୨୦୨୩ ମଧ୍ୟରେ ମିଳିବାର ଆଶଙ୍କା ରହିଛି ଯାହା ଚାଷୀଙ୍କ ପାଇଁ ଏକ ବଡ ଖୁସି ଖବର  । ତେବେ ସୂଚନାଯୋଗ୍ୟ ଯେ, ଏହାର ୧୩ତମ କିସ୍ତି ୨୬ ଫେବ୍ରୁଆରୀ ୨୦୨୩ରେ ଜାରି କରାଯାଇଥିଲା । ଏପରି ପରିସ୍ଥିତିରେ ଏହି ଯୋଜନାରେ ସାମିଲ ହୋଇଥିବା ନୂଆ ଚାଷୀଙ୍କୁ ନିଜର ପରବର୍ତ୍ତୀ କିସ୍ତିର ଲାଭ ଉଠାଇବା ପାଇଁ ଶୀଘ୍ର ଆବେଦନ କରିବାକୁ ପଡ଼ିବ । ଏହା ପୂର୍ବରୁ ଯେଉଁ ଚାଷୀମାନେ ଏହି ଯୋଜନା ପାଇଁ ଆବେଦନ କରିସାରିଛନ୍ତି, ସେମାନେ ନିଜ ସ୍ଥିତିର ଯାଞ୍ଚ କରିପାରିବେ ।

ସମସ୍ତ ଚାଷୀ ଏବେ ପିଏମ୍ କିସାନ ସମ୍ମାନ ନିଧିର ୧୪ତମ କିସ୍ତି ପାଇଁ ଅପେକ୍ଷା କରୁଛନ୍ତି । ତେବେ ଏହି ୧୪ତମ କିସ୍ତିର ଟଙ୍କା ମେ ମାସର ଶେଷ ସପ୍ତାହରେ କିମ୍ବା ଜୁନ୍ ପ୍ରଥମ ସପ୍ତାହରେ ରିଲିଜ ହୋଇପାରେ ବୋଲି ସୂଚନା ରହିଛି  । ଏହି କିସ୍ତି ଆସିବା ପୂର୍ବରୁ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର ଦେଶର ଚାଷୀଙ୍କୁ ସାହାଯ୍ୟ କରିବା ପାଇଁ ଏକ ନୂତନ ପଦକ୍ଷେପ ନେଇଛନ୍ତି ଯାହା ଚାଷୀଙ୍କୁ ନିଜ ଚାଷ କ୍ଷେତ୍ରରେ ସାହାଯ୍ୟ କରିବ । ବଜାରରେ ନକଲି ମଞ୍ଜି ବିକ୍ରିକୁ ରୋକିବା ପାଇଁ କେନ୍ଦ୍ର ସରକାର ଏକ ନୂତନ ଆପ୍ ଲଞ୍ଚ କରିଛନ୍ତି । ଏବେ ଏହି ଆପ ଜରିଆରେ ଦେଶର ୧୪ କୋଟି କୃଷକ ଲାଭ ପାଇବେ । ଅନେକ ଥର ଠକାମୀ ଶିକାର ହୋଇ ଚାଷୀ ନକଲି ବିହନ କିଣିଥାନ୍ତି ଯାହା ତାଙ୍କ ବର୍ଷର ସମ୍ପୂର୍ଣ୍ଣ ଚାଷକୁ ଚାଷକୁ ନଷ୍ଟ କରିଦିଏ l

କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର ନକଲି ବିହନ ଚିହ୍ନଟ ଓ ପ୍ରାମାଣିକରଣ ପାଇଁ ପୋର୍ଟାଲ ଏବଂ ମୋବାଇଲ୍ ଆପ୍ ଜାରି କରିଛନ୍ତି ଯାହାର ନା ହେଉଛି " ସାଥୀ ଆପ " । ଏକ ରିପୋର୍ଟ ଅନୁଯାୟୀ, କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର ପୋର୍ଟାଲ ଓ ମୋବାଇଲ୍ ଆପ୍ 'ସାଥୀ'  ଲଞ୍ଚ କରିଛି । ଏହି ଆପ୍ ବିହନର ଗୁଣବତ୍ତା ଟ୍ରାକିଂ କରିବା ସହିତ  ତାହାର ପ୍ରମାଣିକରଣ ଏବଂ ସଂରକ୍ଷଣ ପାଇଁ ଏହା ଏକ କେନ୍ଦ୍ରୀଭୂତ ଅନଲାଇନ୍ ସିଷ୍ଟମ୍ ।

ବିହନ ଉତ୍ପାଦନ, ଗୁଣାତ୍ମକ ବିହନ ଚିହ୍ନଟ କରିବା ଏବଂ ବିହନ ପ୍ରମାଣିକରଣର ଆହ୍ୱାନକୁ ପୂରଣ କରିବା ପାଇଁ ଏହି ଆପ୍ ଡିଜାଇନ୍ କରାଯାଇଛି । କୃଷି ମନ୍ତ୍ରଣାଳୟର ସହଯୋଗରେ 'ସର୍ବୋତ୍ତମ ବିହନ ସମୃଦ୍ଧ କୃଷକ' ବିଷୟବସ୍ତୁ ଉପରେ ଏହା NIC ଦ୍ୱାରା ବିକଶିତ କରାଯାଇଛି । ଏହି ଅବସରରେ କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମର କହିଛନ୍ତି ଯେ, ବିଭିନ୍ନ ଯୋଜନା ଓ କାର୍ଯ୍ୟକ୍ରମ ମାଧ୍ୟମରେ କୃଷି କ୍ଷେତ୍ର ସମ୍ମୁଖୀନ ହେଉଥିବା ଆହ୍ୱାନ ତଥା ଅସୁବିଧାକୁ ଦୂର କରିବା ପାଇଁ ପ୍ରୟାସ କରାଯାଉଛି । ଯେଉଁଥିପାଇଁ ଏହି ଆପ ଡିଜାଇନ୍ କରାଯାଇଛି l

କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ କହିଛନ୍ତି ଯେ 'ସାଥି' ପୋର୍ଟାଲ ଏହି ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଓ ଏହା କୃଷି କ୍ଷେତ୍ରରେ ଏକ ବୈପ୍ଳବିକ ପଦକ୍ଷେପ ଭାବେ ପ୍ରମାଣିତ ହେବ । ସେହିପରି ଅନ୍ୟପଟେ ନରେନ୍ଦ୍ର ସିଂ ତୋମର କହିଛନ୍ତି ଯେ 'ସାଥି' ପୋର୍ଟାଲ ନିଜର ପ୍ରଥମ ପର୍ଯ୍ୟାୟ ଆରମ୍ଭ ହୋଇଛି । ଦ୍ୱିତୀୟ ପର୍ଯ୍ୟାୟରେ ଯେପରି ଅଧିକ ସମୟ ନହୁଏ ବୋଲି ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ସଚେତନତା ବୃଦ୍ଧି ପାଇଁ ଉଦ୍ୟମ କରାଯିବା ଏବଂ ଏଥିପାଇଁ ଯାହା ଉଚିତ ତାହା କୃଷକଙ୍କ ପାଇଁ କରାଯିବ l ଆଉ ପ୍ରତି କୃଷକମାନେ ଯେପରି ଏହାର ସମ୍ପୂର୍ଣ୍ଣ ଲାଭ ପାଇପାରିବେ ।

e-Nam ଯୋଜନାରୁ କେତେ ଲାଭ ପାଉଛନ୍ତି କୃଷକ ?

ଜଲଦି ଆକାଉଣ୍ଟକୁ ପଠାଯିବ PM କିଷାନ ସମ୍ମାନ ନିଧି ଯୋଜନାର ଆଗାମୀ କିସ୍ତି..