ବର୍ତ୍ତମାନ ଡାଇବେଟିସ ଏକ ବଡ଼ ରୋଗ ସମସ୍ୟା ହେଇଗଲାଣି । ୧୨ ବର୍ଷରୁ ଆରମ୍ଭ କରି ବୟସ୍କ ଲୋକ ପର୍ଯ୍ୟନ୍ତ ସମସ୍ତେ ଏହି ରୋଗରେ ପୀଡିତ ହେଉଛନ୍ତି । ଆଜି ଆମେ ଆପଣଙ୍କୁ ଏମିତି କିଛି ଖାଦ୍ୟ ବିଷୟରେ କହିବୁ ଯାହାକୁ ମଧୁମେହ (Diabetes) ରୋଗୀମାନେ ଜମା ଖାଇବା ଉଚିତ ନୁହେଁ ।
ମଧୁମେହ (Diabetes)ରୋଗୀ ଡାକ୍ତରଙ୍କ ପରାମର୍ଶ କ୍ରମେ ଖାଦ୍ୟ ପାନୀୟରେ ଅନେକ ପରିବର୍ତ୍ତନ ଆଣୁଥିଲେ ବି ସେମାନଙ୍କୁ ରକ୍ତ ସର୍କରାର ମାତ୍ରା କଣ୍ଟ୍ରୋଲ ରଖିବାକୁ ଔଷଧ ଉପରେ ନିର୍ଭର କରିବାକୁ ପଡୁଛି । ହେଲେ ଆପଣ ଜାଣିଛନ୍ତି କି, ଆପଣ ନିଜ ଅଜାଣତରେ ଏଭଳି କିଛି ଖାଦ୍ୟ ଖାଉଛନ୍ତି ଯାହା ଫଳରେ ରକ୍ତସର୍କରାର ମାତ୍ରା ବୃଦ୍ଧି ପାଉଛି । ଏସବୁ ଖାଦ୍ୟ ଠାରୁ ଦୂରେଇ ରହିଲେ ଆପଣଙ୍କ ରକ୍ତ ସର୍କରା କଣ୍ଟ୍ରୋଲ ହୋଇପାରେ ।
ତେଲଛଣା ଖାଦ୍ୟ,ଜାଣନ୍ତୁ...
ସମସ୍ତେ ଜାଣନ୍ତି କି ତେଲଛଣା ଖାଦ୍ୟ ଅନେକ ରୋଗର କାରଣ ହୋଇଥାଏ । ଏହା ଆପଣଙ୍କ ଶରୀରରେ ରକ୍ତ ସର୍କରା ବୃଦ୍ଧି କରିବାର ଏକ ପ୍ରମୁଖ କାରଣ । ତେଣୁ ମଧୁମେହ ରୋଗୀ (Diabetes) ତେଲଛଣା ଖାଦ୍ୟ ଠାରୁ ନିଜକୁ ଦୂରେଇ ରଖିବା ନିହାତି ଜରୁରି ।
ମଇଦାରୁ ପ୍ରସ୍ତୁତ ଖାଦ୍ୟ,ଜାଣନ୍ତୁ...
ମଧୁମେହ (Diabetes) ରୋଗୀଙ୍କ ପାଇଁ ମଇଦାରୁ ପ୍ରସ୍ତୁତ ଖାଦ୍ୟ ବିଷ ସମାନ । ତେଣୁ ମଇଦାରେ ପ୍ରସ୍ତୁତ ହୋଇଥିବା ଖାଦ୍ୟ ଠାରୁ ଦୂରେଇ ରୁହନ୍ତୁ । ମଇଦାରେ ଗ୍ଲାଇସୋମିକ ଇଣ୍ଡେକ୍ସ ଅଧିକ ଥାଏ , ଯାହା ଆପଣଙ୍କ ରକ୍ତରେ ସର୍କରାର ମାତ୍ରା ବୃଦ୍ଧି କରିବାରେ ସହାୟକ ହୋଇଥାଏ ।
ଆଳୁ,ଜାଣନ୍ତୁ...
ଭାରତୀୟଙ୍କ ରୋଷେଇ ଶାଳରେ ସବୁଠାରୁ ଅଧିକ ବ୍ୟବହୃତ ହେଉଥିବା ପରିବା ମଧ୍ୟରେ ଆଳୁ ଅନ୍ୟତମ । ଆଳୁରେ ସର୍ବାଧିକ ପରିମାଣର କାର୍ବୋହାଇଡ୍ରେଡ ସହ ଗ୍ଲାଇସୋମିକ ଇଣ୍ଡକ୍ସର ମାତ୍ରା ଅଧିକ ଥିବାରୁ ଏହା ମଧୁମେହ (Diabetes)ରୋଗୀଙ୍କ ପାଇଁ କ୍ଷତିକାରକ ।
ଘୋଳ ଦହି,ଜାଣନ୍ତୁ...
ଘୋଳ ଦହିରେ ସର୍କରାର ମାତ୍ରା ସର୍ବାଧିକ । ଏହାସହ ଏଥିରେ ଅନେକ ପ୍ରକାର କେମିକଲ ବ୍ୟବହାର କରାଯାଉଥିବାରୁ ଏହା ମଧୁମେହ (Diabetes) ରୋଗୀଙ୍କୁ ଅସୁବିଧାରେ ପକାଇପାରେ । ତେଣୁ ମଧୁମେହ ରୋଗୀ ଘୋଳଦହି ସେବନ କରିବା ଅନୁଚିତ ।
ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ଖାଦ୍ୟ ଖାଆନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।
ପ୍ରକାଶ ଥାଉ କି, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ନିଶ୍ଚିତ ଭାବରେ ଡାକ୍ତରଙ୍କର ହିଁ ପରାମର୍ଶ ଜରୁରୀ ଭାବରେ ନିଅନ୍ତୁ ।