ଠିଆ ହୋଇ ପାଣି ପିଇଲେ ହୋଇଥାଏ ଏସବୁ ରୋଗ ,ଜାଣନ୍ତୁ...

Do not drink Water in standing position it invites diseases

ପାଣି (Water)ଶରୀର ପାଇଁ କେତେ ଗୁରୁତ୍ୱପୂର୍ଣ୍ଣ ସମସ୍ତେ ଜାଣିଛନ୍ତି । ଏହା ଶରୀରକୁ ବିଭିନ୍ନ ରୋଗରୁ ରକ୍ଷା କରିଥାଏ । କିନ୍ତୁ ପାଣି ପିଇଲା ବେଳେ କେତୋଟି ନିୟମ ମାନିବାକୁ ପଡ଼ିଥାଏ । ସେଗୁଡ଼ିକ ସଂପର୍କରେ ଆପଣ ଜାଣିଛନ୍ତି କି ? ସେଥିରୁ ଗୋଟିଏ ହେଲା କି ଠିଆ ହୋଇ ପାଣି ପିଇବା ଶରୀର ପାଇଁ କ୍ଷତିକାରକ ହୋଇଥାଏ ।

ଯଦି ଠିଆ ହୋଇ ଆପଣମାନେ ପାଣି ପିଉଛନ୍ତି ତାହେଲେ ଏହି ଅଭ୍ୟାସ ଶୀଘ୍ର ହିଁ ବଦଳାନ୍ତୁ । ନହେଲେ ଆପଣ ବିଭିନ୍ନ ରୋଗକୁ ଆମନ୍ତ୍ରଣ କରିବେ। ତାହାହେଲେ ଆସନ୍ତୁ ଜାଣିବା ଛିଡ଼ା ହୋଇ ପାଣି ପିଇଲେ କେଉଁ କେଉଁ ରୋଗ ହୋଇଥାଏ...

ଠିଆ ହୋଇ ପାଣି ପିଇଲେ କିଡ୍‌ନୀ ରୋଗ ହୁଏ,ଜାଣନ୍ତୁ...

କିଡ୍‌ନୀର କାମ ହେଲା ପାଣିକୁ ଛାଣିବା । ଯଦି ଛିଡ଼ା ହୋଇ ପାଣି ପିଉଛନ୍ତି, ତାହାହେଲେ ପାଣି ଠିକ୍‌ ଭାବରେ ଛାଣି ହୋଇ ନ ଥାଏ । ଫଳରେ ମୁତ୍ରାଶୟ ଓ ରକ୍ତରେ ମଇଳା ପଦାର୍ଥ ଜମି ଯାଏ । ଯଦି ଏଭଳି ସ୍ଥିତି ଦୀର୍ଘଦିନ ସମୟ ଧରି ଜାରି ରହେ ତାହେଲେ ମୁତ୍ରାଶୟ, ହୃତପିଣ୍ଡ ଓ କିଡ୍‌ନୀରେ ରୋଗ ଜନ୍ମ ହୋଇଥାଏ ।

ଠିଆ ହୋଇ ପାଣି ପିଇଲେ ପେଟ ରୋଗ ହୁଏ,ଜାଣନ୍ତୁ...

ଛିଡ଼ା ହୋଇ ପାଣି ପିଇବା ଦ୍ୱାରା ଶରୀର ଭିତରକୁ ପାଣି ଶୀଘ୍ର ପ୍ରବେଶ କରିଥାଏ । ଫଳରେ ଶରୀରରେ ଥିବା ବିଭିନ୍ନ ଅଙ୍ଗପ୍ରତ୍ୟଙ୍ଗକୁ କ୍ଷତି ପହଞ୍ଚାଇଥାଏ । ବାରମ୍ବାର ଏପରି କରିବା ଦ୍ୱାରା ପାକସ୍ଥଳୀ ଖରାପ ହୋଇଯାଏ । ହୃତପିଣ୍ଡ ଉପରେ ମଧ୍ୟ ଖରାପ ପ୍ରଭାବ ପଡ଼େ ।

ଠିଆ ହୋଇ ପାଣି ପିଇଲେ ଆଣ୍ଠୁଗଣ୍ଠି ସମସ୍ୟା ହୁଏ,ଜାଣନ୍ତୁ...

ଛିଡ଼ା ହୋଇ ପାଣି ପିଇଲେ ଆଣ୍ଠୁଗଣ୍ଠି ସମସ୍ୟା ଦେଖାଯାଇଥାଏ । ଠିଆ ହୋଇ ପାଣି ପିଇଲେ ଗଣ୍ଠି ସ୍ଥାନରେ ଥିବା ତରଳ ପଦାର୍ଥର ସନ୍ତୁଳନ ପ୍ରଭାବିତ ହୋଇଥାଏ । ଫଳରେ ଗଣ୍ଠିରେ ଦରଜ ହୋଇଥାଏ ।

ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ପାଣି ପିଅନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।

ପ୍ରକାଶ ଥାଉ ଯେ, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ହିଁ ନିଶ୍ଚିତ ଭାବରେ ଡାକ୍ତରଙ୍କର ପରାମର୍ଶ ନିଅନ୍ତୁ ।

ବ୍ଲଡ ପ୍ରେସର ସମସ୍ୟାକୁ ଦୂର କରିବାକୁ ଚାହୁଁଛନ୍ତି କି ? କେବଳ କରନ୍ତୁ ଏହି ୫ଟି କାମ...

ରକ୍ତଚାପ ସମସ୍ୟାକୁ ଦୂର କରିବାକୁ ଚାହୁଁଛନ୍ତି କି ?ପ୍ରତିଦିନ ଖାଆନ୍ତୁ ଏହି ୫ଟି ଜିନିଷ