Health Benefits of Ginger Juice
ଅଦାକୁ ଆମେ ସାଧାରଣତଃ ତରକାରୀରେ ବ୍ୟବହାର କରିଥାଉ । କିନ୍ତୁ ଅଦାରେ ଅନେକ ଔଷଧୀୟ ଗୁଣ ରହିଛି । ଯାହା ସୁସ୍ଥ ଶରୀର ପାଇଁ ବେଶ ଉପକାରୀ । ତେବେ ଚାଲନ୍ତୁ ଜାଣିବା ଅଦା (Ginger)କୁ କେମିତି ବ୍ୟବହାର କରି ଖାଇଲେ ଆମ ଶରୀରରେ କଣ ସବୁ ଫାଇଦା ମିଳିଥାଏ...
ଅଦା (Ginger)ରେ ଇମ୍ୟୁନିଟି କ୍ଷମତା ଅଧିକ ଥାଏ । ଯାହା ଶରୀରର ରୋଗପ୍ରତିରୋଧକ ଶକ୍ତିକୁ ବଢ଼ାଇଥାଏ । ସେହିପରି ଅଦା (Ginger)ଖାଇବା ଦ୍ୱାରା ହୃଦ୍ରୋଗ ସମସ୍ୟାରୁ ସୁରକ୍ଷା ମିଳିଥାଏ । ଅଦାରେ ଆଇରନ୍ ଭାଗ ରହିଛି । ଫଳରେ ଆଇରନ୍ ଅଭାବରୁ ହେଉଥିବା ଆନେମିଆରୁ ଏହା ରକ୍ଷା କରିଥାଏ ।
ପାଚନକ୍ରିୟାକୁ କ୍ରିୟାଶୀଳ କରିଥାଏ ଅଦା । ସେଥିପାଇଁ ପ୍ରତିଦିନ ଭୋଜନରେ ଅଦାକୁ ସାମିଲ କରିବା ଉଚି୍ତ୍ । ଖାଲି ପେଟରେ ଅଦା ଜୁସ୍ (Ginger Juice)ପିଇଲେ ଗଳା ଦରଜ, ପେଟସମସ୍ୟା, ଆଣ୍ଠୁଗଣ୍ଠି ଦରଜ, କୋଲେଷ୍ଟରଲ ଓ କ୍ୟାନ୍ସର ଭଳି ମାରାତ୍ମକ ରୋଗଠୁ ନିଜକୁ ଦୂରେଇ ରଖି ହେବ ।
ଡାଇବେଟିସ୍ ରୋଗୀଙ୍କ ପାଇଁ ଏହା ଭାରି ଲାଭଦାୟକ । କାରଣ ଏହା ଶରୀରରେ ଗ୍ଲୁକୋଜ୍ର ପରିମାଣକୁ ନିୟନ୍ତ୍ରଣରେ ରଖିଥାଏ । ଫଳରେ ସୁଗାର ସ୍ତର ବଢି ନ ଥାଏ । ଅଦା (Ginger)ରେ ଫସଫରସ୍ ଥାଏ । ତେଣୁ ଦାନ୍ତ ସମସ୍ୟା ଥିବା ବ୍ୟକ୍ତି ନିୟମିତ ଅଦା (Ginger)ଖାଇଲେ ଏହା ଦାନ୍ତକୁ ବହୁତ ମଜଭୁତ୍ କରିଥାଏ ।
ଅଦା ରସ (Ginger Juice) ଶରୀରରେ ରକ୍ତ ଅଭାବକୁ ଦୂର କରିଥାଏ । ଅଦା ରସ (Ginger Juice)ସେବନ କରିବା ଦ୍ୱାରା ଶରୀରର ରକ୍ତ ସଞ୍ଚାଳନ ଉନ୍ନତ ହୋଇଥାଏ ।
ଗର୍ଭବତୀ ମହିଳାଙ୍କ ପାଇଁ ଅଦା ରସ (Ginger Juice)ଖାଇବା ମଧ୍ୟ ଲାଭଦାୟକ ଅଟେ । ଅଦାରସ ସଂକ୍ରମଣକୁ ରୋକିବାରେ ସହାୟକ ହୋଇଥାଏ ।
ଅଦା ରସ (Ginger Juice) ଆଖିର ଆଲୋକ ବଢାଇବା ପାଇଁ ସହାୟକ ହୋଇଥାଏ । ଅଦା ରସରେ ଆଣ୍ଟିଅକ୍ସିଡାଣ୍ଟ ଭରପୂର ମାତ୍ରାରେ ରହିଥାଏ । ଯାହା ଆଖି ସହିତ ଜଡିତ ସମସ୍ୟାକୁ ଦୂର କରିଥାଏ ।
ଯଦି ଆପଣମାନେ ଏହି ଜିନିଷଗୁଡ଼ିକୁ ଧ୍ୟାନରେ ରଖି ଅଦା ରସ (Ginger Juice) ପିଅନ୍ତି, ତେବେ ଆପଣମାନଙ୍କର କୌଣସି କ୍ଷତି ହେବ ନାହିଁ ।
ପ୍ରକାଶ ଥାଉ ଯେ, ଏହି ପ୍ରବନ୍ଧରେ ଦିଆଯାଇଥିବା ସୂଚନାକୁ ଗ୍ରହଣ କରିବା ପୂର୍ବରୁ ହିଁ ନିଶ୍ଚିତ ଭାବରେ ଡାକ୍ତରଙ୍କର ପରାମର୍ଶ ଜରୁରୀ ନିଅନ୍ତୁ ।
ଶରୀର ପାଇଁ କ୍ଷତିକାରକ ହଳଦୀ କ୍ଷୀର,ଜାଣନ୍ତୁ...
୩ ଦିନ ସକାଳୁ ଖାଲି ପେଟରେ ପିଅନ୍ତୁ ଜୀରା ପାଣି, ମୂଳରୁ ଶେଷ ହୋଇଯିବ ଏହି ବଡ ବଡ ରୋଗ
Share your comments