healthy pumpkin leaf for health
ଖରାପ ଶୈଳୀ ଯୋଗୁଁ ଶରୀର ଅଧିକ ଖରାପ ହେବାକୁ ଲାଗୁଛି l ସେଥିପାଇଁ ବର୍ତମାନ ର ଯୁବପିଢ଼ି ସୁସ୍ଥ ସ୍ୱାସ୍ଥ୍ୟ ଶୈଳୀ ଆପଣାଉଛନ୍ତି l ସେହିଭଳି କଖାରୁରେ ପ୍ରସ୍ତୁତ ତରକାରୀ ଏବଂ ବିଭିନ୍ନ ପ୍ରକାର ବ୍ୟଞ୍ଜନ ଆପଣମାନେ ନିଶ୍ଚୟ ଖାଇଥିବେ । ମାତ୍ର ଜାଣିଛନ୍ତି କି ? କଖାରୁ ପତ୍ର ସ୍ୱାସ୍ଥ୍ୟ ପାଇଁ କେତେ ଉପକାରୀ ହୋଇପାରେ l କଖାରୁୁ ପତ୍ରରେ ଭରପୁର ମାତ୍ରାରେ ଭିଟାମିନ୍ ରହିଛି । ଯାହା ଆମ ଶରୀର ପାଇଁ ବେଶ ଭଲ l
କଖାରୁ ଶାଗ ଖାଇବା ଦ୍ୱାରା ଶରୀରରେ କୋଲେଷ୍ଟେରୋଲ୍ ନିୟନ୍ତ୍ରଣ ହୋଇ ରହେ । ଚକ୍ଷୁ ସୁସ୍ଥ ହେବା ସହ ଦୃଷ୍ଟି ଶକ୍ତି ମଧ୍ୟ ମଜଭୁତ ହୋଇଥାଏ । ମଧୁମେହରୁ ମୁକ୍ତି ମିଳିଥାଏ ।
ଯଦି ଆପଣଙ୍କର ହାଡ ଜନିତ ସମସ୍ୟା ଅଛି, ତେବେ ଏହାର ପତ୍ରକୁ ଜୁସ୍ କରି ସକାଳେ ଖାଲି ପେଟରେ ଏକ ଗ୍ଲାସ ଏବଂ ରାତିରେ ଶୋଇବା ପୂର୍ବରୁ ଏକ ଗ୍ଲାସ ପିଇବା ଦ୍ୱାରା ଏହା ଦୂର ହୋଇଥାଏ ।
ଅଧିକାଂଶ ଲୋକ ଓଜନ ବୃଦ୍ଧି ପାଇଁ ଚିନ୍ତିତ, ତେବେ ନିୟମିତ ଏହି ଶାଗ ଖାଆନ୍ତୁ । ଯାହା ଖାଇବା ଦ୍ୱାରା ଶରୀର ଓଜନ ନିୟନ୍ତ୍ରଣ ରହିବ l ଏହି ଶାଗ ତ୍ୱଚା ଚମକୁ ବୃଦ୍ଧି କରିଥାଏ l ଏହି ସାଗରେ ପ୍ରଚୁର ପରିମାଣରେ
ଆଇରନ ରହିଛି । ଯାହା ଶରୀରରେ ରକ୍ତ ଅଭାବ ଦୂର କରେ । ରକ୍ତରେ ଶର୍କରାର ମାତ୍ରାକୁ ନିୟନ୍ତ୍ରଣ କରେ । ଯେଉଁମାନଙ୍କର ମଧୁମେହ ସମସ୍ୟା ରହିଛି, ସେମାନେ ନିୟମିତ ଏହାକୁ ସେବନ କଲେ ଲାଭ ମିଳିଥାଏ ।
ଏହି ଶାଗରେ ରହିଛି ଭିଟାମିନ୍ ସି l ଯାହାଦ୍ୱାରା ଶରୀର କ୍ଷତ ଶୀଘ୍ର ପୂରଣ ହୋଇଥାଏ । ଗର୍ଭବତୀ ମହିଳାଙ୍କ ପାଇଁ ଏହି ଶାଗ ଖୁବ୍ ଭଲ । ଏହା ଶିଶୁର ମାନସିକ ବିକାଶ କରିବାରେ ସାହାଯ୍ୟ କରିଥାଏ । ରସୁଣ ଓ କଳା ଜିରା ସହ ରୋଷେଇ କରି ଖାଇଲେ ସ୍ୱାସ୍ଥ୍ୟ ପାଇଁ ଖୁବ୍ ଉପକାରୀ ହୋଇଥାଏ । ନିୟମିତ ଏହି ଶାଗ ଖାଇବା ଦ୍ୱାରା ଶରୀରକୁ ସୁସ୍ଥ ରହିଥାଏ ।
Read more
Share your comments