ଆଜି ଆମେ ଆପଣମାନଙ୍କୁ ଏପରି ଏକ ବ୍ୟାବସାୟିକ ଆଇଡିଆ ଦେଉଛୁ ଯେଉଁଥିରେ ଆପଣମାନେ ନିଜ ଘରର ଖାଲି ଛାତକୁ ବ୍ୟବହାର କରି ସେଥିରୁ ଲକ୍ଷ ଲକ୍ଷ ଟଙ୍କା ରୋଜଗାର କରିପାରିବେ । ଆମେ ଆପଣଙ୍କୁ ସୌର ପ୍ୟାନେଲ୍ ବ୍ୟବସାୟ (solar panel business) ବିଷୟରେ କହୁଛୁ ।
ସୌର ପ୍ୟାନେଲ୍ ବ୍ୟବସାୟ (solar panel business) ଏଗୁଡ଼ିକୁ ଆପଣମାନେ ଯେକୌଣସି ସ୍ଥାନରେ ଲଗାଯାଇପାରିବ । ଆପଣ ଏଗୁଡ଼ିକୁ ନିଜ ଘରର ଛାତ ଉପରେ ରଖି ବିଦ୍ୟୁତ୍ ଉତ୍ପାଦନ କରି ପାରିବେ । ଏହା ଆପଣମାନଙ୍କ ପାଇଁ ଏକ ଭଲ ରୋଜଗାରର ସମ୍ଭାବନା ସୃଷ୍ଟି କରିବ ।
ସହର ହେଉ କି ଗାଁ, ସବୁଆଡ଼େ ବିଦ୍ୟୁତର ଚାହିଦା ଦିନକୁ ଦିନ ବଢ଼ିଚାଲିଛି । ସୌର ପ୍ୟାନେଲ୍ (solar panels) ସ୍ଥାପନ କରିବା ପାଇଁ ଆବଶ୍ୟକ ହେଉଥିବା ଅର୍ଥର ୩୦ ପ୍ରତିଶତ କେନ୍ଦ୍ର ସରକାର ସବସିଡି ରୂପେ ଦେଉଛନ୍ତି । ସୌର ପ୍ୟାନେଲ୍ ଲଗାଇବା ପାଇଁ ପାଖାପାଖି ୧ ଲକ୍ଷ ଟଙ୍କା ଖର୍ଚ୍ଚ ହୁଏ ।
କେନ୍ଦ୍ର ସରକାର (Central Government)ସୌର କାରଖାନା ସ୍ଥାପନ କରିବା ପାଇଁ ଲୋକଙ୍କୁ ଉତ୍ସାହିତ କରୁଛନ୍ତି । କେତେକ ରାଜ୍ୟ ଶିଳ୍ପ କ୍ଷେତ୍ରରେ ସୌର କାରଖାନାକୁ ବାଧ୍ୟତାମୂଳକ କରିଛନ୍ତି । ସୌର ଦ୍ରବ୍ୟ ବିକ୍ରୟ କରିବାର ବ୍ୟବସାୟ ଆରମ୍ଭ କରିବା ପାଇଁ ଆପଣଙ୍କ ପାଇଁ ବି ଏକ ବଡ଼ ସୁଯୋଗ ଅଛି । ଏଥି ମଧ୍ୟରେ ଆପଣ ସୋଲାର୍ ପିଭି, ସୋଲାର ଥର୍ମାଲ ସିଷ୍ଟମ୍, ସୋଲାର୍ ଆଟିକ୍ ଫ୍ୟାନ୍ ଓ ସୋଲାର କୁଲିଂ ସିଷ୍ଟମର ବ୍ୟବସାୟ ଆରମ୍ଭ କରିପାରିବେ ।
ବିଶେଷ କଥା ହେଉଛି ଯେ, ସୌର ଶକ୍ତି ସହ ଜଡିତ ବ୍ୟବସାୟ ଆରମ୍ଭ କରିବା ପାଇଁ ଆପଣ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ ସମେତ ଅନେକ ବ୍ୟାଙ୍କର SME ଶାଖାରୁ ଋଣ ପାଇପାରିବେ । ଏହି ଋଣ ପରିମାଣ ବିଭିନ୍ନ ରାଜ୍ୟରେ ଭିନ୍ନ ଭିନ୍ନ ହୋଇଥାଏ । ସରକାରଙ୍କ ଠାରୁ ମିଳୁଥିବା ସବସିଡି ପରେ ଏକ କିଲୋୱାଟ୍ ଶକ୍ତି ଉତ୍ପାଦନ କରୁଥିବା ସୌର କାରଖାନା ମାତ୍ର ୬୦ ହଜାର ଟଙ୍କାରୁ ୭୦ ହଜାର ଟଙ୍କା ମଧ୍ୟରେ ହିଁ ସ୍ଥାପିତ କରିହୁଏ ।
ଏହି ବ୍ୟବସାୟ ଆରମ୍ଭ କରିବା ପାଇଁ ପ୍ରାରମ୍ଭିକ ବିନିଯୋଗ ବହୁତ କମ୍ ହୋଇଥାଏ । କିନ୍ତୁ ତଥାପି ଯଦି ଆପଣଙ୍କ ପାଖରେ ଟଙ୍କା ନାହିଁ, ତେବେ ଅନେକ ବ୍ୟାଙ୍କ୍ ଏହା ସ୍ଥାପନ କରିବା ପାଇଁ ଅର୍ଥ ପ୍ରଦାନ କରୁଛନ୍ତି । ଏଥି ପାଇଁ ଆପଣ ସୋଲାର୍ ସବସିଡି ସ୍କିମ୍, କୁସୁମ୍ ଯୋଜନା ଓ ଜାତୀୟ ସୌର ଶକ୍ତି ମିଶନ୍ ଅଧୀନରେ ବ୍ୟାଙ୍କରୁ SME ଋଣ ନେଇପାରିବେ । ଏକ ଆକଳନ ଅନୁଯାୟୀ, ଏହି ବ୍ୟବସାୟରେ ଏକ ମାସରେ ୩୦ ହଜାର ଟଙ୍କା ରୁ ୧ ଲକ୍ଷ ଟଙ୍କା ସହଜରେ ରୋଜଗାର ମିଳିପାରିବ ।
ସୌର ପ୍ୟାନେଲଗୁଡି଼କର ଆୟୁଷ ୨୫ ବର୍ଷ । ଆପଣ ନିଜ ଘରର ଛାତ ଉପରେ ଏହି ପ୍ୟାନେଲକୁ ସହଜରେ ସ୍ଥାପନ କରିପାରିବେ । ଏଥିସହିତ ଆପଣ ମାଗଣାରେ ବିଦ୍ୟୁତ୍ ପାଇବେ । ଏହାପରେ ବଳୁଥିବା ବିଦ୍ୟୁତ୍ ଗ୍ରୀଡ୍ ମାଧ୍ୟମରେ ସରକାରଙ୍କୁ କିମ୍ବା କୌଣସି କମ୍ପାନୀକୁ ମଧ୍ୟ ଆପଣ ବିକ୍ରି କରିପାରିବେ । ଯାହା ଫଳରେ ମାଗଣାରେ ବିଜୁଳି ସହିତ ଆପଣମାନଙ୍କୁ ରୋଜଗାର ବି ମିଳିବ ।
ଯଦି ଆପଣ ନିଜ ଘରର ଛାତ ଉପରେ ଦୁଇ କିଲୋୱାଟର ସୌର ପ୍ୟାନେଲ୍ ସ୍ଥାପନ କରୁଛନ୍ତି, ତେବେ ଦିନକୁ ୧୦ ଘଣ୍ଟା ସୂର୍ଯ୍ୟ କିରଣ ମିଳିଲେ ସେଥିରୁ ପ୍ରାୟ ୧୦ ୟୁନିଟ୍ ବିଦ୍ୟୁତ ଉତ୍ପାଦନ ହେବ । ଯଦି ଆମେ ମାସିକିଆ ହିସାବ କରୁ, ତେବେ ଦୁଇ କିଲୋୱାଟର ସୌର ପ୍ୟାନେଲରୁ ମାସକୁ ପ୍ରାୟ ୩୦୦ ୟୁନିଟ୍ ବିଦ୍ୟୁତ୍ ଉତ୍ପାଦନ ହେବ ।
ପ୍ରକାଶ ଥାଉ କି, ସୌର ପ୍ୟାନେଲଗୁଡିକର ରକ୍ଷଣାବେକ୍ଷଣରେ କୌଣସି ବିଶେଷ ସମସ୍ୟା ନାହିଁ । ତାର ବ୍ୟାଟେରୀକୁ ପ୍ରତି ୧୦ ବର୍ଷରେ ପରିବର୍ତ୍ତନ କରିବାକୁ ପଡିବ । ସେଥିପାଇଁ ପ୍ରାୟ ୨୦ ହଜାର ଟଙ୍କା ଖର୍ଚ୍ଚ ହୁଏ । ଆପଣ ସୋଲାର୍ ପ୍ୟାନେଲଗୁଡ଼ିକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ମଧ୍ଯ ସହଜରେ ଘୁଞ୍ଚାଇ ପାରିବେ ।