କାହିଁକି ବଢ଼ି ବଢ଼ି ଚାଲିଛି ଅଦାର ଦାମ୍ ?

ବଢ଼ି ଚାଲିଛି ଅଦାର ଦାମ...pic credit: www.pexels.com

ଆମ ଭାରତୀୟମାନଙ୍କ ରୋଷେଇ ଘରେ ଅଦା ବହୁଳ ମାତ୍ରାରେ ବ୍ୟବହାର କରାଯାଇଥାଏ । ଅଦା ଭାରତୀୟମାନଙ୍କ ଦ୍ୱାରା ବର୍ଷ ବର୍ଷ ଧରି ବ୍ୟବହୃତ ହୋଇଆସୁଛି, ମସଲା ବ୍ୟତୀତ ଏହା ଏକ ଔଷଧ ଭାବରେ ମଧ୍ୟ ବ୍ୟବହୃତ ହୋଇଥାଏ। ଏହା ଭିତରେ ଥିବା ଔଷଧୀୟ ଗୁଣ ଆମ ଶରୀରକୁ ଜୀବାଣୁ ବିରୁଦ୍ଧରେ ଲଢ଼ିବାରେ ବହୁତ ସାହାଯ୍ୟ କରିଥାଏ ।କିନ୍ତୁ ବର୍ତ୍ତମାନ ଆପଣଙ୍କ ପାଇଁ ଅଦା କିଣିବା କଷ୍ଟକର ହୋଇପଡୁଛି, ମଣିପୁରରେ ହିଂସା ପରଠାରୁ ଅଦା ମୂଲ୍ୟରେ ବୃଦ୍ଧି ଘଟିଛି।

କ’ଣ ଏହାର କାରଣ ?

ଭାରତର ଅନେକ ରାଜ୍ୟରେ ଅତିରିକ୍ତ ବର୍ଷା ଯୋଗୁ ଚାଷୀଙ୍କୁ ଅନେକ କ୍ଷତି ସହିବାକୁ ପଡ଼ିଥିଲା । ଅଦିନିଆ ବର୍ଷା ମଧ୍ୟ ଅଦା ଚାଷ କରୁଥିବା ଚାଷୀଙ୍କ ମେରୁଦଣ୍ଡ ଭାଙ୍ଗି ଦେଇଥିବା କହିଲେ କୌଣସି ଅତ୍ୟୁକ୍ତି ହେବ ନାହିଁ ।ତେବେ ଏହି କାରଣରୁ ଅଦାର ମୂଲ୍ୟ ଦ୍ରୁତ ଗତିରେ ବଢ଼ିବାରେ ଲାଗିଛି , ଯଦ୍ୱାରା କୃଷକମାନେ ମଧ୍ୟ ସହିଥିବା କ୍ଷତିର ଭରଣ କରିପାରୁଛନ୍ତି । କିଛି ଦିନ ପୂର୍ବରୁ ମହାରାଷ୍ଟ୍ରର ଏକ ଭିଡିଓ ମଧ୍ୟ ଭାଇରାଲ ହୋଇଥିଲା ଯେଉଁଥିରେ ଅଦା ମୂଲ୍ୟ ବୃଦ୍ଧି ହେତୁ କିଛି କୃଷକ ଖୁସିରେ ନାଚୁଥିବାର ନଜର ଆସିଥିଲେ।

ମଣିପୁର ହିଂସା ମଧ୍ୟ ଏକ କାରଣ-

ଅତିରିକ୍ତ ବର୍ଷା ଯୋଗୁଁ ସାରା ଦେଶରେ ଅଦା ଦର ବୃଦ୍ଧି ପାଇବାରେ ଲାଗିଥିବା ବେଳେ ପଶ୍ଚିମବଙ୍ଗ ଓ ଓଡ଼ିଶାରେ ଅଦା ଦର ବୃଦ୍ଧି ହେବାର କାରଣ ହେଉଛି ମଣିପୁରରେ ହିଂସା। ବାସ୍ତବରେ ମଣିପୁରରେ ହୋଇଥିବା ହିଂସା ପରେ ଅଦା ବାହାରୁ ବଙ୍ଗୋପସାଗରରେ ପହଞ୍ଚି ପାରୁ ନାହିଁ, ଯେଉଁଥିପାଇଁ ଅଦା ମୂଲ୍ୟ କ୍ୱିଣ୍ଟାଲ ପିଛା ୬ ରୁ ୭ ହଜାର ଟଙ୍କା ଲେଖାଏଁ ବୃଦ୍ଧି ପାଇଛି । ଖୁଚୁରା ମୂଲ୍ୟ ବିଷୟରେ କହିବାକୁ ଗଲେ ପଶ୍ଚିମବଙ୍ଗରେ ପନିପରିବା ବଜାରରେ ଅଦା କିଲୋଗ୍ରାମ ପିଛା ୩୦୦ ଟଙ୍କାରେ ବିକ୍ରି ହେଉଥିବା ଦେଖିବାକୁ ମିଳିଛି ।

ଦକ୍ଷିଣ ଭାରତରୁ ରପ୍ତାନି ହେଉନାହିଁ ଅଦା-

ଓଡ଼ିଶା ଓ ପଶ୍ଚିମବଙ୍ଗ ସମେତ ଉତ୍ତର ଭାରତରେ ଅଦା ମଧ୍ୟ ଦକ୍ଷିଣ ଭାରତରୁ ଆସିଥାଏ, କିନ୍ତୁ କର୍ଣ୍ଣାଟକ ନିର୍ବାଚନ ଏବଂ ମଣିପୁର ହିଂସା ହେତୁ ପରିବହନ ଯାନ ଉପଲବ୍ଧ ନାହିଁ, ଯେଉଁ କାରଣରୁ କୃଷକମାନେ ଅଦାକୁ ରାଜ୍ୟ ବାହାରକୁ ପଠାଇବାରେ ସକ୍ଷମ ହୋଇପାରୁନାହାଁନ୍ତି ।ଏହି କାରଣରୁ ପଶ୍ଚିମବଙ୍ଗ ସମେତ ଉତ୍ତର ଭାରତରେ ଅଦା ଦର ଦ୍ରୁତ ଗତିରେ ବୃଦ୍ଧିପାଇବାରେ ଲାଗିଛି ।

ଏହି ୪ଟି ଚାଷ କରି କମ୍ ଖର୍ଚ୍ଚରେ ପାଆନ୍ତୁ ଅଧିକ ମୁନାଫା...