ଆସାମରେ ବନ୍ୟା ବିତ୍ପାତ, ପାଣି ଘେରରେ 40 ହଜାର ହେକ୍ଟର ଚାଷ ଜମି

Assam flood situation continues to be grim, 40,000 hectares of farmland affected

ଆସାମରେ ଲଗାଣ ବର୍ଷା ଯୋଗୁଁ ବନ୍ୟାର ଭୟାବହ ସ୍ଥିତି( flood situation) ଉପୁଜିଛି । ବନ୍ୟା କାରଣରୁ ଅନେକ ଘର ପାଣି ଘେରରେ ରହିଛି । ଗୃହପାଳିତ ପଶୁ ମଧ୍ୟ ଭାସିଯାଇଛନ୍ତି । ଚାଷ ଜମି ମଧ୍ୟ ବନ୍ୟା( flood) ପାଣିରେ ବୁଡିଯିବା କାରଣରୁ ବ୍ୟାପକ ଫସଲ କ୍ଷୟକ୍ଷତି ଘଟିଛି ।

ଆସାମର 28 ଜିଲ୍ଲାର 19 ଲକ୍ଷରୁ ଅଧିକ ଲୋକେ ବନ୍ୟାରେ ପ୍ରଭାବିତ( flood affected) ହୋଇଛନ୍ତି । ରାଜ୍ୟରେ ବନ୍ୟା ଓ ବିଭିନ୍ନ ସ୍ଥାନରେ ଭୁସ୍ଖଳନ କାରଣରୁ ବର୍ତ୍ତମାନସୁଦ୍ଧା 55 ଜଣଙ୍କର ମୃତ୍ୟୁ ହୋଇସାରିଲାଣି । ଘର ବନ୍ୟା ପାଣିରେ ବୁଡି ରହିଥିବାରୁ ଅନେକ ଲୋକେ ଭିଟାମାଟି ଛାଡିବାକୁ ବାଧ୍ୟ ହୋଇଛନ୍ତି ।

ସୂଚନା ଅନୁଯାୟୀ ରାଜ୍ୟରେ ବଜଲି ଜିଲ୍ଲା ସବୁଠୁ ଅଧିକ ପ୍ରଭାବିତ ହୋଇଛି । କାରଣ ବନ୍ୟା କାରଣରୁ ଏଠାରେ ମୋଟ 3.55 ଲକ୍ଷ ଲୋକେ ପ୍ରଭାବିତ ହୋଇଛନ୍ତି । ସେହିପରି ଦରାଙ୍ଗରେ 2.90 ଲକ୍ଷ ଲୋକେ ପ୍ରବାବିତ ହୋଇଛନ୍ତି । ମୋଟ 43338 ହେକ୍ଟର ଚାଷ ଜମି ପାଣିରେ ବୁଡିଯାଇଛି । ବନ୍ୟାର ବର୍ତ୍ତମାନ ସ୍ଥିତିକୁ ଦେଖି ଜିଲ୍ଲାରେ 54 ବାନ୍ୟା ଆଶ୍ରୟ ସ୍ଥଳୀକୁ ଲୋକଙ୍କୁ ସ୍ଥାନାନ୍ତର କରାଯାଇଛି ।

ଆସାମରେ ବନ୍ୟା ସ୍ଥିତି ମଧ୍ୟରେ ରାଜ୍ୟର ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କ ସହ ଫୋନରେ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାସହିତ କେନ୍ଦ୍ର ପକ୍ଷରୁ ଯଥା ସମ୍ଭବ ସହଯୋଗର ପ୍ରତିଶ୍ରୁତି ଦେଇଛନ୍ତି ପ୍ରଧାନମନ୍ତ୍ରୀ ।

ବନ୍ୟା ପ୍ରଭାବିତ ଅଞ୍ଚଳରେ ଗାଈଗୋରୁଙ୍କ ଯତ୍ନ ବିଷୟରେ ଆସନ୍ତୁ ଜାଣିବା

ଆସୁଛି ମୌସୁମୀ, ବନ୍ୟା ପରିସ୍ଥିତି ମୁକାବିଲା ପାଇଁ ଗୃହମନ୍ତ୍ରୀଙ୍କ ଉଚ୍ଚସ୍ତରୀୟ ବୈଠକ

ପାଣିପାଗ ବିଭାଗର ଆକଳନ ଅନୁଯାୟୀ, ଆହୁରି କିଛି ଦିନ ଏହିଭଳି ବର୍ଷା ହେବାର ଆଶଙ୍କା ରହିଛି । ତଳି ଅଞ୍ଚଳଗୁଡିକର ସ୍ଥିତି ଅତ୍ୟନ୍ତ ଖରାପ ରହିଛି । ବନ୍ୟାର ଜଳସ୍ତର ପ୍ରତି ଘଣ୍ଟାରେ ବଢିଚାଲିଛି । ଭାରତୀୟ ସେନା, ଏନଡିଆରଏଫ, ଏସଡିଆରଏଫ ଟିମ ବନ୍ୟା ପ୍ରଭାବିତ ଅଞ୍ଚଳରୁ ଲୋକଙଅକୁ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।