Bangladesh hikes fuel prices by 50%
ପଡୋଶୀ ବାଂଲାଦେଶରେ ମୁଣ୍ଡ ଟେକୁଛି ଆର୍ଥିକ ସଙ୍କଟ(economic crisis) । ବାଂଲାଦେଶରେ ତୈଳ ଦରରେ ପ୍ରବଳ ବୃଦ୍ଧି(economic crisis) ଘଟିଛି । ତୈଳଦରରେ 51.7 ପ୍ରତିଶତ ବୃଦ୍ଧି କରିଛନ୍ତି ବାଂଲାଦେଶ(economic crisis) ସରକାର । ନୂଆ ଦର ଶନିବାରଠାରୁ ଲାଗୁ ହୋଇଯାଇଛି ।
ତୈଳଦର ବୃଦ୍ଧି ସହିତ ବାଂଲାଦେଶରେ ଦରଦାମ ଆକାଶ ଛୁଆଁ ହେବାର ଆଶଙ୍କାକୁ ଆହୁରି ବଢାଇ ଦେଇଛି । ଏହି ପଦକ୍ଷେପ ସବିସିଡି ବୋଝକୁ ହ୍ରାସ କରିବ ବୋଲି ସରକାର ଅନୁମାନ କରିଛନ୍ତି । ବାଂଲାଦେଶ ଶକ୍ତି ମନ୍ତ୍ରଣାଳୟର ଏକ ବିଜ୍ଞପ୍ତି ଅନୁଯାୟୀ, ଏକ ଲିଟର ପେଟ୍ରୋଲର ମୂଲ୍ୟ ଏବେ 130 ଟଙ୍କା ହୋଇଯାଇଛି । ଏଥିରେ 44 ଟଙ୍କା ବୃଦ୍ଧି କରାଯାଇଛି ।
ବାଂଲାଦେଶରେ ଡିଜେଲ ଏବଂ କିରୋସିନ ମୂଲ୍ୟ 42.5 ପ୍ରତିଶତ ବୃଦ୍ଧି ପାଇଛି। ବର୍ତ୍ତମାନ ଡିଜେଲ ଏବଂ କିରୋସିନ ଲିଟର ପିଛା 114 ଟଙ୍କା ଦରରେ ଉପଲବ୍ଧ । ଖୁଚୁରା ସ୍ତରରେ ମୂଲ୍ୟର ସର୍ବନିମ୍ନ ବୃଦ୍ଧି ଦ୍ୱାରା ରାଷ୍ଟ୍ରାୟତ୍ତ ବିତରଣ କମ୍ପାନୀଗୁଡିକ ଉପରେ ସବସିଡି ବୋଝ ହ୍ରାସ ପାଇବ ବୋଲି ଅଧିକାରୀମାନେ କହିଛନ୍ତି । ଆନ୍ତର୍ଜାତୀୟ ବଜାରରେ ଇନ୍ଧନ ମୂଲ୍ୟ ବାଂଲାଦେଶ ତୁଳନାରେ ବହୁତ ଅଧିକ ।
ବିଶେଷଜ୍ଞମାନେ କହିଛନ୍ତି ଯେ ଇନ୍ଧନ ମୂଲ୍ୟରେ ବୃଦ୍ଧି ମୁଦ୍ରାସ୍ଫୀତି ହାରରେ ବୃଦ୍ଧି ଘଟାଇପାରେ। ଦକ୍ଷିଣ ଏସୀୟ ଦେଶ ବାଂଲାଦେଶର 416 ବିଲିୟନ ଡଲାର ଅର୍ଥନୀତି ବର୍ଷ ବର୍ଷ ଧରି ଦୁନିଆର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ରହିଆସିଛି । ତେବେ ଶକ୍ତି ଏବଂ ଖାଦ୍ୟଶସ୍ୟ ମୂଲ୍ୟ ବୃଦ୍ଧି ଏହାର ଆମଦାନୀ ବିଲ୍ ବୃଦ୍ଧି କରି ସରକାରଙ୍କୁ ଆନ୍ତର୍ଜାତୀୟ ମୁଦ୍ରା ପାଣ୍ଠି ସମେତ ବିଶ୍ୱ ଋଣ ପ୍ରଦାନକାରୀ ସଂସ୍ଥା ଠାରୁ ଋଣ ନେବାକୁ ବାଧ୍ୟ କରିଛି।
ନୂଆ ମୂଲ୍ୟ ସେଠାକାର ଖାଉଟିଙ୍କୁ ଚିନ୍ତାରେ ପକାଇଛି । ହେଲେ କୌଣସି ବିକଳ୍ପ ନଥିବା ବାଂଲାଦେଶ ସରକାରଙ୍କ ଅଧିକାରୀ କହିଛନ୍ତି । ଲୋକଙ୍କୁ ଧୈର୍ଯ୍ୟ ଧରିବାକୁ ଅପିଲ କରାଯାଇଛି । କ୍ରମାଗତ ନଅ ମାସ ପାଇଁ ବାଂଲାଦେଶର ମୁଦ୍ରାସ୍ଫୀତି ହାର 6 ପ୍ରତିଶତରୁ ଅଧିକ ରହିଛି। ଜୁଲାଇରେ ବାର୍ଷିକ ମୁଦ୍ରାସ୍ଫୀତି 7.48 ପ୍ରତିଶତରେ ପହଞ୍ଚିଛି ।
Share your comments