ସାଇକେଲର ଶକ୍ତି, ସ୍ଥାୟୀ ଚାଷର ଭବିଷ୍ୟତ

bicycles the future of sustainable farming

ସାଇକେଲ ପାଇଁ ଆଜି ସମର୍ପିତ ଦିନଟିଏ(world bicycle day) । ଗାଡି ମୋଟରର ବହୁଳ ବ୍ୟବହାର ପରିବେଶ ଉପରେ ଖରାପ ପ୍ରଭାବ ପକାଉଛି । ଜଳବାୟୁର ସନ୍ତୁଳନ ନଷ୍ଟ ହେଉଛି । ଏଥିପାଇଁ ପରିବେଶକୁ ସୁସ୍ଥ ଓ ସୁନ୍ଦର ରଖିବା ସହ ନିଜ ଶରୀରକୁ ଫିଟ ରଖିବାକୁ ସାଇକେଲ(bicycle) ଅଭ୍ୟାସ ନିହାତି ଜରୁରୀ । ଆଜି ପାଳନ ହେଉଛି ବିଶ୍ବ ସାଇକେଲ ଦିବସ(world bicycle day) ।

ସମସ୍ତେ ଜାଣନ୍ତି ସାଇକେଲ ବ୍ୟାୟାମ କରିବା, ଯାତାୟାତ କରିବା ପାଇଁ ଏକ ଭଲ ଉପାୟ । ହେଲେ ଆପଣ ଜାଣିଛନ୍ତି କି ସାଇକେଲ ଉପଯୋଗୀ କୃଷି ଉପକରଣ(agriculture machine) ଏବଂ ଯନ୍ତ୍ରରେ ପରିଣତ ହୋଇପାରିବ? ଜମି ହଳଠୁ ନେଇ ରୋପଣ, ବିହନ ବୁଣିବା, ଫସଲ ଅମଳ ଯାଏ ସବୁକିଛି ସାଇକେଲ କରିପାରେ । କାରଣ ସାଇକେଲର ପେଡାଲଗୁଡିକରେ ଥାଏ ଅଦ୍ଭୁତ ଶକ୍ତି ।

ପ୍ରତ୍ୟେକ ଚାଷୀ ଜାଣନ୍ତି ଯେ ଚାଷ କରିବା ପାଇଁ ହଳ ନିହାତି ଜରୁରୀ । ତେବେ ପେଡାଲ ଚାଳିତ ସାଇକେଲ ଏହି କାର୍ଯ୍ୟ ବେଶ ସହଜରେ କରିପାରେ । ସାଇକେଲ ଚକର ଅଖ ହେଉଛି ଏକ ଟାଣିବା କିମ୍ବା ଉଠାଇବା ଉପକରଣ ଭାବରେ କାର୍ଯ୍ୟ କରିଥାଏ ।

ସାଇକେଲ କେବଳ ପରିବେଶକୁ ଧୁଆଁ ମୁକ୍ତ ରଖିବାରେ ସହାୟକ ହୋଇନଥାଏ, ବରଂ ଚାଷ କ୍ଷେତ୍ରକୁ ସହଜ କରିବା ପାଇଁ ମଧ୍ୟ କାର୍ଯ୍ୟ କରିଥାଏ । ଚାଷକୁ ସରଳ କରିବାକୁ ଅନେକ ଆଧୁନିକ ଟେକ୍ନୋଲୋଜୀ ସମ୍ପନ୍ନ ମେସିନ ଆସିସାରିଛି । ହେଲେ ଏଗୁଡିକର ମୂଲ୍ୟ ଅଧିକ ହେତୁ ଜଣେ ଚାଷୀ ଏହାକୁ କିଣିବାରେ ସମର୍ଥ ହେଉନାହିଁ । କ୍ଷୂଦ୍ର ଚାଷୀଙ୍କ ପାଇଁ ଚାଷ କାର୍ଯ୍ୟ କଠିନ ହେଉଛି । କାରଣ ଅଧିକାଂଶ ଚାଷୀ ଭାଗଚାଷ କରୁଛନ୍ତି । ଏଭଳି ସ୍ଥିତିରେ ଚାଷ କାର୍ଯ୍ୟ ପାଇଁ ହଳଠାରୁ ନେଇ ରୋପଣ ଓ ଫସଲ ଅମଳ ପର୍ଯ୍ୟନ୍ତ ଜରୁରୀ ଉପକରଣ ମିଳୁନାହିଁ ।

ଯଦି କୌଣସି ଚାଷୀ ପାହାଡ ଉପରେ ହଳ କରୁଛି, ତେବେ ତା ପାଇଁ ଜଟିଳତା ଆହୁରି ବଢିଯାଉଛି । କାରଣ ପାହାଡରେ ସାଧାରଣତଃ ଛୋଟ ଜମି ରହିଥାଏ । ଆଉ ଟ୍ରାକ୍ଟରରେ ହଳ ବେଶ କଠିନ କାର୍ଯ୍ୟ । ତେବେ ଏହି ବଡ ସମସ୍ୟାର ସମାଧାନ ପାଇଁ ସାଇକେଲ ଭଳି ଦେଶୀ କୌଶଳ ହିଁ କାମରେ ଆସିଥାଏ ।

ସାଇକେଲ ସାହାଯ୍ୟରେ ମଧ୍ୟ ହଳ ସମ୍ଭବ ହୋଇଥାଏ । ପାହାଡିଆ ଅଞ୍ଚଳର ଚାଷୀମାନେ ଏହି କୌଶଳ ଆପଣାଇ ସହଜରେ ହଳ କରିପାରିବେ । ସାଇକେଲରେ ହଳ କରିବା ପାଇଁ କମ ଖର୍ଚ୍ଚ ହୋଇଥାଏ ଓ ଫସଲର ଅଧିକ ଉତ୍ପାଦନ ମଧ୍ୟ ହୋଇଥାଏ । ସବୁଠୁ ବଡ କଥା ହେଉଛି ସାଇକେଲ ସାହାଯ୍ୟରେ ମହିଳା ଚାଷୀମାନେ ମଧ୍ୟ ବେଶ ସହଜରେ ହଳ କରିପାରିବେ ।

ଜବରଦସ୍ତ ଲୁକ, ଅତ୍ୟାଧୁନିକ ଟେକ୍ନୋଲୋଜୀ; ଜାଣନ୍ତୁ କାହିଁକି ଚାଷୀଙ୍କ ପାଇଁ ଖାସ Eicher Prima G3 ?

ଚାଷ କରି କୋଟିପତି ହେବାର ସହଜ ଉପାୟ

କୀଟନାଶକ, ରାସାୟନିକ ସାର, ଦୂର ବଜାରରେ ଉତ୍ପାଦ ବଣ୍ଟନ, ଭାରୀ ଯନ୍ତ୍ରପାତି ବ୍ୟବହାର, ଜଳ ବ୍ୟବହାର ଏବଂ ପ୍ରଦୂଷଣ ଇତ୍ୟାଦିର ପାରମ୍ପାରିକ କୃଷିର ପରିବେଶ ଉପରେ ଏକ ବଡ଼ ପ୍ରଭାବ ରହିଛି । ସାଇକେଲକୁ ଦକ୍ଷ କୃଷି ଉପକରଣ ଭାବରେ ବ୍ୟବହାର କରାଯାଇପାରିବ । ଅଫ୍ ଫାର୍ମ ଇନପୁଟକୁ କମ୍ କରିବାରେ ସାହାଯ୍ୟ କରିବାକୁ ସାଇକେଲ ବ୍ୟବହାର କରିହେବ ।

ଗୋଟିଏ ଟ୍ରାକ୍ଟର ସାହାଯ୍ୟରେ ଚାଷ କାମ ଯଥେଷ୍ଟ ଖର୍ଚ୍ଚ ଅଟେ । ଯଦି ଆମେ ନିଜ ହାତରେ ଏବଂ ସାଇକେଲରେ ସମାନ କାମ କରିପାରିବା, ତେବେ ଚାଷୀ ସେହି ଅତିରିକ୍ତ ମୂଲ୍ୟ ସଞ୍ଚୟ କରିପାରିବ । ସାଇକେଲ ଦ୍ବାରା ଚାରା ରୋପଣ, ପ୍ରତିରୋପଣ ଏବଂ ଫସଲ ଅମଳ ସହଜ ହୋଇପାରିବ । ଏହି ଉପକରଣ ବ୍ୟବହାର କରୁଥିବା କୃଷକମାନଙ୍କୁ ହାତ ବୁଣିବାରେ ବିହନ ବୁଣିବାରେ ଆବଶ୍ୟକତା ପଡିବନି ।

ପନିପରିବାକୁ ପ୍ରତି ସପ୍ତାହରେ ସାଇକେଲ ଯୋଗେ ବଜାରକୁ ନିଆଯାଏ ଏବଂ ସାଇକେଲ ଯୋଗେ ଚାଷ କାର୍ଯ୍ୟ ଯୋଗୁଁ ପେଟ୍ରୋଲ ବ୍ୟବହାର କରିବାକୁ ପଡିନଥାଏ , ଯାହା ଫଳରେ ଅଙ୍ଗାରକାମ୍ଳର ନିର୍ଗମନ ହ୍ରାସ ପାଇବା ସହ ଚାଷୀର ଟଙ୍କା ମଧ୍ୟ ବଞ୍ଚିଥାଏ ।