Bihar Minister dubs himself 'sardar of thieves' in agriculture department
କ୍ରମାଗତ ବିବାଦରେ ଛନ୍ଦି ହେଉଛି ବିହାରର ମେଣ୍ଟ ସରକାର । ଖାସ କରି ଅଧିକାଂଶ ମନ୍ତ୍ରୀମାନଙ୍କ ବିରୁଦ୍ଧରେ ଗମ୍ଭୀର ଅପରାଧିକ ମାମଲା କାରଣରୁ ପ୍ରଶ୍ନ ଉଠୁଛି । ଆଉ ଏବେ ନିଜକୁ ଚୋର କହି ଚର୍ଚ୍ଚାରେ ଅଛନ୍ତି ବିହାରର କୃଷିମନ୍ତ୍ରୀ ସୁଧାକର ସିଂହ ।
କୃଷି ମନ୍ତ୍ରୀ ନିଜ ବୟାନ ମାଧ୍ୟମରେ ମେଣ୍ଟ ସରକାରକୁ ଅଡୁଆ ମଧ୍ୟକୁ ଟାଣିଛନ୍ତି । ଏକ କାର୍ଯ୍ୟକ୍ରମରେ ସେ କୃଷି ବିଭାଗର ଅଧିକାରୀଙ୍କ ଉପରେ ଏକ ବ୍ୟଙ୍ଗାତ୍ମକ ଟିପ୍ପଣୀ କରିଥିଲେ । ମନ୍ତ୍ରୀ କହିଛନ୍ତି ଯେ ଆମ ବିଭାଗର ଅନେକ ଅଫିସର ଚୋର । ତେଣୁ ଆମେ ସେହି ଚୋରମାନଙ୍କର ମୁଖିଆ ହୋଇଗଲୁ। ମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଆମ ଉପରେ ମଧ୍ୟ ଅନେକ ସର୍ଦ୍ଦାର ଅଛନ୍ତି ।
କୈମୁରର ଚାନ୍ଦ ବ୍ଲକରେ କୃଷି ମନ୍ତ୍ରୀ ସୁଧାକର ସିଂହ ଏକ ସମାରୋହରେ ଜନସାଧାରଣଙ୍କୁ ସମ୍ବୋଧିତ କରୁଥିଲେ। କୃଷି ମନ୍ତ୍ରୀ କହିଥିଲେ, କୃଷି ବିଭାଗରେ ଏଭଳି କୌଣସି ବିଭାଗ ନାହିଁ ଯାହା ଚୋରି କରେ ନାହିଁ । ଏଭଳି ପରିସ୍ଥିତିରେ ଆମକୁ ଚୋରମାନଙ୍କର ମୁଖିଆ କୁହାଯିବ ନାହିଁ ତ କଣ କୁହାଯିବ ? ସୁଧାକର ସିଂହ ଏକ ବ୍ୟଙ୍ଗାତ୍ମକ ଟିପ୍ପଣୀ କରି କହିଥିଲେ ଯେ ଯଦି କୃଷକମାନେ ଏହା ବିରୁଦ୍ଧରେ ଆକ୍ରୋଶ ହୁଅନ୍ତୁ, ତେବେ ମୋର ଜଣାପଡିବ ଯେ ସେମାନେ ଅସନ୍ତୁଷ୍ଟ ଅଛନ୍ତି । ହେଲେ ଯଦି ସେମାନେ ପ୍ରଦର୍ଶନ କିମ୍ବା କୁଶପୁତ୍ତଳିକା ଦାହ ନକରନ୍ତି, ତେବେ ଆମେ ଅନୁଭବ କରିବୁ ଯେ ସବୁକିଛି ଠିକ ଅଛି ।
ଆମ ଉପରେ ମଧ୍ୟ ଲୋକ ଅଛନ୍ତି ବୋଲି କୃଷି ମନ୍ତ୍ରୀ କହିଛନ୍ତି। ଯଦି ମୁଁ ସେମାନଙ୍କ ସାମ୍ନାରେ କଥାବାର୍ତ୍ତା ଜାରି ରଖେ, ତେବେ ସେହି ଲୋକମାନେ ଅନୁଭବ କରନ୍ତି ଯେ ମୁଁ ନିଜ ବିଷୟରେ କହୁଛି । ଯେତେବେଳେ ମୁଁ କ୍ୟାବିନେଟରେ କଥା ହୁଏ, ସେତେବେଳେ ମୋର ଅନୁଭବ ହୁଏ ଯେ ଏହା ମୋର ବ୍ୟକ୍ତିଗତ ସମସ୍ୟା ଅଟେ କିନ୍ତୁ, ଯେତେବେଳେ ଆପଣ ସମସ୍ତେ ଏକାଠି ସ୍ବର ଉଠାଇବେ, ଏହା ସେମାନଙ୍କ ପାଖରେ ପହଞ୍ଚିବ । ସୁଧାକର ସିଂ କହିଛନ୍ତି ଯେ ସରକାର ବଦଳିଛନ୍ତି, କିନ୍ତୁ ଏହା ସମାନ ପୁରୁଣା ସରକାର। ଆଚରଣ ମଧ୍ୟ ପୁରୁଣା ସରକାର ସହିତ ସମାନ ।
Share your comments