ଚାଷୀଙ୍କ ପାଇଁ ଖୁସି ଖବର, ଆକାଉଣ୍ଟକୁ ଆସିବ ୮ ହଜାର ଟଙ୍କା !

pm kisan fm nirmala sitharaman may increase pm kisan amount

ଫେବୃଆରୀ ୧, ୨୦୨୩ ରେ ଉପସ୍ଥାପିତ ହେବାକୁ ଥିବା ଆଗାମୀ ବଜେଟ(Budget)କୁ ନେଇ ଉଭୟ ଚାକିରିଆ ଓ ଚାଷୀ(Farmers)ଙ୍କର ବହୁତ ଆଶା ରହିଛି । ଏଥର ଚାକିରିଆଙ୍କୁ ଆୟକର ଛାଡ ମାମଲାରେ ଆରାମ ମିଳିବାର ସମ୍ଭାବନା ରହିଛି । ଏହା ବ୍ୟତୀତ ଚାଷୀଙ୍କ ପାଇଁ ମଧ୍ୟ ଏକ ଖୁସି ଖବର ଆସୁଛି । ଏଥର ଅର୍ଥମନ୍ତ୍ରୀ ନିର୍ମଳା ସୀତାରମଣ (Nirmala Sitaraman)ଙ୍କ ଘୋଷଣା ଉପରେ ସମସ୍ତଙ୍କ ନଜର ରହିବ ।

୨୦୨୪ ବର୍ଷର ନିର୍ବାଚନକୁ ଧ୍ୟାନରେ ରଖି ସରକାରଙ୍କ ଦ୍ୱାରା ଅନେକ ଜନପ୍ରିୟ ପ୍ରତିଶ୍ରୁତି ଦିଆଯାଇପାରେ ।

ଚାଷୀଙ୍କୁ ଏକ ବଡ ଉପହାର ଦେଇପାରନ୍ତି ସରକାର:-
ସୂତ୍ରରୁ ପ୍ରକାଶ ଯେ, ଏଥର ବଜେଟରେ କେନ୍ଦ୍ର ସରକାର(Government) ଚାଷୀଙ୍କୁ ଏକ ବଡ଼ ଉପହାର ଦେଇପାରନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ ଚାଷୀମାନଙ୍କ ପାଇଁ ପ୍ରଧାନମନ୍ତ୍ରୀ କିଷାନ ନିଧିଙ୍କ ପରିମାଣ ବୃଦ୍ଧି କରିବାକୁ ଘୋଷଣା କରିପାରନ୍ତି ।ସୂତ୍ରରୁ ପ୍ରକାଶ ଯେ, ପିଏମ କିଷାନ ସମ୍ମାନ ନିଧିରେ ପ୍ରତିବର୍ଷ ମିଳୁଥିବା ୬ ହଜାର ଟଙ୍କାରେ ବୃଦ୍ଧି ହେବାର ଆଶା ରହିଛି। ଚାଷୀଙ୍କ ଆୟ ବୃଦ୍ଧି ଲକ୍ଷ୍ୟରେ ସରକାର ଏହି ନିଷ୍ପତ୍ତି ନେଇପାରନ୍ତି ।

୩ ବଦଳରେ ୪ ଥର ପାଇବେ ଟଙ୍କା :-
ଏହା ମଧ୍ୟ କୁହାଯାଇଛି ଯେ, ଚାଷୀଙ୍କୁ ତିନି କିସ୍ତିରେ ଦିଆଯାଇଥିବା ରାଶି ୩ ବଦଳରେ ୪ ଥର ଦିଆଯାଇପାରିବ । ଏଥିରେ ପ୍ରତି ତ୍ରୈମାସିକରେ ୨୦୦୦ ଟଙ୍କା ଦିଆଯିବ ବୋଲି ଆଶା କରାଯାଉଛି। ବର୍ତ୍ତମାନ, ପ୍ରତି ଚାରି ମାସରେ ୨୦୦୦ ଟଙ୍କା କୃଷକଙ୍କ ଆକାଉଣ୍ଟକୁ ଟ୍ରାନ୍ସଫର ହେଉଛି । କିନ୍ତୁ ପରିବର୍ତ୍ତନ ପରେ ପ୍ରତ୍ୟେକ ତ୍ରୈ-ମାସରେ ୨୦୦୦ ଟଙ୍କା ଦିଆଯିବ । ଅର୍ଥାତ୍ ୬୦୦୦ ଟଙ୍କା ବଦଳରେ ଚାଷୀମାନଙ୍କୁ ବାର୍ଷିକ ୮୦୦୦ ଟଙ୍କା ଦିଆଯିବ ।

ତେବେ ଏଥର ବଜେଟ ଅଧିବେଶନର ପ୍ରଥମ ଭାଗ ପୂର୍ବରୁ ଉଭୟ ଗୃହରେ ରାଷ୍ଟ୍ରପତିଙ୍କ ସମ୍ବୋଧନ ଉପରେ ଧନ୍ୟବାଦ ପ୍ରସ୍ତାବ ଉପରେ ଚର୍ଚ୍ଚା ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରପତିଙ୍କ ସମ୍ବୋଧନ ପରେ ଧନ୍ୟବାଦ ପ୍ରସ୍ତାବ ଉପରେ ଜବାବ ଦେବେ। ପରେ ଅର୍ଥମନ୍ତ୍ରୀ ସୀତାରମଣ କେନ୍ଦ୍ରୀୟ ବଜେଟ ଉପରେ ଆଲୋଚନା କରିବେ । ଅଧିବେଶନର ଦ୍ୱିତୀୟ ଭାଗରେବିରୋଧୀଙ୍କ ଏଜେଣ୍ଡା ସମେତ ବିଭିନ୍ନ ମନ୍ତ୍ରଣାଳୟର ଖର୍ଚ୍ଚ ଦାବି ଉପରେ ଆଲୋଚନା ହେବ । ମାର୍ଚ୍ଚ ୬ରୁ ହେବାକୁ ଥିବା ବଜେଟ୍‌ ଅଧିବେଶନର ଦ୍ୱିତୀୟ ଭାଗ ନୂଆ ସଂସଦ ଭବନରେ ବସିପାରେ।

ତେବେ ଗତ ଶୀତ ଅଧିବେଶନରେ ଲୋକସଭାରେ ୯ଟି ବିଲ୍‌ ଆସିଥିବାବେଳେ ୭ଟି ପାରିତ ହୋଇଥିଲା। ସେହିଭଳି ରାଜ୍ୟସଭାରେ ୯ଟି ବିଲ୍‌ ଗୃହୀତ ହୋଇଥିଲା । ଉଭୟ ଗୃହରେ ମୋଟ ୯ଟି ବିଲ୍‌କୁ ଅନୁମୋଦନ ମିଳିଥିବା ଜଣାପଡିଛି।

ଆନ୍ତର୍ଜାତୀୟ ମିଲେଟ୍ ବର୍ଷ-୨୦୨୩ କୁ ସମର୍ଥନ ଜଣାଇ କୃଷି ଜାଗରଣର ସ୍ୱତନ୍ତ୍ର କାର୍ଯ୍ୟକ୍ରମ

ବଢ଼ିଲା ସୁନା ଦର, ଜାଣନ୍ତୁ ସୁନାର ମାର୍କେଟ ଦାମ...