Centre’s intervention helps cool off prices of Onion and Tomato
ଖାଉଟିଙ୍କୁ ଆସ୍ବସ୍ତ କରିଛି ଟମାଟୋ ଓ ପିଆଜର ମୂଲ୍ୟହ୍ରାସ । ଗତ କିଛି ଦିନରୁ ଦର କମୁଥିବା ଦେଖିବାକୁ ମିଳିଛି । ଟମାଟୋର ଖୁଚୁରା ମୂଲ୍ୟ(Tamato retail price)ରେ ଗତ ମାସ ତୁଳନାରେ 29% ର ହ୍ରାସ ଦେଖା ଯାଇଛି । ମୌସୁମୀ(monsoon) ଆରମ୍ଭ ହେବା ସହିତ ବଜାରରେ ଟମାଟର ଉପଲବ୍ଧତାରେ ଉନ୍ନତି ଆସିଛି। ପିଆଜର ଖୁଚୁରା ମୂଲ୍ୟ(onion retail price)ୟ ଗତ ବର୍ଷ ତୁଳନାରେ 9 % କମ୍ ହୋଇ ବହୁତ ପରିମାଣରେ ନିୟନ୍ତ୍ରିତ ହୋଇ ପାରିଛି।
ସରକାର ଚଳିତ ବର୍ଷରେ 2.50 ଲକ୍ଷ ଟନ୍ ପିଆଜର ଭଣ୍ଡାରଣ କରିଛନ୍ତି ଯାହା ଏପର୍ଯ୍ୟନ୍ତ କ୍ରୟ କରାଯାଇଥିବା ସର୍ବାଧିକ ପିଆଜର ବଫର ଷ୍ଟକ୍(onion buffer stock) ଅଟେ। କୃଷି ଓ କୃଷକ କଲ୍ୟାଣ ବିଭାଗ ଦ୍ବାରା ଦିଆଯାଇଥିବା ରିପୋର୍ଟ ଅନୁସାରେ 317.03 ଲକ୍ଷ ଟନ୍ ପିଆଜର ରେକର୍ଡ଼ ଉତ୍ପାଦନ ସହିତ ଏହାର ବଫର କ୍ରୟ ଚଳିତ ବର୍ଷର ପିଆଜ ମୂଲ୍ୟକୁ ନିୟନ୍ତ୍ରିତ କରିବାରେ ସହାୟତା କରିବ।
୨୦୨୧-୨୨ରେ ୨ଲକ୍ଷ ଟନ୍ ପିଆଜ(Onions) ମହଜୁଦ ରଖିଥିଲେ କେନ୍ଦ୍ର ସରକାର । ଚଳିତବର୍ଷ ଏହାକୁ ଆଉ ୦.୫୦ଲକ୍ଷ ଟନ୍ ବୃଦ୍ଧି କରାଯାଇଛି । ଏଥର ରବି ଋତୁରେ ଅମଳ ହୋଇଥିବା ପିଆଜକୁ ସଂଗ୍ରହ କରି ସରକାର ଏହାର ମୂଲ୍ୟ ସ୍ଥିର ରଖିବାକୁ ଏହି ମହଜୁଦ ବ୍ୟବସ୍ଥା କରିଛନ୍ତି । ଜାତୀୟ ଭାରତୀୟ କୃଷି ସମବାୟ ବିପଣନ ସହଯୋଗ ମହାସଂଘ ବା ନାଫେଡ ସହାୟତାରେ କୃଷକ ଉତ୍ପାଦନ ସଂଗଠନ(ଏଫ୍ପିଓ) ମାଧ୍ୟମରେ ଏହି ପିଆଜ ସବୁ ସରକାର ମହାରାଷ୍ଟ୍ର, ଗୁଜରାଟ ଓ ମଧ୍ୟପ୍ରଦେଶ ଭଳି ପିଆଜ ଉତ୍ପାଦନକାରୀ ରାଜ୍ୟର ଚାଷୀଙ୍କଠାରୁ କିଣିଛନ୍ତି ।
ଆସନ୍ତା ଅଗଷ୍ଟରୁ ଡିସେମ୍ବର ପର୍ଯ୍ୟନ୍ତ ପିଆଜ ଉତ୍ପାଦନ ପ୍ରାୟତଃ କମ୍ ରହିବ । ଏହି ନିଅଣ୍ଟିଆ ସମୟରେ ମହଜୁଦ ରହିଥିବା ଏହି ପିଆଜକୁ ବିଭିନ୍ନ ରାଜ୍ୟ ଓ ସରକାରୀ ସଂସ୍ଥାଙ୍କୁ ଆବଶ୍ୟକତା ଅନୁସାରେ କେନ୍ଦ୍ର ଯୋଗାଇବା ସହିତ ଖୋଲା ବଜାରରେ ବିକ୍ରି ପାଇଁ ଯୋଗାଇ ଦିଆଯିବ । ତିରୋଟ ବା ନିଅଣ୍ଟିଆ ସମୟରେ ପିଆଜର ମୂଲ୍ୟ ଯେପରି ଅସ୍ୱାଭାବିକ ଭାବେ ଅତି ଅଧିକ ନ ରହେ ସେଥି ପାଇଁ ସରକାର ଦେଶର ବିଭିନ୍ନ ବଡ ବଡ ମଣ୍ଡି ଏବଂ ଅନ୍ୟାନ୍ୟ ଖୁଚୁରା ବିକ୍ରୟ କେନ୍ଦ୍ର ମାଧ୍ୟମରେ ସୁଲଭ ମୂଲ୍ୟରେ ପିଆଜ ଖୋଲା ବଜାରକୁ ଛାଡିବେ ।
ବଫର ଦ୍ବାରା ପିଆଜର ଷ୍ଟକ୍ କମ୍ ଯୋଗାଣ ହେଉଥିବା ମାସରେ (ଅଗଷ୍ଟ –ଡିସେମ୍ବର) ସମୟରେ କମ ମୂଲ୍ୟରେ ମଧ୍ୟମ ମୂଲ୍ୟ ବୃଦ୍ଧି ସମୟରେ ଏକ କ୍ରମିକ ଏବଂ ଯୋଜନାବଦ୍ଧ ଉପାୟରେ ଜାରି କରାଯିବ। ଷ୍ଟକକୁ ନିର୍ଦ୍ଧାରିତ ଖୋଲା ବଜାରରେ ବିକ୍ରି କରାଯିବ ଏବଂ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ଏବଂ ସରକାରୀ ଏଜେନ୍ସିଙ୍କ ଖୁଚୁରା ଦୋକାନ ମାଧ୍ୟମରେ ପ୍ରେରଣ କରାଯିବ। ଖୁଚୁରା ବଜାରରେ ଷ୍ଟକକୁ ସେହି ରାଜ୍ୟ/ ସହର ପାଇଁ ପଠାଯିବ, ଯେଉଁଠାରେ ମୂଲ୍ୟ ପୂର୍ବ ମାସ ତୁଳନାରେ ବୃଦ୍ଧି ହୋଇଛି ଏବଂ ପ୍ରମୁଖ ମଣ୍ଡିରେ ମଧ୍ୟ ସମଗ୍ର ଉପଲବ୍ଧତା ବଢ଼ାଇବା ପାଇଁ ଏହାକୁ ବ୍ୟବହାର କରାଯିବ।
ବଫର ଷ୍ଟକ ପାଇଁ ଚାଷୀଙ୍କଠାରୁ ସର୍ବାଧିକ ୨. ୫୦ ଲକ୍ଷ ଟନ୍ ପିଆଜ କିଣିଲେ ସରକାର
Share your comments