ରୋମରେ ଖାଦ୍ୟ ସୁରକ୍ଷା ଉପରେ କଣ କହିଲେ ନବୀନ ? ଜାଣନ୍ତୁ...

CM Naveen Patnaik Shares Odisha’s Achievements on Food Security at WFP in Rome

ଅନେକ ସମୟରେ ଓଡିଶା ଖାଦ୍ୟ ସଙ୍କଟର ସମ୍ମୁଖୀନ ହୋଇଛି । ଖାଦ୍ୟ ଅଭାବରୁ ବହୁ ଲୋକଙ୍କ ଜୀବନ ହାରିଛନ୍ତି । ଏନେଇ ସାରାବିଶ୍ୱରେ ଏକ ଗରିବ ଓ ଖାଦ୍ୟ ସଙ୍କଟ ଦେଇ ଗତି କରୁଥିବା ରାଜ୍ୟ ଭାବେ ଅପବାଦ ମୁଣ୍ଡାଇଥିଲା ଓଡିଶା । ଏବେ କିନ୍ତୁ ସମୟ ବଦଳିଛି, ଓଡିଶା ଆଉ ଖାଦ୍ୟ ଅଭାବ ରାଜ୍ୟ ହୋଇ ରହିନାହିଁ । ଖାଦ୍ୟ ଉତ୍ପାଦନରେ ଓଡିଶା ଏବେ ବଳକା ରାଜ୍ୟରେ ପରିଣତ ହୋଇଥିବା ରୋମ(WFP in Rome)ରେ ଦେଇଥିବା ଅଭିଭାଷଣରେ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ( CM Naveen Patnaik) ।

ଇଟାଲୀର ରୋମରେ ଆୟୋଜିତ କାର୍ଯ୍ୟକ୍ରମରେ ଓଡିଶାର ଖାଦ୍ୟ ସୁରକ୍ଷାର କାହାଣୀ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟର ଖାଦ୍ୟ ସୁରକ୍ଷା(Food Security) ଅଭିଯାନ ଓ ବିପର୍ଯ୍ୟୟ ପରିଚାଳନାକୁ ନେଇ ମତ ରଖିଥିଲେ ନବୀନ । ମୁଖ୍ୟମନ୍ତ୍ରୀ କହିଛନ୍ତି, ସାରାବିଶ୍ୱରେ ଏକ ଗରିବ ଓ ଖାଦ୍ୟ ସଙ୍କଟ ଦେଇ ଗତି କରୁଥିବା ରାଜ୍ୟ ଭାବେ ଅପବାଦ ମୁଣ୍ଡାଇଥିଲା ଓଡିଶା । ଏବେ କିନ୍ତୁ ସମୟ ବଦଳିଛି, ଓଡିଶା ଆଉ ଖାଦ୍ୟ ଅଭାବ ରାଜ୍ୟ ହୋଇ ରହିନାହିଁ । ଖାଦ୍ୟ ଉତ୍ପାଦନରେ ଓଡିଶା ଏବେ ବଳକା ରାଜ୍ୟରେ ପରିଣତ ହୋଇଛି ।

ଧାନ, ପନିପରିବା ଉତ୍ପାଦନରେ ଓଡିଶା କିଭଳି ଆଗୁଆ ରହିଛି ତାହା ବର୍ଣ୍ଣନା କରିଥିଲେ ନବୀନ । ଓଡିଶାର ସଫଳତାକୁ ସାରା ବିଶ୍ୱ ଆଗରେ ରଖିଛନ୍ତି ଉପସ୍ଥାପନା କରିଥିଲେ ମୁଖ୍ୟମନ୍ତ୍ରୀ । ଗତ ୨ ଦଶନ୍ଧି ଭିତରେ ଖାଦ୍ୟ ଉତ୍ପାଦନ, ଖାଦ୍ୟ ସୁରକ୍ଷା ଓ ବିପର୍ଯ୍ୟୟ ପରିଚାଳନା କ୍ଷେତ୍ରରେ କିଭଳି ବ୍ୟାପକ ଉନ୍ନତି ଆସିଛି, ଏହା ଉପରେ ଆଲୋଚନା ହୋଇଥିଲା ।

ରୋମସ୍ଥିତ ଡବ୍ଲୁଏଫପି ମୁଖ୍ୟାଳୟରେ ଖାଦ୍ୟ ସୁରକ୍ଷା ନେଇ ଉଦବୋଧନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି, ରାଜ୍ୟ ସରକାରଙ୍କ ବିଭିନ୍ନ ଯୋଜନା ଫଳରେ କିଭଳି ପଛୁଆବର୍ଗ ଓ ମହିଳାଙ୍କ ଜୀବନ ଧାରଣରେ ଉନ୍ନତି ଆଣିବାରେ କାର୍ଯ୍ୟ କରିଛି । ରୋମ ଗସ୍ତରେ ଅଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାପୂର୍ବରୁ ଭାଟିକାନସିଟିରେ ନବୀନ ପୋପଙ୍କୁ ସାକ୍ଷାତ କରିଥିଲେ ।

ରାତି ପାହିଲେ ବିଦେଶ ଯାତ୍ରାରେ ବାହାରିବେ ମୁଖ୍ୟମନ୍ତ୍ରୀ

9 ବ୍ୟାଙ୍କକୁ ମୁଖ୍ୟମନ୍ତ୍ରୀ ଦେଲେ ପୁରସ୍କାର

26 ତାରିଖରେ ମୁଖ୍ୟମନ୍ତ୍ରୀ ରୋମରୁ ଦୁବାଇ ଗସ୍ତ କରିବେ । ସେଠାରେ ବିଭିନ୍ନ କାର୍ଯ୍ୟକ୍ରମରେ ଯୋଗାଦେବା ସହ ମୁଖ୍ୟମନ୍ତ୍ରୀ ଓଡିଶା ଇନଭେସଟର୍ସ ସମିଟରେ ସାମିଲ ହେବେ । ନବୀନଙ୍କ ଏହି ବିଦେଶ ଯାତ୍ରାରେ ତାଙ୍କ ସହିତ ତାଙ୍କ ବ୍ୟକ୍ତିଗତ ସଚିବ ଭିକେ ପାଣ୍ଡିଆନଙ୍କ ସମେତ ଅନ୍ୟ ଅଧିକାରୀ ସାମିଲ ରହିଛନ୍ତି ।