ଭାରତୀୟ କୃଷିରେ ଅନେକ ସୁଯୋଗ ରହିଛି । ଆଜିବି ଭାରତ କୃଷି କ୍ଷେତ୍ରରେ ବିଶ୍ବରେ ଆଗୁଆ । କୃଷି କ୍ଷେତ୍ରକୁ ବଳ ଯୋଗାଇବାକୁ ଅନେକ ଯୋଜନା ମଧ୍ୟ ଆଣୁଛନ୍ତି ସରକାର । ହେଲେ ଏସବୁର ସଫଳ ରୂପାୟନ ପାଇଁ ଡାଟା ସଂରକ୍ଷଣର ଆବଶ୍ୟକତା ରହିଛି । ତଥ୍ୟ ତ ଅନେକ ରହିଛି, ହେଲେ ଏହା ଗୋଟିଏ ସ୍ଥାନରେ ଉପଲବ୍ଧ ନଥିବାରୁ ଚାଷୀକୁ ଖୋଜିବାରେ ଅସୁବିଧାର ସାମ୍ନା କରିବାକୁପଡୁଛି । ତେବେ ଆଉ ଏହି ଡାଟା ସଂରକ୍ଷଣର ଟେନସନ ରହିବ ନାହିଁ । କାରଣ ଦଶନ୍ଧିର ଡାଟା ଯୋଗାଇବାକୁ ପ୍ରସ୍ତୁତ ହୋଇସାରିଛି ଏଗ୍ରିକଲଚ ଇଣ୍ଟେଲିଜେନ୍ସ କ୍ଲାଉଡ(agri intelligence cloud) ।
ବେଙ୍ଗାଲୁରୁ ସ୍ଥିତ ଏଗେଟେକ୍ ଫାର୍ମ କ୍ରୋପିନ୍ ବିଶ୍ୱର ପ୍ରଥମ ଏଗ୍ରିକଲଚର ଇଣ୍ଟେଲିଜେନ୍ସ କ୍ଲାଉଡ (Agcloud) ନିର୍ମାଣ କରିଛି । ଏହା ଏକ ଦଶନ୍ଧିରୁ ଅଧିକ ସମୟ ଧରି ଉତ୍ପାଦିତ ତଥ୍ୟ ଯୋଗାଇବ ଏବଂ ଉତ୍ତମ ଫସଲ ଉତ୍ପାଦନ ଓ ଗୁଣବତ୍ତା ପାଇବା ପାଇଁ କୃଷି କ୍ଷେତ୍ରର ହିତାଧିକାରୀମାନଙ୍କୁ ମାର୍ଗଦର୍ଶନ କରିବ ।
ଆସନ୍ତା ମାସରେ ଆନୁଷ୍ଠାନିକ ଭାବରେ Agcloud ଲଞ୍ଚ ହେବ। ଏହା 10,000 କିସମର 56 ଟି ଦେଶରେ 488 ଫସଲ ପରିଚାଳନାରେ ସାହାଯ୍ୟ କରିପାରିବ ବୋଲି କ୍ରପିନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ତଥା ସହ-ପ୍ରତିଷ୍ଠାତା କୃଷ୍ଣ କୁମାର କହିଛନ୍ତି।
କଲମ୍ବୋରେ ପ୍ରତିଷ୍ଠା ହେବ ବିମ୍ଷ୍ଟେକ୍ ଟେକ୍ନୋଲୋଜି ଟ୍ରାନ୍ସଫର ସେଣ୍ଟର
ଏକାଧିକ ଆପ୍ଲିକେସନ
Agcloud ଆପରେ କୃଷକଙ୍କ ଅବସ୍ଥାନ ଏବଂ ସେମାନେ ଚାଷ କରୁଥିବା ଫସଲର ବିବରଣୀ ରହିବ । ଏଥିରେ ଅନେକ ଆପ୍ଲିକେସନ ଅନ୍ତର୍ଭୁକ୍ତ ଯାହାକି ମୁଖ୍ୟତ ଡିଜିଟାଲ୍ ରୂପାନ୍ତର ସହିତ ବିଭିନ୍ନ କୃଷି ସମସ୍ୟାର ସମାଧାନ କରିପାରିବ । କୃଷକମାନଙ୍କର ସବିଶେଷ ତଥ୍ୟ ଡିଜିଟାଇଜେସନ୍ କରାଯାଇପାରିବ ଏବଂ ଏହା ଉପରେ ଆଧାର କରି ଫସଲ ଚୟନ ପାଇଁ କୃଷି କାର୍ଯ୍ୟକ୍ରମ ଏବଂ କୃଷକମାନଙ୍କ ପାଇଁ ସର୍ବୋତ୍ତମ ଅଭ୍ୟାସ ଉପରେ ଆଧାରିତ ହେବ ।
କ୍ରପିନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ତଥା ସହ-ପ୍ରତିଷ୍ଠାତା କୃଷ୍ଣ କୁମାର କହିଛନ୍ତି, ଆପଣ 15 ଦିନ ପୂର୍ବରୁ ରୋଗ ବିଷୟରେ ସଚେତନ ବାର୍ତ୍ତା ପାଇପାରିବେ ଏବଂ ଫସଲର ଗୁଣବତ୍ତା ଏବଂ ଅମଳ ପାଇଁ ଚାଷୀଙ୍କୁ ସଚେତନ କରିବା ସହିତ ପାଣିପାଗକୁ ଟ୍ରାକ କରିପାରିବ ।
କୃଷକ, ବୈଜ୍ଞାନିକ, କୃଷି ବିଜ୍ଞାନୀ, ପରିଚାଳକ ଏବଂ ବରିଷ୍ଠ ଅଧିକାରୀଙ୍କ ପାଇଁ ଏହାର ଏକାଧିକ ପ୍ରୟୋଗ ରହିଛି, ଯାହାଫଳରେ ସମଗ୍ର ଶିଳ୍ପର ମିଳିତ ଭାବରେ ସମସ୍ୟାର ସମାଧାନ ହୋଇପାରିବ ବୋଲି କୁମାର କହିଛନ୍ତି ।
ଡାଟା ହବ୍
କ୍ରପିନ ଏକ ଡାଟା ହବ୍ ସୃଷ୍ଟି କରିଛି ଯେଉଁଠାରେ ଅନେକ ପାଇପଲାଇନ ନିର୍ମାଣ କରାଯାଇଛି । ଏହା ଅନେକ ଜଟିଳ ସମସ୍ୟା, ସ୍ୱାସ୍ଥ୍ୟ ବିପଦ ଏବଂ ଅମଳର ସମାଧାନ କରିବାରେ ସାହାଯ୍ୟ କରିବ । କୁମାର କହିଛନ୍ତି ଏହା ଏକ ପାଇପଲାଇନ ଯେଉଁଠାରେ ଆର୍ଟିଫିସିଆଲ ଇଣ୍ଟେଲିଜେନ୍ସ ଭିତ୍ତିକ ମଡେଲ ନିର୍ମାଣ କରାଯାଇପାରିବ।
କୀଟନାଶକ ଏବଂ ସାରର ଅଧିକ ବ୍ୟବହାରକୁ ନିୟନ୍ତ୍ରଣ କରି ସେମାନଙ୍କ ପାଇଁ ଲାଭଦାୟକତା ସୁନିଶ୍ଚିତ କରିବା ସହିତ ଏହା ପ୍ରତ୍ୟେକ ଚାଷକୁ ଫଳପ୍ରଦ କରିବାରେ ସାହାଯ୍ୟ କରିଥାଏ । ଏଥିରେ 500 ନିୟୁତ କୃଷକଙ୍କ ସବିଶେଷ ତଥ୍ୟ ରହିବ ଏବଂ ସେମାନଙ୍କ ନିକଟରେ କିପରି ପହଞ୍ଚିବ ସେ ସମ୍ବନ୍ଧରେ ସମ୍ବଳ ପ୍ରଦାନ କରାଯିବ ।
ଏହି ସମସ୍ତ କୃଷକଙ୍କ ନିକଟରେ ପହଞ୍ଚିବା ପାଇଁ ଏହି ପ୍ଲାଟଫର୍ମ ଦରକାର । ଏଥିରେ କୃଷକମାନେ ପଞ୍ଜୀକୃତ ହୋଇପାରିବେ । B2B ଏବଂ ପେପସି, ମ୍ୟାକେନ୍ ଫୁଡ୍ସ, ଆଇଟିସି ଏବଂ ସିଞ୍ଜେଣ୍ଟା ଭଳି ଉଦ୍ୟୋଗ ସହିତ କାର୍ଯ୍ୟ କରୁଥିବା କୁମାର କହିଛନ୍ତି ।