ବଲିଉଡର ଭେଟେରାନ ଅଭିନେତ୍ରୀ ଆଶା ପାରେଖ (Asha Parekh)ପାଇବେ ଦାଦା ସାହେବ ଫାଲକେ ଆୱାର୍ଡ (Dada Saheb Phalke Award)। ଭାରତୀୟ ସିନେମାର ସର୍ବୋଚ୍ଚ ପୁରସ୍କାର ଦାଦା ସାହେବ ଫାଲକେ ଆୱାର୍ଡରେ ଚଳିତ ବର୍ଷ ଆଶା ପାରେଖଙ୍କୁ ସମ୍ମାନିତ କରାଯିବ ।
ସୂଚନା ଅନୁଯାୟୀ, ଭାରତୀୟ ଚଳଚ୍ଚିତ୍ରରେ ଜୀବନବ୍ୟାପି ସାଧନା ପାଇଁ ପ୍ରସିଦ୍ଧ ଅଭିନେତ୍ରୀ ଆଶା ପାରେଖଙ୍କୁ 'ଦାଦା ସାହେବ ଫାଲକେ ପୁରସ୍କାର' (Dada Saheb Phalke Award) ପ୍ରଦାନ କରାଯିବ । ଆଶା ପାରେଖଙ୍କୁ ଭାରତୀୟ ସିନେମାର ସର୍ବୋଚ୍ଚ ସମ୍ମାନ, ୩୦ ସେପ୍ଟେମ୍ବରରେ ମିଳିବ ଦାଦା ସାହେବ ଫାଲକେ ଆୱାର୍ଡ । ଏହି ଖବର ପ୍ରକାଶ ପାଇବା ପରେ ଲୋକେ ସୋସିଆଲ୍ ମିଡିଆରେ ଆଶା ପାରେଖ (Asha Parekh)ଙ୍କୁ ଅଭିନନ୍ଦନ ଜଣାଇବା ଆରମ୍ଭ କରି ଦେଇଛନ୍ତି ।
ଆଶା ପାରେଖ (Asha Parekh)୯୫ ରୁ ଅଧିକ ଫିଲ୍ମରେ କାମ କରି ସାରିଛନ୍ତି । ତାଙ୍କୁ ପଦ୍ମଶ୍ରୀ ସମ୍ମାନରେ ବି ସମ୍ମାନିତ କରାଯାଇଛି । ଆଶା ପାରେଖ (Asha Parekh)ଙ୍କର ସିନେମା ମଧ୍ୟରେ ରହିଛି ‘କଟି ପତଙ୍ଗ’,‘ମେଁ ତୁଲସୀ ତେରି ଆଙ୍ଗନ କୀ’, ‘ଦୋ ବଦନ’, ‘କାରବା’, ‘ଚିରାଗ’, ‘ଜଲୱା’,‘ଘର୍କୀ ଇଜ୍ଜତ’ ଇତ୍ୟାଦି ।
ପ୍ରକାଶ ଥାଉ ଯେ, ଆଶା ପାରେଖ (Asha Parekh) ତାଙ୍କ ସିନେ କ୍ୟାରିଅର ମଧ୍ୟରେ ସେ ଦେବାନନ୍ଦ, ରାଜେଶ ଖାନ୍ନା, ଶଶି କପୁର, ଜିତେନ୍ଦ୍ର, ମନୋଜ କୁମାର ଓ ଧର୍ମେନ୍ଦ୍ରଙ୍କ ଭଳି ଅଭିନେତାଙ୍କ ସହ ଅଭିନୟ କରିଛନ୍ତି ।
୩ ଦିନ ସକାଳୁ ଖାଲି ପେଟରେ ଖାଆନ୍ତୁ ପିଜୁଳି ପତ୍ର, ମୂଳରୁ ଶେଷ ହୋଇଯିବ ଏହି ରୋଗ