ରାଷ୍ଟ୍ରପତି ପଦରେ ଶପଥ ନେଲେ ଦ୍ରୌପଦୀ ମୁର୍ମୁ

Droupadi Murmu Takes Oath As India’s 15th President

ଦେଶର 15 ତମ ରାଷ୍ଟ୍ରପତି(President Of India) ରୂପେ ଶପଥ ଗ୍ରହଣ କରିଛନ୍ତି ଓଡିଆ ଝିଅ ଦ୍ରୌପଦୀ ମୁର୍ମୁ(Droupadi Murmu) । ଦେଶର ପ୍ରଥମ ଆଦିବାସୀ ମହିଳା ରାଷ୍ଟ୍ରପତି ହୋଇଛନ୍ତି ଦ୍ରୌପଦୀ । ସଂସଦ ଭବନର ସେଣ୍ଟ୍ରାଲ ହଲରେ ଦେଶର ସର୍ବୋଚ୍ଚ ସାମ୍ବିଧାନିକ ପଦରେ ଶପଥ ନେଇଛନ୍ତି ମୁର୍ମୁ । ଭାରତର ପ୍ରଧାନ ବିଚାରପତି ଏନ.ଭି ରାମଣା ଦ୍ରୌପଦୀ ମୁର୍ମୁ(Droupadi Murmu)ଙ୍କୁ ଶପଥ ପାଠ କରାଇଛନ୍ତି ।

ଦ୍ରୌପଦୀ ମୁର୍ମୁ ଓଡିଶାର ଝିଅ । ଅତ୍ୟନ୍ତ ଗରିବ ସାଧାରଣ ଆଦିବାସୀ ପରିବାରର ଝିଅ ସେ । ଦ୍ରୌପଦୀ ରାଷ୍ଟ୍ରପତି ପଦରେ ଶପଥ ଗ୍ରହଣକୁ ନେଇ ଓଡିଶା ସମେତ ସାରା ଦେଶରେ ଖୁସିର ମାହୋଲ । ଏହାପୂର୍ବରୁ ମୁର୍ମୁ ଝାଡଖଣ୍ଡର ରାଜ୍ୟପାଳ ମଧ୍ୟ ରହିସାରିଛନ୍ତି ।

20 ଜୁନ 1958 ଆଦିବାସୀ ବହୁଳ ମୟୂରଭଞ୍ଜ ଜିଲ୍ଲା ବାଇଦପୋଶୀ ଗାଁରେ ଦ୍ରୌପଦୀ ମୁର୍ମୁଙ୍କ ଜନ୍ମ । 64 ବର୍ଷୀୟ ଦ୍ରୌପଦୀ ମୁର୍ମୁ ରମାଦେବୀ ବିଶ୍ବବିଦ୍ୟାଳୟରୁ ଅଧ୍ୟୟନ କରିବା ପରେ ଶିକ୍ଷୟିତ୍ରୀ ଭାବେ ନିଜ କ୍ୟାରିଅର ଆରମ୍ଭ କରିଥିଲେ । ଜନସେବାରେ ସେ ନିଜ ଜୀବନକୁ ଉତ୍ସର୍ଗ କରିଛନ୍ତି ।

୧୯୯୭ ମସିହାରେ ରାଜନୀତିରେ ପାଦ ଥାପିଥିଲେ ଦ୍ରୌପଦୀ ମୁର୍ମୁ । ଜଣେ ସାଧାରଣ କର୍ମୀ ଭାବରେ ସେ ବିଜେପିରେ ଯୋଗ ଦେଇଥିଲେ । ଆଦିବାସୀ ଚେହେରା ଭାବରେ ରାଜନୀତିରେ ଏକ ଲମ୍ବା ଇନିଙ୍ଗ୍ସ ଖେଳିଛନ୍ତି । ମୟୂରଭଞ୍ଜ ଜିଲ୍ଲା ବିଜେପି ସଭାପତି ହେବା ପରେ ପ୍ରଥମ ଥର କାଉନସିଲର ନିର୍ବାଚିତ ହୋଇଥିଲେ ଦ୍ରୌପଦୀ ।

2000ରୁ 2009 ପର୍ଯ୍ୟନ୍ତ ରାଇରଙ୍ଗପୁର ଆସନରୁ ବିଧାୟିକା ଭାବରେ ପ୍ରତିନିଧିତ୍ବ କରୁଥିଲେ । 2007ରେ ଶ୍ରେଷ୍ଠ ବିଧାୟିକା ସମ୍ମାନଲାଭ କରିଥିଲେ ଦ୍ରୌପଦୀ । ବିଜେପି ଓ ବିଜେଡି ମେଣ୍ଟ ସରକାର ସମୟରେ ସେ ବାଣିଜ୍ୟ ଓ ପରିବହନ ମନ୍ତ୍ରୀ ଭାବରେ ନିଜର ଦାୟିତ୍ବ ତୁଲାଇଛନ୍ତି । ପରେ ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ହୋଇଥିଲେ ମୁର୍ମୁ ।

2015ରେ ଝାଡଖଣ୍ଡର ପ୍ରଥମ ଆଦିବାସୀ ମହିଳା ଭାବରେ ରାଜ୍ୟପାଳ ଦାୟିତ୍ବ ଗ୍ରହଣ କରିଥିଲେ ଦ୍ରୌପଦୀ ମୁର୍ମୁ । ଦୀର୍ଘ 6 ବର୍ଷ ସେ ଝାଡଖଣ୍ଡର ରାଜ୍ୟପାଳ ରହିଛନ୍ତି । ରାଜ୍ୟପାଳ ପଦରୁ ଅବସର ପରେ ନିଜକୁ ରାଜନୀତିରୁ ଦୂରରେ ରଖି ଜନସେବା କରୁଥିଲେ ଦ୍ରୌପଦୀ ।

ମୋଦିଙ୍କ ମୁହଁରେ ଦ୍ରୌପଦୀଙ୍କ ପ୍ରଶଂସା, ଜାଣନ୍ତୁ କଣ କହିଲେ...

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ