MFOI 2024 Road Show
  1. କୃଷି ଖବର

ମୋଦିଙ୍କ ମୁହଁରେ ଦ୍ରୌପଦୀଙ୍କ ପ୍ରଶଂସା, ଜାଣନ୍ତୁ କଣ କହିଲେ...

ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ପ୍ରଧାନମନ୍ତ୍ରୀ ମୋଦୀ ବହୁତ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ସେ ଆଦିବାସୀ ସମାଜର ପ୍ରଥମ ମହିଳା ରାଷ୍ଟ୍ରପତି ହେବେ।

Shuvanshu Kar
Shuvanshu Kar
PM Modi Praises on NDA President Candidate Draupadi Murmu

PM Modi Praises on NDA President Candidate Draupadi Murmu

ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ(bjp national working committee meeting )ର ଶେଷ ଦିନରେ ଏନଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ(NDA President Candidate Draupadi Murmu)ଙ୍କୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଆଗାମୀ ରାଷ୍ଟ୍ରପତି ପ୍ରାର୍ଥୀଙ୍କୁ ପ୍ରଶଂସା କରିବା ସହ ପ୍ରଧାନମନ୍ତ୍ରୀ(PM Modi )କହିଛନ୍ତି ଯେ ଦ୍ରୌପଦୀ ଜୀ ହେଉଛନ୍ତି ରାଷ୍ଟ୍ରପତି ହେବାକୁଯାଉଥିବା ପ୍ରଥମ ଆଦିବାସୀ ମହିଳା । ଏହା ଆଦିବାସୀ ସମାଜକୁ ମୁଖ୍ୟ ସ୍ରୋତ ସହିତ ଯୋଡ଼ିବାରେ ସହାୟକ ହେବ ।

କାର୍ଯ୍ୟକାରିଣୀ ବୈଠକର ଦ୍ୱିତୀୟ ଦିନ ପିଏମ ମୋଦୀ(PM Modi )ଙ୍କ ସଂକ୍ଷିପ୍ତ ସମ୍ବୋଧନରୁ ଆରମ୍ଭ ହୋଇଥିଲା। କାର୍ଯ୍ୟକାରିଣୀ କମିଟିର ସଦସ୍ୟମାନଙ୍କୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମ ବର୍ତ୍ତମାନ ପର୍ଯ୍ୟନ୍ତ ଜଣେ ଶ୍ରେଷ୍ଠ ରାଷ୍ଟ୍ରପତି ଥିଲେ କିନ୍ତୁ ଯେତେବେଳେ ବିଜେପି ତାଙ୍କ ନାଁ ଚୟନ କାଲା ସେତେବେଳେ ଲୋକମାନେ ଏହାକୁ ଗ୍ରହଣ କଲେ ।

ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ପ୍ରଧାନମନ୍ତ୍ରୀ ମୋଦୀ ବହୁତ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ସେ ଆଦିବାସୀ ସମାଜର ପ୍ରଥମ ମହିଳା ରାଷ୍ଟ୍ରପତି ହେବେ। ସାଧାରଣ ଜୀବନରେ ତାଙ୍କର ଅସାଧାରଣ ଆଚରଣକୁ ମୋଦି ପ୍ରଶଂସା କରିଥିଲେ । ପ୍ରଧାନମନ୍ତ୍ରୀ ମୁର୍ମୁଙ୍କ ବିଷୟରେ ବିସ୍ତୃତ ଭାବରେ କହିଥିଲେ ଏବଂ କହିଥିଲେ ଯେ ସେ ତାଙ୍କ ଜୀବନକୁ ଅତି ସରଳତାର ସହ ବଞ୍ଚିଛନ୍ତି । ପୂର୍ବତନ ରାଷ୍ଟ୍ରପତି ଅବଦୁଲ କଲାମ ମଧ୍ୟ ଏମିତି ଥିଲେ । ସମାନ ଉତ୍ସାହ ଏବଂ ଭାବନା ଆଜି ଦ୍ରୌପଦୀ ମୁର୍ମୁଙ୍କ ପାଇଁ ରହିଛି ।

ରାଷ୍ଟ୍ରପତି ପଦ ପାଇଁ ଦ୍ରୌପଦୀ ମୁର୍ମୁଙ୍କ ପ୍ରାର୍ଥୀତ୍ୱର ରାସ୍ତା ପାଞ୍ଚ ବର୍ଷ ପୂର୍ବେ ନିର୍ଦ୍ଧାରିତ ହୋଇସାରିଥିଲା । 2017 ମସିହାରେ, ଯେତେବେଳେ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ କାର୍ଯ୍ୟକାଳ ଶେଷ ହେବାକୁ ଯାଉଥିଲ, ଏପରିକି ସେତେବେଳେ ବିଜେପି ତାଙ୍କ ନାମକୁ ବିଚାର କରିଥିଲା, କିନ୍ତୁ ସେତେବେଳେ ବିହାରର ରାଜ୍ୟପାଳ ରାମ ନାଥ କୋବିନ୍ଦଙ୍କୁ ଚୟନ କରାଗଲା । ବୋଧହୁଏ ଏହା ପଛରେ ଝାଡଖଣ୍ଡର ରାଜ୍ୟପାଳ ଭାବରେ ତାଙ୍କର ସ୍ୱଚ୍ଛ ଭାବମୂର୍ତ୍ତିର ପ୍ରତିଫଳନ ରହିଛି ।

NDA ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁ, ଓଡିଶାରେ ଖୁସିର ଲହରୀ

ମିଶନ 2024: ହାଇଦ୍ରାବାଦରୁ ବିଜେପିର ଶଙ୍ଖନାଦ !

ଭାରତୀୟ ଜନତାପାର୍ଟି ନେତୃତ୍ବାଧିନ NDA ପକ୍ଷରୁ ରାଷ୍ଟ୍ରପତି ପ୍ରାର୍ଥୀ ହୋଇଛନ୍ତି ଓଡିଶା ମାଟିର ଦ୍ରୌପଦୀ ମୁର୍ମୁ । ଯଦି ଦ୍ରୌପଦୀ ମୁର୍ମୁ ବିଜୟଲାଭ କରନ୍ତି ତେବେ ସେ ଦେଶର ପ୍ରଥମ ମହିଳା ଆଦିବାସୀ ରାଷ୍ଟ୍ରପତି ହେବେ । ୧୯୯୭ ମସିହାରେ ରାଜନୀତିରେ ପାଦ ଥାପିଥିଲେ ଦ୍ରୌପଦୀ ମୁର୍ମୁ । ଜଣେ ସାଧାରଣ କର୍ମୀ ଭାବରେ ସେ ବିଜେପିରେ ଯୋଗ ଦେଇଥିଲେ । ଆଦିବାସୀ ଚେହେରା ଭାବରେ ରାଜନୀତିରେ ଏକ ଲମ୍ବା ଇନିଙ୍ଗ୍ସ ଖେଳିଛନ୍ତି । ମୟୂରଭଞ୍ଜ ଜିଲ୍ଲା ବିଜେପି ସଭାପତି ହେବା ପରେ ପ୍ରଥମ ଥର କାଉନସିଲର ନିର୍ବାଚିତ ହୋଇଥିଲେ ଦ୍ରୌପଦୀ ।

2015ରେ ଝାଡଖଣ୍ଡର ପ୍ରଥମ ଆଦିବାସୀ ମହିଳା ଭାବରେ ରାଜ୍ୟପାଳ ଦାୟିତ୍ବ ଗ୍ରହଣ କରିଥିଲେ ଦ୍ରୌପଦୀ ମୁର୍ମୁ । ଦୀର୍ଘ 6 ବର୍ଷ ସେ ଝାଡଖଣ୍ଡର ରାଜ୍ୟପାଳ ରହିଛନ୍ତି । ରାଜ୍ୟପାଳ ପଦରୁ ଅବସର ପରେ ନିଜକୁ ରାଜନୀତିରୁ ଦୂରରେ ରଖି ଜନସେବା କରୁଥିଲେ ଦ୍ରୌପଦୀ ।

Like this article?

Hey! I am Shuvanshu Kar. Did you liked this article and have suggestions to improve this article? Mail me your suggestions and feedback.

Share your comments