![Farmers express displeasure over Odisha govt delay in announcement of input subsidy](https://ocdn.krishijagran.com/media/6559/naveen-1.jpg)
Farmers express displeasure over Odisha govt delay in announcement of input subsidy
ସମ୍ପ୍ରତି ବନ୍ୟାରେ କ୍ଷତିଗ୍ରସ୍ତ(Flood Damage) ହୋଇଥିବା ଧନ ସମ୍ପତ୍ତିର ପୁନରୁଦ୍ଧାର ପାଇଁ ରାଜ୍ୟ ସରକାର 128.58 କୋଟି ଟଙ୍କା ମଞ୍ଜୁର କରିଛନ୍ତି । ହେଲେ ଏହାକୁ ନେଇ କ୍ରମାଗତ ରାଜ୍ୟ ସରକାରଙ୍କୁ ଟାର୍ଗେଟ କରୁଛନ୍ତି ବିରୋଧୀ । ଫସଲ କ୍ଷୟକ୍ଷତିର ଆକଳନ ଓ ପ୍ୟାକେଜ୍ ଘୋଷଣାରେ ବିଳମ୍ବ ଅଭିଯୋଗ ଆଣିଛି ବିଜେପି ।
ବନ୍ୟା ପ୍ରଭାବିତ(Flood Affected) ଜିଲ୍ଲାମାନଙ୍କରୁ ମିଳିଥିବା କ୍ଷୟକ୍ଷତି ଆକଳନ ରିପୋର୍ଟ ଅନୁଯାୟୀ, 1,26,162 ହେକ୍ଟର ଚାଷ ଜମିରେ 33 ପ୍ରତିଶତରୁ ଅଧିକ ଫସଲ ନଷ୍ଟ ହୋଇଛି। ସରକାର କୃଷକମାନଙ୍କୁ ସ୍ୱଳ୍ପ ସମୟର ଧାନ କିମ୍ବା ଶୀଘ୍ର ରବି ଫସଲ ଚାଷ କରିବାକୁ ପରାମର୍ଶ ଦେଉଛନ୍ତି କିନ୍ତୁ ପ୍ରଭାବିତ କୃଷକମାନଙ୍କୁ କୃଷି ଇନପୁଟ ସବସିଡି(input subsidy) କିମ୍ବା ଅନ୍ୟାନ୍ୟ ଆର୍ଥିକ ସହାୟତା ଯୋଗାଇ ଦେଇନାହାଁନ୍ତି। ସ୍ୱତନ୍ତ୍ର ପ୍ୟାକେଜ୍ ଘୋଷଣାରେ ଅଧିକ ବିଳମ୍ବ ହେବାର କୌଣସି ଲାଭ ହେବ ନାହିଁ ବୋଲି ରାଜ୍ୟ ବିଜେପି ସଭାପତି ସମୀର ମହାନ୍ତି କହିଛନ୍ତି ।
2020ରେ ମଧ୍ୟ ସମାନ ପରିସ୍ଥିତିର ସାମ୍ନା କରି ରାଜ୍ୟ ସରକାର ସେପ୍ଟେମ୍ବର 10 ରେ ବନ୍ୟା ପ୍ରଭାବିତ ଚାଷୀଙ୍କ ପାଇଁ ଇନପୁଟ୍ ସବସିଡି ଘୋଷଣା କରିଥିଲେ। ବୋଧହୁଏ କୃଷକମାନଙ୍କ ପାଇଁ ପ୍ୟାକେଜ୍ ଘୋଷଣା କରିବାକୁ ଜିଲ୍ଲାମାନଙ୍କରୁ ଫସଲ କାଟିବା ରିପୋର୍ଟକୁ ସରକାର ଅପେକ୍ଷା କରିଥିବା । ଏଥିରେ କୌଣସି ଲାଭ ହେବ ନାହିଁ ବୋଲି ଚାଷୀମାନେ ପ୍ରତିକ୍ରିୟା ଦେଇଛନ୍ତି ।
କିଛି ଦିନ ପୂର୍ବେ ବନ୍ୟା କ୍ଷୟକ୍ଷତି ରିପୋର୍ଟର ଶ୍ବେତପତ୍ର(white paper) ସରକାର ଜାରି କରନ୍ତୁ ବୋଲି ସାମ୍ବାଦିକ ସମ୍ମିଳନୀରେ କହିଥଇଲେ ବିଜେପି ନେତ୍ରୀ ଲେଖାଶ୍ରୀ ସାମନ୍ତ ସିଂହାର । କ୍ଷତିଗ୍ରସ୍ତଙ୍କ ପାଇଁ ସରକାର ସହାୟତା ରାଶି ଘୋଷଣା କରିବା ପରେ ଏହାକୁ ନେଇ ବର୍ଷିଥିଲା ବିଜେପି । ଦଳର ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତ ସିଂହାର କହିଥିଲେ, ବନ୍ୟା ପରିଚାଳନାରେ ସରକାର ସମ୍ପୂର୍ଣ୍ଣ ଫେଲ ହୋଇଛନ୍ତି । ତରବରିଆ ଭାବରେ ରିପୋର୍ଟ ପ୍ରସ୍ତୁତ ହୋଇଥିବାବେଳେ 120 କୋଟି ଟଙ୍କା ସହାୟତା ଘୋଷଣା ସମ୍ପୂର୍ଣ୍ଣ ତ୍ରୁଟିପୂର୍ଣ୍ଣ ବୋଲି ବିଜେପି ଅଭିଯୋଗ ଆଣିଥିଲା ।
ଏପଟେ ସରକାରଙ୍କ ରିପୋର୍ଟ ଅନୁଯାୟୀ 24ଟି ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି । ରାଜ୍ୟରେ 14 ହଜାର 235ଟି ବାସଗୃହ ନଷ୍ଟ ହୋଇଥିବାବେଳେ 1236 ଗୁହାଳ ଭାଙ୍ଗିଛି । ସେହିପରି 5036 ହେକ୍ଟର ଚାଷଜମି ନଷ୍ଟ ହୋଇଛି । ମାଛ ଚାଷ କଥା ଯଦି କହିବା, ତାହେଲେ 28.382 ହେକ୍ଟର ମାଛ ପୋଖରୀ ଓ 483.145 ହେକ୍ଟର ମାଛ ଜାଆଁଳା ଚାଷ କ୍ଷତିଗ୍ରସ୍ତ ହୋଇଛି ।
ରାଜ୍ୟରେ ବନ୍ୟା କ୍ଷୟକ୍ଷତି ରିପୋର୍ଟ ଉପରେ ବର୍ଷିଲେ ବିରୋଧୀ
Share your comments