ଭାରତୀୟ କୃଷି ଅନୁସନ୍ଧାନ ସଂସ୍ଥାରେ ଚାକିରୀ ପାଇଁ ଆଜି ହିଁ କରନ୍ତୁ ଆବେଦନ

କୃଷି ଅଧିକାରୀ ଭାବେ ଚାକିରୀ କରିବାକୁ ଚାହୁଁଛନ୍ତି କି ? ତେବେ ଆପଣଙ୍କ ପାଇଁ ଏହି ସୁବର୍ଣ୍ଣ ସୁଯୋଗ ଆଣିଦେଉଛି ଭାରତୀୟ କୃଷି ଅନୁସନ୍ଧାନ ସଂସ୍ଥା (Indian Council of Agricultural Research) | ସଂସ୍ଥା ତରଫରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି | ଭାରତୀୟ କୃଷି ଅନୁସନ୍ଧାନ ସଂସ୍ଥା (ICAR) ବିଜ୍ଞପ୍ତି ମୁତାବକ, ସଂସ୍ଥାରେ ଆସିଷ୍ଟାଣ୍ଟ ପଦ ପାଇଁ ନିଯୁକ୍ତି କରାଯିବ । ଏହି ନିଯୁକ୍ତି ପାଇଁ ଆବେଦନ ପ୍ରକିୟା ଆରମ୍ଭ ହୋଇସାରିଲାଣି। ଏହି ନିଯୁକ୍ତି ପ୍ରକ୍ରିୟା ଜୁନ୍‌ ୧ ଯାଏଁ ଚାଲିବ। ଜୁନ୍‌ ୧ ପରେ ପ୍ରାର୍ଥୀ ଆଉ ଆବେଦନ କରିପାରିବେ ନାହିଁ।

ମୋଟ୍‌ ୪୬୨ ପଦ ପୂରଣ ପାଇଁ ଥିବା ଏହି ନିଯୁକ୍ତି ପ୍ରକ୍ରିୟା ଚାଲୁ ରହିଛି | ଭାରତୀୟ କୃଷି ଅନୁସନ୍ଧାନ ସଂସ୍ଥା (Indian Council of Agricultural Research) ଚାକିରୀ ପାଇଁ (Job apply)ଇଛୁକ ପ୍ରାର୍ଥୀ ଅଫିସିଆଲ ୱେବ୍‌ସାଇଟ୍‌ iari.res.in କୁ ଯାଇ ଆବେଦନ କରିପାରିବେ | ଏହି ପଦ ପାଇଁ ଆବେଦନ କରିବା ଲାଗି ପ୍ରାର୍ଥୀ କୌଣସି ମାନ୍ୟତାପ୍ରାପ୍ତ ବିଶ୍ୱବିଦ୍ୟାଳୟରୁ ଗ୍ରାଜୁଏଟ୍‌ ହୋଇଥିବା ଆବଶ୍ୟକ | ଆବେଦନ କରିବାକୁ ଚାହୁଁଥିବା ପ୍ରାର୍ଥୀଙ୍କ ବୟସ ୩୦ ବର୍ଷରୁ ଅଧିକ ହୋଇନଥିବା ଆବଶ୍ୟକ। ସଂରକ୍ଷିତ ବର୍ଗଙ୍କ ବୟସ ସରକାରୀ ମାନଦଣ୍ଡ ଅନୁସାରେ କୋହଳ କରାଯିବ | ପ୍ରାର୍ଥୀ ଚୟନ ପ୍ରାରମ୍ଭିକ ପରୀକ୍ଷା, ମୁଖ୍ୟ ପରୀକ୍ଷା ଓ ସ୍କିଲ୍‌ ଟେଷ୍ଟ ଆଧାରରେ ହେବ | ଏହି ପଦ ପାଇଁ ଆବେଦନ କରୁଥିବା ସାଧାରଣ ବର୍ଗ ଓ ଓବିସି ବର୍ଗର ପିଲାଙ୍କୁ ୧୨୦୦ ଟଙ୍କାର ଶୁଳ୍କ ଜମା କରିବାକୁ ପଡ଼ିବ। ସେହିପରି ଏସ୍‌ସି ଓ ଏସ୍‌ଟି ବର୍ଗର ଆଶାୟୀ ପ୍ରାର୍ଥୀଙ୍କୁ ୫୦୦ ଟଙ୍କାର ଆବେଦନ ଶୁଳ୍କ ଦେବାକୁ ପଡ଼ିବ |

କେମିତି କରିବେ ଆବେଦନ:

ଆବେଦନ କରିବାକୁ ପ୍ରାର୍ଥୀଙ୍କୁ ପ୍ରଥମେ ଅଫିସିଆଲ ୱେବ୍‌ସାଇଟ୍‌ iari.res.in କୁ ଯିବାକୁ ପଡ଼ିବ।
ଏହା ପରେ ହୋମ୍‌ ପେଜ୍‌ରେ ଦିଆଯାଇଥିବା online application portal କୁ ଯାଆନ୍ତୁ।
ଏବେ ଆବଶ୍ୟକ ଦସ୍ତାବିଜ୍‌ ଅପଲୋଡ୍‌ କରନ୍ତୁ।

ଏହା ପରେ ଆବେଦନ ଶୁଳ୍କ ଭରନ୍ତୁ ଓ ସବ୍‌ମିଟ୍‌ କରନ୍ତୁ।
ଶେଷରେ ଫର୍ମ ସବ୍‌ମିଟ୍‌ କରି ଦିଅନ୍ତୁ ଓ ଏହାର ପ୍ରିଣ୍ଟ ଆଉଟ୍‌ ବାହାର କରି ନିଅନ୍ତୁ।

ସରକାରୀ ଚାକିରୀ ପାଇଁ ସୁଯୋଗ, ଶୀଘ୍ର କରନ୍ତୁ ଆବେଦନ

ବିନା ପରୀକ୍ଷାରେ ଚାକିରୀ; ESICରେ ଖାଲିପଡିଛି ପଦବୀ,ଶୀଘ୍ର କରନ୍ତୁ ଆବେଦନ