ଏ ବର୍ଷ ଭକ୍ତମାନଙ୍କ ଗହଣରେ ହେବ ଗଣେଶ ପୂଜା (Ganesh puja) । 2 ବର୍ଷର କୋରୋନା (Corona) କଟକଣା ପରେ ବିନା ବାଧାରେ ଭକ୍ତମାନଙ୍କୁ ଦର୍ଶନ ଦେବେ ଗଜାନନ ।
ସୂଚନା ଅନୁଯାୟୀ, ରାଜଧାନୀରେ ଏଥର ଗଣେଶ ପୂଜା (Ganesh puja)ରେ ପରଦା ଆଢୁଆଳରେ ନୁହେଁ, ବରଂ ସିଧାସଳଖ ଠାକୁରଙ୍କୁ ଦର୍ଶନ କରିପାରିବେ ଭକ୍ତ । ଏ ବର୍ଷ ରାଜଧାନୀରେ 50 ରୁ ଅଧିକ ମଣ୍ଡପରେ ପୂଜା ପାଇବେ ଗଣେଶ (Ganesh)।
କଟକଣା ହଟିଥିଲେ ବି ମାସ୍କ, ସାମାଜିକ ଦୂରତା ମାନିବାକୁ ଲୋକଙ୍କୁ ଅପିଲ କରିଛନ୍ତି ବିଏମସି କମିଶନର (BMC Commissioner) । ପୂର୍ବବର୍ଷ ଅପେକ୍ଷା ବର୍ତ୍ତମାନ ପରିସ୍ଥିତି ବଦଳିଥିବାରୁ ଗଣେଶ ପୂଜା (Ganesh puja)ରେ କୋଭିଡ କଟକଣା ରହିବ ନାହିଁ । କୋରୋନା (Corona)କଟକଣା ଉଠିଥିଲେ ମଧ୍ୟ ମାସ୍କ ଓ ସାନିଟାଇଜର ବ୍ୟବହାର କରିବାକୁ ଅନୁରୋଧ କରିଛନ୍ତି ବିଏମସି କମିଶନର (BMC Commissioner) ।
ପ୍ରକାଶ ଥାଉ ଯେ,ମୂର୍ତ୍ତି ବିସର୍ଜନ ପାଇଁ ରାଜଧାନୀରେ କୂଆଖାଇ ଓ ଦୟାନଦୀ କୂଳରେ 2 ଟି ଅସ୍ଥାୟୀ ପୋଖରୀ ନିର୍ମାଣ ହୋଇଛି । ସେଥିରେ ସମସ୍ତେ ମୂର୍ତ୍ତି ବିସର୍ଜନ ହିଁ କରିପାରିବେ ।