heat wave alert in odisha, image source - pixeles
ତାତିରେ ସିଝୁଛି ସାରା ଓଡ଼ିଶା ରାଜ୍ୟ । ଜାରି ରହିଛି ଅନେକ ଜିଲ୍ଲାରେ ଗ୍ରୀଷ ପ୍ରବାହ। ରାଜ୍ୟକୁ ପଶ୍ଚିମ-ଉତ୍ତର-ପଶ୍ଚିମ ଦିଗରୁ ପ୍ରବେଶ କରୁଥିବା ଗରମ ଶୁଷ୍କ ପବନ ପ୍ରଭାବ ଯୋଗୁଁ ଏଭଳି ସ୍ଥିତି ଲାଗି ରହିଛି । ଏହିପରି ଆହୁରି ୪ଦିନ ପର୍ଯ୍ୟନ୍ତ ହିଟ୍ଓ୍ବେଭ୍ ସ୍ଥିତି ରହିବ । କାରଣ ୪ ରୁ ୬ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ହେବ ବୋଲି କହିଛି ପାଣିପାଗ ବିଭାଗ ।
ପ୍ରବଳ ଗ୍ରୀଷ୍ମପ୍ରବାହ ପାଇଁ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର ମୋଟ ୧୭ଟି ଜିଲ୍ଲାକୁ ପାଣିପାଗ କେନ୍ଦ୍ର ଦ୍ୱାରା ୟେଲୋ ଆଲର୍ଟ ଜାରି କରାଯାଇଛି । ସେପଟେ ସିଭିୟର ହିଟ୍ଓ୍ବେଭ ପାଇଁ ମୋଟ ୨୩ଟି ଜିଲ୍ଲାକୁ ଅରେଞ୍ଜ ଆଲର୍ଟ ଜାରି ହୋଇଛି l ତେବେ ଅନ୍ୟ ୪ଟି ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି ବିଭାଗ ଦ୍ୱାରା ।
ସୂଚନା ଅନୁଯାୟୀ, ୩୦ ତାରିଖ ରାଜ୍ୟରେ କାଳବୈଶାଖୀ ବର୍ଷାର ପ୍ରଭାବ ଦେଖାଦେଇପରେ ଯାହାଦ୍ୱାରା ଗରମ କମିପାରେ । ପାଣିପାଗ କେନ୍ଦ୍ର ଦ୍ୱାରା ସିଭିୟର ହିଟ୍ଓ୍ବେଭ୍ ପାଇଁ ଦିନ ୧୧ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ପିକ୍ ଆଓ୍ବାର ଘୋଷଣା ହୋଇଛି । ଏହି ସମୟରେ ଆବଶ୍ୟକ ନ ଥିଲେ ଘରୁ ନ ବାହାରିବା ପାଇଁ ପରାମର୍ଶ ପ୍ରଦାନ କରାଯାଇଛି ।
ଗତ କିଛି ଦିନ ହେବ କଲବଲ କରୁଛି ଗ୍ରୀଷ୍ମପ୍ରବାହ l ଆଜିଠୁ ରାଜ୍ୟରେ ତାପମାତ୍ରା ଅସମ୍ଭାଳ ହୋଇଛି । ସ୍ଥିତି ଯାହା ରହିଥିଲା, ତା'ଠାରୁ ଆହୁରି ଅଧିକ ବିଗିଡ଼ିଛି ତାତି ସ୍ଥିତି । ଟାଣ ଖରା କଲବଲ କରିବା ସହିତ ଝାଞ୍ଜିମାଡ଼ରେ ଶରୀର ଯେପରି ଝାଇଁ ହୋଇଯାଉଛି । ଏପରି ସ୍ଥିତି ଆଗାମୀ ୫ ଦିନ ପର୍ଯ୍ୟନ୍ତ ରହିବ ବୋଲି ପାଣିପାଗ ବିଭାଗ କହିସାରିଛି । ସେଥିପାଇଁ ରାଜ୍ୟରେ ଅନେକ ଜିଲ୍ଲାକୁ ରେଡ୍ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।
ଅଧିକ ପଢ଼ନ୍ତୁ
Odisha Scheme: ଏହି ଯୋଜନାରେ ମିଳୁଛି 50 ଲକ୍ଷର ସବସିଡ଼ି! କରନ୍ତୁ ଆବେଦନ
Share your comments