ହିମାଂଶୁ ପାଠକ ହେଲେ ଭାରତୀୟ କୃଷି ଆନୁସନ୍ଧାନ ପରିଷଦର ମହାନିର୍ଦ୍ଦେଶକ

Himanshu Pathak appointed Director General of Indian Council of Agriculture Research

ଭାରତୀୟ କୃଷି ଆନୁସନ୍ଧାନ ପରିଷଦ Indian Council of Agriculture Research(ICAR)ର ମହାନିର୍ଦ୍ଦେଶକ(DG) ନିଯୁକ୍ତ ହୋଇଛନ୍ତି ବରିଷ୍ଠ ବୈଜ୍ଞାନିକ ହିମାଂଶୁ ପାଠକ(Himanshu Pathak) । ଏହାସହିତ ହିମାଂଶୁ ପାଠକଙ୍କୁ କୃଷି ଅନୁସନ୍ଧାନ ଓ ଶିକ୍ଷା ବିଭାଗ(DARE)ର ସଚିବ ଭାବରେ ମଧ୍ୟ ନିଯ଼ୁକ୍ତି ମିଳିଛି । ଏନେଇ କେନ୍ଦ୍ର ସରକାରଙ୍କ କାର୍ମିକ ମନ୍ତ୍ରଣାଳୟ ପକ୍ଷରୁ ଦିଆଯାଇଛି ସୂଚନା ।

Himanshu Pathak appointed Director General of Indian Council of Agriculture Research

ବରିଷ୍ଠ ବୈଜ୍ଞାନିକ ହିମାଂଶୁ ପାଠକ ଏବେ ମହାରାଷ୍ଟ୍ରର ବାରାମତିରେ ଆଇସିଏଆର-ରାଷ୍ଟ୍ରୀୟ ଅଜୈବିକ ଷ୍ଟ୍ରେସ ପରିଚାଳନା ସଂସ୍ଥାନର ନିର୍ଦ୍ଦେଶକ ରୂପେ କାର୍ଯ୍ୟରତ ରହିଛନ୍ତି । ନିଯୁକ୍ତି କମିଟି ହିମାଂଶଙ୍କୁ ନିଯୁକ୍ତିକୁ ମଞ୍ଜୁରୀ ଦେଇଥିବା କାର୍ମିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି । ତାଙ୍କ ନିଯୁକ୍ତି ପଦଭାର ଗ୍ରହଣ ଦିନଠାରୁ 60 ବର୍ଷ ବୟସ ପର୍ଯ୍ୟନ୍ତ ରହିବ ।

ଭାରତୀୟ କୃଷି ଅନୁସନ୍ଧାନ ପରିଷଦ(ଆଇସିଏଆର), କୃଷି ଅନୁସନ୍ଧାନ ଓ ଶିକ୍ଷା ବିଭାଗ(ଡିଏଆରଆଇ) ହେଉଛଇ କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟ ଅନ୍ତର୍ଗତ ସ୍ବୟଂଚାଳିତ ସଂଗଠନ । ଏହା ସମଗ୍ର ଦେଶରେ ଉଦ୍ୟାନକୃଷି, ମତ୍ସ୍ୟପାଳନ ଓ ପଶୁ ବିଜ୍ଞାନ ସହିତ କୃଷରେ ଅନୁସନ୍ଧାନ ଓ ଶିକ୍ଷାର ସମନ୍ବୟ, ମାର୍ଗ ଦର୍ଶନ ଓ ପ୍ରବନ୍ଧନର ସର୍ବୋଚ୍ଚ ସଂସ୍ଥା ।

ଜଳବାୟୁ ପରିବର୍ତ୍ତନ, ମୁଦ୍ରା ବିଜ୍ଞାନ ଅନୁସନ୍ଧାନରେ ବିଶେଷ ରୁଚି ରଖନ୍ତି ଡ. ହିମାଂଶୁ ପାଠକ । ମହାରାଷ୍ଟ୍ରର ବାରାମତିରେ ଆଇସିଏଆର-ରାଷ୍ଟ୍ରୀୟ ଅଜୈବିକ ଷ୍ଟ୍ରେସ ପରିଚାଳନା ସଂସ୍ଥାନର ନିର୍ଦ୍ଦେଶକ ଥିବା ପାଠକ ଏହା ପୂର୍ବରୁ ଭାକୃଅନୁପ-ଏନଆରଆରଆଇ, କଟକର ନିର୍ଦ୍ଦେଶକ ଥିଲେ ।

2001ରୁ 06 ଯାଏଁ ଭାରତୀୟ କୃଷି ଅନୁସନ୍ଧାନ ପ୍ରତିଷ୍ଠାନ, ନୂଆଦିଲ୍ଲୀରେ ପାଠକ ବୈଜ୍ଞାନିକ ଭାବରେ କାର୍ଯ୍ୟ କରିଥିଲେ । ଭାରତୀୟ-ଗାଙ୍ଗେତ୍ୟ ଜମି ପାଇଁ ଧାନ-ଗହମ କନସୋର୍ଟିୟମ୍ (RWC),2006ରୁ 09 ଆନ୍ତର୍ଜାତୀୟ ଧାନ ଅନୁସନ୍ଧାନ ପ୍ରତିଷ୍ଠାନ (IRRI)ନୂଆଦିଲ୍ଲୀ, 2009ରୁ 2016 ଯାଏଁ ଭାରତୀୟ କୃଷି ଗବେଷଣା ପ୍ରତିଷ୍ଠାନର ମୁଖ୍ୟ ବୈଜ୍ଞାନିକ, 2013ରୁ 2016 ଯାଏଁ ପରିବେଶ ବିଜ୍ଞାନ ଅନୁଶାସନ, ନୂଆଦିଲ୍ଲୀରେ ପ୍ରଫେସର ଭାବରେ ଦାୟିତ୍ବ ତୁଲାଇସାରିଛନ୍ତି ।

ICAR ରିପୋର୍ଟ: ଚାଷୀଙ୍କ ଆୟରେ 125-272% ବୃଦ୍ଧି

ଆଇ.ସି.ଏ.ଆର-ସିଫା(ICAR-CIFA)ରେ ମହିଳା କୃଷିଜୀବି ଦିବସ ପାଳିତ