ଆସନ୍ତାକାଲି ଭାରତରେ ଆୟୋଜିତ ହେବ ITPGRFA ପରିଚାଳନା ପରିଷଦର ନବମ ଅଧିବେଶନ

India to host 9th Session of Governing Body of the ITPGRFA from 19-24th September

ସେପ୍ଟେମ୍ବର 19ରୁ 24 ପର୍ଯ୍ୟନ୍ତ ନୂଆଦିଲ୍ଲୀରେ 'ଖାଦ୍ୟ ଏବଂ କୃଷି ପାଇଁ ଉଦ୍ଭିଦ ଜେନେଟିକ୍ ସମ୍ବଳ ଉପରେ ଆନ୍ତର୍ଜାତୀୟ ଚୁକ୍ତି' (ITPGRFA)ର ପରିଚାଳନା ପରିଷଦର ନବମ ଅଧିବେଶନ ଆୟୋଜନ କରିବ ଭାରତ । ଏନେଇ କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ପକ୍ଷରୁ ପୂର୍ବପ୍ରସ୍ତୁତି ସରିଛି ।

ଗଣମାଧ୍ୟମକୁ ସୂଚନା ଦେଇ କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ ସଚିବ କହିଛନ୍ତି ଯେ ଚାଷୀଙ୍କ ଅଧିକାରର ସୁରକ୍ଷା ପାଇଁ ଖାଦ୍ୟ ଏବଂ କୃଷିରେ ଜୈବ ବିବିଧତା ରକ୍ଷା କରିବାର ଆବଶ୍ୟକତା ଥିବା କହିଛନ୍ତି । ବିଶ୍ବର ଅନେକ ଦେଶର ବିଶିଷ୍ଟ ବୈଜ୍ଞାନିକ ଏଥିରେ ଅଂଶଗ୍ରହଣ କରିବେ।

ଅଧିବେଶନରେ ବିଚାର ବିମର୍ଶ ଜଳବାୟୁ ପ୍ରତିରୋଧକ କିସମର ବିକାଶରେ ସହଜ ହେବ ଏବଂ ଫସଲ ଉତ୍ପାଦନରେ ବୃଦ୍ଧି ପାଇଁ ଉଦ୍ଭିଦଗୁଡିକର ଜେନେଟିକ ସମ୍ବଳ ଉପରେ ବୈଜ୍ଞାନିକ ସୂଚନା ଆଦାନ ପ୍ରଦାନ ସହିତ ଏକ କାର୍ଯ୍ୟ ଯୋଜନା ମଧ୍ୟ ପ୍ରସ୍ତୁତ କରାଯିବ।

ଭାରତୀୟ କୃଷି ଅନୁସନ୍ଧାନ ପରିଷଦ(ICAR) ମହାନିର୍ଦ୍ଦେଶକ ଡକ୍ଟର ହିମାଂଶି ପଠକ କହିଛନ୍ତି ଯେ ବିଭିନ୍ନ ଦେଶରେ ଉପଲବ୍ଧ ଉଦ୍ଭିଦ ଜେନେଟିକ୍ ସମ୍ବଳ ନୂତନ କିସମର ବିକାଶ ପାଇଁ ମୂଳ ପଦାର୍ଥ ଭାବରେ କାର୍ଯ୍ୟ କରିବ ଏବଂ ଫସଲର ଉନ୍ନତ ଗୁଣବତ୍ତା ଏବଂ ଉଚ୍ଚ ଉତ୍ପାଦନ ନିଶ୍ଚିତ କରିବ।

ITPGRFA ହେଉଛି ଜାତିସଂଘର ଖାଦ୍ୟ ଏବଂ କୃଷି ସଂଗଠନର 31 ତମ ଅଧିବେଶନ ସମୟରେ ଆପଣାଯାଇଥିବା ଏକ ଆଇନଗତ ବାଧ୍ୟତାମୂଳକ ବ୍ୟାପକ ଚୁକ୍ତିନାମା । ଏହା 29 ଜୁନ୍ 2004 ରେ ଲାଗୁ ହୋଇଥିଲା ଏବଂ ବର୍ତ୍ତମାନ ଭାରତ ସମେତ 149 ଏହାର ପ୍ରତିନିଧି ଦଳ ରହିଛି ।

ଏଗ୍ରିଟେକ କ୍ଷେତ୍ରରେ ଭାରତର ବଡ ସଫଳତା, ବିପୁଳ ପୁଞ୍ଜି ବିନିଯୋଗ ପାଇଁ ଉତ୍ସାହିତ ନିବେଶକ

National Technical Textiles Mission:60 କୋଟି ଟଙ୍କା ପ୍ରକଳ୍ପର ମଞ୍ଜୁରୀ