G20 ଶିଖର ସମ୍ମିଳନୀର ଅଧ୍ୟକ୍ଷତା କରିବ ଭାରତ, ସମଗ୍ର ଦେଶରେ ହେବ 200 ବୈଠକ

India to host G20 summit on 9 & 10th September

ଭାରତ ଆସନ୍ତା ବର୍ଷ 8 ରୁ 10 ସେପ୍ଟେମ୍ବର ପର୍ଯ୍ୟନ୍ତ ରାଜଧାନୀ ଦିଲ୍ଲୀରେ ଜି-20 ସମ୍ମିଳନୀ ଆୟୋଜନ କରିବ। 1 ଡିସେମ୍ବର 2022ରୁ 30 ନଭେମ୍ବର 2023 ପର୍ଯ୍ୟନ୍ତ, G20(G20 summit) ଅଧ୍ୟକ୍ଷତା ଭାରତ ନେତୃତ୍ବରେ ହେବ । ଏହି ଅଧ୍ୟକ୍ଷତା ସମୟରେ ଭାରତ 200ରୁ ଅଧିକ ଜି -20 ବୈଠକ ଆୟୋଜନ କରିବ ବୋଲି ଜଣାପଡିଛି । ଭାରତ ବୈଦେଶିକ ବ୍ୟାପାର ମନ୍ତ୍ରଣାଳୟ ଏ ବାବଦରେ ଏକ ବିବୃତ୍ତି ଜାରି କରିଛି।

ଜି -20 କିମ୍ବା ଗ୍ରୁପ୍ ଅଫ୍ ଟ୍ୱେଣ୍ଟି ହେଉଛି ବିଶ୍ବର ପ୍ରମୁଖ ବିକଶିତ ତଥା ବିକାଶଶୀଳ ଅର୍ଥନୀତିର ଏକ ଆନ୍ତଃ ସରକାରୀ ଫୋରମ୍ । ଏଥିରେ 19 ଟି ଦେଶ (ଆର୍ଜେଣ୍ଟିନା, ଅଷ୍ଟ୍ରେଲିଆ, ବ୍ରାଜିଲ, କାନାଡା, ଚୀନ୍, ଫ୍ରାନ୍ସ, ଜର୍ମାନୀ, ଭାରତ, ଇଣ୍ଡୋନେସିଆ, ଇଟାଲୀ, ଜାପାନ, ରିପବ୍ଲିକ୍ ଅଫ୍ କୋରିଆ, ମେକ୍ସିକୋ, ଋଷ, ସାଉଦିଆରବ, ଦକ୍ଷିଣ ଆଫ୍ରିକା, ତୁର୍କୀ, ବ୍ରିଟେନ, ଆମେରିକା) ସମେତ ୟୁରୋପୀୟ ସଂଘ ଅନ୍ତର୍ଭୁକ୍ତ ।

ସାମୂହିକ ଭାବରେ, ଜି -20 ବିଶ୍ବର ଜିଡିପିର 85%, ଆନ୍ତର୍ଜାତୀୟ ବାଣିଜ୍ୟର 75% ଏବଂ ବିଶ୍ବ ଜନସଂଖ୍ୟାର ଦୁଇ-ତୃତୀୟାଂଶ ଅଟେ। ଏହାକୁ ଆନ୍ତର୍ଜାତୀୟ ଅର୍ଥନୈତିକ ସହଯୋଗ ପାଇଁ ଏକ ପ୍ରମୁଖ ପ୍ଲାଟଫର୍ମ ଭାବରେ ପରିଣତ କରେ । ଭାରତ ବର୍ତ୍ତମାନ G20 ଟ୍ରାଇକୋ, ଯେଉଁଥିରେ ବର୍ତ୍ତମାନର, ଅତୀତ ଏବଂ ଆଗାମୀ G20ର ଏକ ଅଂଶ । ଏଥିରେ ଇଣ୍ଡୋନେସିଆ, ଇଟାଲୀ ଏବଂ ଭାରତ ଅନ୍ତର୍ଭୁକ୍ତ ।

G20 ସଦସ୍ୟଙ୍କ ବ୍ୟତୀତ, G20 ପ୍ରେସିଡେନ୍ସିର କିଛି ଅତିଥି ଦେଶ ତଥା ଆନ୍ତର୍ଜାତୀୟ ସଂଗଠନ (IO)କୁ G20 ବୈଠକ ଏବଂ ସମ୍ମିଳନୀକୁ ନିମନ୍ତ୍ରଣ କରିବାର ପରମ୍ପରା ରହିଛି । ନିୟମିତ ଆନ୍ତର୍ଜାତୀୟ ସଂଗଠନ (ଜାତିସଂଘ, ଆଇଏମ୍ଏଫ୍, ବିଶ୍ୱ ବ୍ୟାଙ୍କ, WHO, WTO, ILO, FSB ଏବଂ OECD) ଏବଂ ଆଞ୍ଚଳିକ ସଂଗଠନ (AU, AUDA-NEPAD ଏବଂ ASEAN)ର ମୁଖ୍ୟଙ୍କ ବ୍ୟତୀତ ଭାରତରେ ବାଂଲାଦେଶ, ଇଜିପ୍ଟ, ମୋରିସସ୍, ନେଦରଲ୍ୟାଣ୍ଡ, ନାଇଜେରିଆ, ଓମାନ, ସିଙ୍ଗାପୁର, ସ୍ପେନ୍ ଏବଂ ସଂଯୁକ୍ତ ଆରବ ଏମିରେଟ୍ସକୁ ନିମନ୍ତ୍ରଣ କରାଯିବ ।

Dairy Sector: ବିଶ୍ବରେ ଅଗ୍ରଣୀ ଭାରତ, ବାର୍ଷିକ 9.5 ଲକ୍ଷ କୋଟି ଟଙ୍କା ମୂଲ୍ୟର ହେଉଛି ଦୁଗ୍ଧ ଉତ୍ପାଦନ

ବିଦେଶରେ ବଢୁଛି ଭାରତୀୟ ଡ୍ରାଏ ଫ୍ରୁଟ୍ସ ଚାହିଦା, ରପ୍ତାନି ହେଉଛି ଲଦାଖ Apricots