ଆଜି ହେଉଛି ଅନ୍ତର୍ଜାତୀୟ ମହିଳା ଦିବସ । ଯାହାକୁ ପ୍ରତିବର୍ଷ ମାର୍ଚ୍ଚ ମାସ ୮ ତାରିଖରେ ଅନ୍ତର୍ଜାତୀୟ ମହିଳା ଦିବସ ଭାବେ ପାଳନ କରାଯାଉଛି । ମହିଳା ଆଜି ଶ୍ରେଷ୍ଠ ସ୍ଥାନ ଅଧିକାର କରିଛି କହିବା ଅତ୍ୟୁକ୍ତ ହେବ ନାହିଁ l
ମହିଳାଙ୍କ ସାମାଜିକ, ଆର୍ଥିକ, ସାଂସ୍କୃତିକ ଓ ରାଜନୈତିକ ଏବଂ ଅନ୍ୟାନ୍ୟ କ୍ଷେତ୍ରରେ ସଫଳତା ପାରଦର୍ଶିତାକୁ ପାଳନ କରିବା ଏହି ଦିନର ଉଦ୍ଦେଶ୍ୟ ରହିଛି । ଏହାସହ ମହିଳାଙ୍କ ପାଇଁ ଅଧିକାର ଓ ସୁଯୋଗର ସମାନତା ନେଇ ଅଧିକରୁ ଅଧିକରୁ ସଚେତନତା ସୃଷ୍ଟି କରିବା ପାଇଁ ଏହା ପାଳନ କରାଯାଉଛି l ମହିଳାମାନେ ଆଜିର ଯୁଗରେ ସମସ୍ତ କ୍ଷେତ୍ରରେ ଆଗକୁ ବଢ଼ିଲେଣି । ଅନେକ କ୍ଷେତ୍ରରେ ସେମାନେ ପୁରଷଙ୍କୁ ମଧ୍ୟ ପଛରେ ପକାଉଥିବାର ଦେଖିବାକୁ ମିଳିଛି l
ଚାଷ କାମ ଠାରୁ ଆରମ୍ଭ କରି ମହାକାଶ ଯାତ୍ରା ପର୍ଯ୍ୟନ୍ତ ଏବଂ ସେ କ୍ରୀଡ଼ା, ବିଜ୍ଞାନ ସବୁ କ୍ଷେତ୍ରରେ ନିଜର ଦକ୍ଷତା ପ୍ରତିପାଦନ କରିଛି । ତେବେ ସେମାନେ କିପରି ଆହୁରି ଆଗକୁ ଆଗକୁ ବଢ଼ିପାରିବେ ସେ ନେଇ ସରକାର ଚେଷ୍ଟା କରୁଛନ୍ତି l ବିଭିନ୍ନ କ୍ଷେତ୍ରରେ ମହିଳାଙ୍କ ପାଇଁ ସୁଯୋଗ ପ୍ରଦାନ କରାଯାଉଛି l ଅନ୍ତର୍ଜାତୀୟ ମହିଳା ଦିବସରେ ଚଳିତ ବର୍ଷ ଥିମ୍ ରହିଛି "Inspire Inclusion" । ସାରା ବିଶ୍ୱରେ ଏହି ଦିବସକୁ ଆଜି ପାଳନ କରାଯାଉଛି । ତେବେ ମହିଳାଙ୍କ ସଫଳତାକୁ ସମ୍ମାନ ଦେବା ପାଇଁ ଦିନଟିଏ ଆଜି l
ତେବେ ସବୁଠାରୁ ଖୁସିର ବିଷୟ ଆଜି ମାର୍ଚ୍ଚ ୮ ଆନ୍ତର୍ଜାତୀୟ ମହିଳା ଦିବସକୁ ଗୁଗୁଲ୍ ମଧ୍ୟ ଏକ ରଚନାତ୍ମକ ଡୁଡଲ୍ ସହିତ ପାଳନ କରିଥିବାର ଦେଖିବାକୁ ମିଳିଛି । ଚଳିତ ବର୍ଷ, ଚିତ୍ରଶିଳ୍ପୀ ସୋଫି ଡିଆଓଙ୍କ ଦ୍ଵାରା ନିର୍ମିତ ହୋଇଥିବା ଏହି ଡୁଡଲ୍, ବିଭିନ୍ନ ପିଢିର ମହିଳାଙ୍କ କାହାଣୀ ଏବଂ ଅନୁଭୂତି ବଖାଣୁଥିବା ହୃଦୟସ୍ପର୍ଶୀ ଦୃଶ୍ୟ ଉପସ୍ଥାପନ କରିଛି । ଯାହା ଏକ ସୁନ୍ଦର ଏମ୍ବ୍ରୋଡେଡ୍ କମ୍ବଳରେ ଚିତ୍ରିତ ହୋଇଥିବା ଦେଖିବାକୁ ମିଳିଛି । କମ୍ବଳ ଉପରେ ଥିବା ପ୍ରତ୍ୟେକଟି ସିଲେଇ ଏବଂ ଢାଞ୍ଚା ଯେମିତି ଲିଙ୍ଗଗତ ସମାନତା ଏବଂ ମହିଳା ଅଧିକାର ଦିଗରେ ବର୍ଷ ବର୍ଷ ଧରି କରାଯାଇଥିବା ପ୍ରଗତିକୁ ଦର୍ଶାଉଛି ।
୧୯୭୫ ମସିହାରେ ମିଳିତ ଜାତିସଂଘ ଦ୍ଵାରା ଆନୁଷ୍ଠାନିକ ଭାବରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା l ମହିଳାଙ୍କ ଅଧିକାର ଏବଂ ଲିଙ୍ଗଗତ ସମାନତା ବିଷୟରେ ଅବଗତ କରିବାକୁ ପାଳନ ହୋଇଥାଏ ଏହି ଦିନ l ତେବେ ଏ ସମସ୍ତ ମଧ୍ୟରେ କୃଷି ଜାଗରଣ ସଂସ୍ଥା ମଧ୍ୟ ଆଜି ଏହି ଦିନଟିକୁ ଖୁବ ଜୋର ସୋରରେ ପାଳନ କରିଥିଲା l ସଂସ୍ଥାର ନିର୍ଦ୍ଦେଶକ କାର୍ଯ୍ୟରତ ସମସ୍ତ ମହିଳା କର୍ମଚାରୀଙ୍କୁ ଉପହାର ପ୍ରଦାନ କରି ଶୁଭେଚ୍ଛା ଜଣାଇଥିଲେ ଏହି ଦିନର l ଅନ୍ୟାନ୍ୟ ସମସ୍ତ କର୍ମଚାରୀ ମଧ୍ୟ ଏହି ଦିନଟିକୁ ଖୁବ ଆନନ୍ଦରେ ପାଳନ କରିଥିଲେ l ତେବେ କୃଷି ଜାଗରଣ ପରିବାର ତରଫରୁ ଆପଣ ସମସ୍ତଙ୍କୁ ମଧ୍ୟ ଆନ୍ତର୍ଜାତୀୟ ମହିଳା ଦିବସର ଅନେକ ଅନେକ ଶୁଭକାମନା l