Kharif rice production: ଏଥର 6% କମିବ ଖରିଫ ଧାନ ଉତ୍ପାଦନ

Kharif rice production to drop by 6%: Agriculture Ministry

2022-23 ପାଇଁ ପ୍ରମୁଖ ଖରିଫ ଫସଲର ଉତ୍ପାଦନ(Kharif Producion)ର ପ୍ରଥମ ଆଗୁଆ ଆକଳନ ରିପୋର୍ଟ ପ୍ରକାଶ କରିଛି କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ( Agriculture Ministry) । ଅସ୍ବାଭାବିକ ମୌସୁମୀ(Monsoon) ହେତୁ ଚଳିତ ଋତୁରେ ଖରିଫ ଧାନ(Kharif rice) ଉତ୍ପାଦନ 6 ପ୍ରତିଶତ ହ୍ରାସ ଘଟିବା ନେଇ ଆକଳନ କରାଯାଇଛି । ଚଳିତ ବର୍ଷ ଖରିଫ ଋତୁରେ 104.99 ମିଲିୟନ ଟନ ଧାନ ଉତ୍ପାଦନ ହୋଇଛି । ଗତ ବର୍ଷ ଏହା 111.76 ମିଲିୟନ ଟନ ରହିଥିଲା ।

ଖରିଫ ଧାନ ଉତ୍ପାଦନ ଆକଳନ ଚଳିତ ଋତୁ ପାଇଁ 112 mt ରହିଥିଲା । ହେଲେ ଏଥର କମ ଧାନ ଉତ୍ପାଦନ ହୋଇଛି । ଜାତୀୟ ଖାଦ୍ୟ ସୁରକ୍ଷା ଆଇନ 2013 ଅନୁଯାୟୀ ବଣ୍ଟନ ପାଇଁ ଚାଉଳର ଆବଶ୍ୟକତାକୁ ଦୃଷ୍ଟିରେ ରଖି ଖରିଫ ଉତ୍ପାଦନରେ ହ୍ରାସକୁ ଗୁରୁତ୍ୱପୂର୍ଣ୍ଣ ରୂପେ ଧରାଯାଇପାରେ ।

ଏକ ବିବୃତ୍ତିରେ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ 2022-23 ମଧ୍ୟରେ ଖରିଫ ଧାନର ମୋଟ ଉତ୍ପାଦନ ହେଉଛି 104.99 ମିଲିୟନ ଟନ୍। ପୂର୍ବ ପାଞ୍ଚ ବର୍ଷ ତୁଳନାରେ ଏହା 4.40 ମିଲିୟନ ଟନ୍ ଅଧିକ (2016-17 ରୁ 2020-21) ହାରାହାରି ଖରିଫ ଚାଉଳ ଉତ୍ପାଦନ 100.59 ନିୟୁତ ଟନ୍ ଅଟେ।

ବିବୃତ୍ତିରେ ଏହା ମଧ୍ୟ କୁହାଯାଇଛି ଯେ ଖରିଫ ଋତୁରେ ମୋଟ ଖାଦ୍ୟଶସ୍ୟ ଉତ୍ପାଦନ 149.92 mt ହେବ ବୋଲି ଆକଳନ କରାଯାଇଛି । ଏହା ଖରିଫ 2022-23 ପାଇଁ 163.15 mt ଲକ୍ଷ୍ୟ ଏବଂ ଗତ ଖରିଫ ଋତୁ ସମୟରେ 156.04 mt ଉତ୍ପାଦନଠାରୁ ବହୁତ କମ୍ ଅଟେ। 2021ରେ ମୋଟ ଖରିଫ ଖାଦ୍ୟଶସ୍ୟ ଉତ୍ପାଦନ 150.58 mt ରହିଥିଲା ।

2022-23 ମଧ୍ୟରେ ଦେଶରେ ମକା ଉତ୍ପାଦନ ରେକର୍ଡ 23.10 ମିଲିୟନ ଟନ ଅଟେ ଯାହା ହାରାହାରି ମକା ଉତ୍ପାଦନ 19.89 ମିଲିୟନ ଟନ୍ ତୁଳନାରେ 3.21 ନିୟୁତ ଟନ୍ ଅଧିକ ଅଟେ ।

ସେହିପରି 2022-23 ମଧ୍ୟରେ ଦେଶରେ ମୋଟ ଖରିଫ ତୈଳବୀଜ ଉତ୍ପାଦନ 23.57 ନିୟୁତ ଟନ୍ ବୋଲି ଆକଳନ କରାଯାଇଛି । ଏହା ହାରାହାରି ତୈଳବୀଜ ଉତ୍ପାଦନ ତୁଳନାରେ 1.74 ନିୟୁତ ଟନ୍ ଅଧିକ ଅଟେ ବୋଲି ରିପୋର୍ଟରେ କୁହାଯାଇଛି ।

ଖରିଫ ଫସଲ ବିକ୍ରି ପଞ୍ଜିକରଣ: ଗଞ୍ଜାମରେ ଖସିଛି, କୋରାପୁଟରେ ବଢିଛି

ଖରିଫ ଚାଷୀ ସାବଧାନ ! 31 ଜୁଲାଇସୁଦ୍ଧା କରନ୍ତୁ ଫସଲ ବୀମା