lpg cylinder price hike costly beating on customers new gas connection rates rise from today
ମହଙ୍ଗା ମାଡ ସହ ଯୁଝୁଥିବା ଖାଉଟିଙ୍କ ପାଇଁ ଖରାପ ଖବର । ଗୋଟେପଟେ ଘରୋଇ ରନ୍ଧନ ଗ୍ୟାସ ସିଲିଣ୍ଡର ଦର ଅହେତୁକ ଭାବେ ବଢିଥିବାବେଳେ ଏବେ ନୂଆ ଗ୍ୟାସ ଆଣିଲେ ପୂର୍ବ ଅପେକ୍ଷା ଦେବାକୁ ପଡିବ ଅଧିକ ଟଙ୍କା । ଫଳରେ ଏକ ନୂତନ ଘରୋଇ ଏଲପିଜି ସିଲିଣ୍ଡର (lpg cylinder) କନେକ୍ସନ୍ ନେବାକୁ ଗ୍ରାହକଙ୍କ ପାଇଁ ମହଙ୍ଗା ହୋଇଯିବ ।
ସୂଚନା ଅନୁଯାୟୀ,ଖାଲି ଏତିକି ନୁହେଁ ଡବଲ ସିଲିଣ୍ଡର, ରେଗୁଲେଟର ଏବଂ ପାଞ୍ଚ କେଜି ସିଲିଣ୍ଡର ପାଇଁ ମଧ୍ୟ ଗ୍ରାହକଙ୍କୁ ଅଧିକ ଟଙ୍କା ଦେବାକୁ ପଡିବ । ଆଜିଠୁ ଏହି ବର୍ଦ୍ଧିତ ଦର ଲାଗୁ ହେବ ।
ନୂଆ ଦର ଅନୁଯାୟୀ, ଗ୍ରାହକ ମାନଙ୍କୁ ୧୪ କେଜି ଘରୋଇ ସିଲିଣ୍ଡର (cylinder)ର ନୂଆ ସଂଯୋଗ ପାଇଁ ୨୨୦୦ ଟଙ୍କା ଦେବାକୁ ପଡିବ । ବର୍ତ୍ତମାନ ଯାଏଁ ଏଥିପାଇଁ ଗ୍ରାହକଙ୍କୁ ୧୪୫୦ ଟଙ୍କା ଦେବାକୁ ପଡୁଥିଲା । ଏହାସହ ଗ୍ରାହକଙ୍କୁ ଡବଲ ସିଲିଣ୍ଡର ପାଇଁ ୨୯୦୦ ଟଙ୍କା ବଦଳରେ ଏଣିକି ୪୪୦୦ ଟଙ୍କା ଦେବାକୁ ପଡିବ । ଏହାବାଦ୍ ରେଗୁଲେଟର ପାଇଁ ମଧ୍ୟ ଗ୍ରାହକଙ୍କୁ ଆଜି ଠାରୁ ୨୫୦ ଟଙ୍କା ଦେବାକୁ ପଡିବ ।
ରାଷ୍ଟ୍ରୀୟ ତୈଳ ବିତରକ କମ୍ପାନୀଗୁଡିକ ଗୁରୁବାର ଠାରୁ ଘରୋଇ ଗ୍ୟାସ ସଂଯୋଗ ଦରବୃଦ୍ଧି କରିବାକୁ ନିଷ୍ପତ୍ତି ନେଇଛନ୍ତି । ଘରୋଇ ଏଲପିଜି ସଂଯୋଗ ବ୍ୟବସ୍ଥା ଅଧିନରେ କମ୍ପାନୀଗୁଡିକ ୧୪.୨ କେଜିର ଏଲପିଜି ସିଲିଣ୍ଡରର ସିକ୍ୟୁରିଟି ଜମା ରାଶିରେ ୭୫୦ ଟଙ୍କା ବୃଦ୍ଧି କରାଯାଇଛି ।
ଏହା ଫଳରେ ଏକ ନୂତନ ରନ୍ଧନ ଗ୍ୟାସ୍ ସଂଯୋଗ ପାଇବା ପାଇଁ ପୂର୍ବରୁ ୧୪୫୦ ଟଙ୍କା ଦେବାକୁ ପଡୁଥିବାବେଳେ ଏବେ ଏଥିପାଇଁ୨,୨୦୦ ଟଙ୍କା ଦେବାକୁ ପଡିବ । ଏହାସହ ସିକ୍ୟୁରିଟି ଡିପୋଜିଟ ଭାବେ ୭୫୦ ଟଙ୍କା ଜମା କରିବାକୁ ପଡିବ । ରେଗୁଲେଟର ପାଇଁ ପୂର୍ବରୁ ୧୫୦ଟଙ୍କା ଦେବାକୁ ପଡୁଥିବାବେଳେ ଏବେ ଏଣିକି ଏଥିପାଇଁ ଗ୍ରାହକଙ୍କୁ ୨୫୦ ଟଙ୍କା ଦେବାକୁ ପଡିବ । ବର୍ଦ୍ଧିତ ଦର ଅନୁସାରେ ୧୪ କେଜିର ଗୋଟିଏ ସିଲିଣ୍ଡର ପାଇବାକୁ ପୂର୍ବରୁ ୧୪୫୦ ଟଙ୍କା ଦେବାକୁ ପଡୁଥିବାବେଳେ ଏବେ ୨୨୦୦ ଟଙ୍କା ଦେବାକୁ ପଡିବ ।
ଡବଲ ସିଲଇଣ୍ଡର ପାଇଁ ପୂର୍ବରୁ ୨୯୦୦ ଟଙ୍କା ଦେବାକୁ ପଡୁଥିବାବେଳେ ଆଜିଠାରୁ ୪୪୦୦ ଟଙ୍କା ଖର୍ଚ୍ଚ କରିବାକୁ ପଡିବ । ପାଞ୍ଚ କେଜି ସିଲିଣ୍ଡର ପାଇଁ ପୁର୍ବରୁ ୮୦୦ ଟଙ୍କା ସିକ୍ୟୁରିଟି ଭରିବାକୁ ପଡୁଥିବାବେଳେ ଏବେ ଏଥିପାଇଁ ୧୧୫୦ ଟଙ୍କା ଦେବାକୁ ପଡିବ ।
ପ୍ରକାଶ ଥାଉ ଯେ, କେବଳ ଏତିକି ନୁହେଁ ପାସ୍ବୁକ୍ ପାଇଁ ୨୫ ଟଙ୍କା ଓ ଗ୍ୟାସ୍ ପାଇପ୍ ପାଇଁ ଅଲଗା ୧୫୦ ଟଙ୍କା ଦେବାକୁ ପଡିବ । ଗୋଟେପଟେ ଘରୋଇ ଏଲପିଜି ବାରମ୍ବାର ବଢି ଏବେ ୧୦୦୦ ଟଙ୍କାକୁ ଟପିଥିବାବେଳେ ନୂଆ ଗ୍ୟାସ କନେକ୍ସନରେ ବଢିଥିବା ଦର ଲୋକଙ୍କ ଚିନ୍ତା ବଢାଇଛି । ବିଶେଷ କରି ମଧ୍ୟବିତ୍ତ ଲୋକଙ୍କ ଉପରେ ଚଡକ ପଡିଛି ।
Share your comments