ବର୍ତ୍ତମାନ ଘରେ ବସି ମହିଳା ପାଇବେ ୧୫,୦୦୦ ଟଙ୍କା

Mahila samman bachat patra scheme women can get 15 thousand

ନିର୍ମଳା ସୀତାରମଣ ଘୋଷଣା କରି ଥିବା ଏହି ଯୋଜନାର ନାମ ହେଉଛି ମହିଳା ସମ୍ମାନ ବଚ୍ଚତ ପାତ୍ର । ମାର୍ଚ୍ଚ ୨୦୨୫ ପର୍ଯ୍ୟନ୍ତ ଦୁଇ ବର୍ଷ ପାଇଁ ଏହି ଯୋଜନା ଉପଲବ୍ଧ ହେବ ବୋଲି ଅର୍ଥମନ୍ତ୍ରୀ ନିଜ ବଜେଟ୍ ଅବିଭାଷଣରେ କହିଛନ୍ତି । ଅର୍ଥମନ୍ତ୍ରୀ ନିର୍ମଳା ସୀତାରମଣ (Nirmala Sitharaman) ବୁଧବାର ସଂସଦରେ ବଜେଟ୍ ୨୦୨୩ ଉପସ୍ଥାପନ କରିଛନ୍ତି । ଚଳିତ ବର୍ଷର ବଜେଟରେ ମହିଳାମାନଙ୍କୁ ଏକ ବଡ ଉପହାର ଦେବାକୁ ଯାଇ ସୀତାରମଣ ସେମାନଙ୍କ ପାଇଁ ଏକ ନୂଆ ସ୍ମଲ୍ ସେଭିଂ ସ୍କିମ୍ ଘୋଷଣା କରିଛନ୍ତି । ଏହି ସ୍କିମର ନାମ ହେଉଛି ମହିଳା ସମ୍ମାନ ବଚ୍ଚତ ପତ୍ର ।

ମାର୍ଚ୍ଚ ୨୦୨୫ ପର୍ଯ୍ୟନ୍ତ ଦୁଇ ବର୍ଷ ପାଇଁ ଏହି ସ୍କିମ୍ ଉପଲବ୍ଧ ହେବ ବୋଲି ଅର୍ଥମନ୍ତ୍ରୀ ବଜେଟ୍ ଭାଷଣରେ କହିଛନ୍ତି । ମହିଳା କିମ୍ବା ଝିଅମାନେ ଏଥିରେ ନିବେଶ କରିବାକୁ ସମର୍ଥ ହେବେ। ଏହି  ସ୍ମଲ୍ ସେଭିଂ ସ୍କିମରେ ମହିଳାମାନେ ୭.୫ ପ୍ରତିଶତ ଫିକ୍ସ ଇଣ୍ଟ୍ରେଷ୍ଟ ହାରରେ ସୁଧ ପାଇବେ । ବଜେଟ୍ ଭାଷଣ ଅନୁଯାୟୀ 'ମହିଳା ସମ୍ମାନ ବଚ୍ଚତ ପତ୍ର' ସ୍କିମରେ ସର୍ବାଧିକ ଜମା ରାଶି ୨ ଲକ୍ଷ ଟଙ୍କା ରଖାଯାଇଛି । ଏହା ବ୍ୟତୀତ ନିବେଶକମାନେ ଏହି ଯୋଜନାରେ ଆଂଶିକ ପ୍ରତ୍ୟାହାରର ସୁବିଧା ମଧ୍ୟ ପାଇବେ ।

ମହିଳା ସମ୍ମାନ ବଚ୍ଚତ ପତ୍ରରେ ସରକାର ୭.୫ ପ୍ରତିଶତ ସୁଧ ହାର ସ୍ଥିର କରିଛନ୍ତି । ଏହି ସ୍ମଲ୍ ସେଭିଂ ସ୍କିମ ରେ ଜଣେ ମହିଳା ସର୍ବାଧିକ ୨ ଲକ୍ଷ ଟଙ୍କା ନିବେଶ କରିପାରିବେ । ଏହି ଉପାୟରେ ସେ ୭.୫ ପ୍ରତିଶତ ହାରରେ ୧୫,୦୦୦ ଟଙ୍କା ଲାଭ ପାଇବେ । ସୀତାରମଣ ଏହା ମଧ୍ୟ କହିଛନ୍ତି ଯେ ମହିଳାମାନଙ୍କର ଆର୍ଥିକ ସଶକ୍ତିକରଣ ପାଇଁ ଦେନ୍ଦାୟଲ ଅନ୍ତୋଦୟ ଯୋଜନା ଜାତୀୟ ଗ୍ରାମୀଣ ଜୀବିକା ମିଶନ ଅଧୀନରେ ଗ୍ରାମାଞ୍ଚଳର ମହିଳାମାନଙ୍କ ସହ ୮୧ ଲକ୍ଷ ସ୍ୱୟଂ ସହାୟକ ଗୋଷ୍ଠୀ ଗଠନ କରାଯାଇଛି । ସେ କହିଛନ୍ତି ଯେ ବୃହତ ଉତ୍ପାଦନକାରୀ ଉଦ୍ୟୋଗ କିମ୍ବା ସାମୂହିକ ମାଧ୍ୟମରେ ଅର୍ଥନୈତିକ ସଶକ୍ତିକରଣର ପରବର୍ତ୍ତୀ ପର୍ଯ୍ୟାୟରେ ପହଞ୍ଚିବା ପାଇଁ ସେ ଏହି ଗୋଷ୍ଠୀମାନଙ୍କୁ ସାହାଯ୍ୟ କରିବେ ।

ସୀତାରମଣ ଘୋଷଣା କରିଛନ୍ତି ଯେ ସିନିୟର ସିଟିଜେନ ସେଭିଂ ସ୍କିମରେ ସର୍ବାଧିକ ନିବେଶ ପରିମାଣ ୧୫ ଲକ୍ଷରୁ ୩୦ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ଏଥି ସହିତ ଡାକଘରର ମାସିକ ଆୟ ଯୋଜନାରେ ନିବେଶ ସୀମା ମଧ୍ୟ ବୃଦ୍ଧି କରାଯାଇଛି । ବର୍ତ୍ତମାନ ଜଣେ ବ୍ୟକ୍ତି ୪.୫ ଲକ୍ଷ ଟଙ୍କା ବଦଳରେ ୯ ଲକ୍ଷ ଟଙ୍କା ନିବେଶ କରିପାରିବେ ।

ଏହା ବ୍ୟତୀତ ବଜେଟରେ ଘୋଷଣା କରାଯାଇଛି ଯେ ନୂତନ ଟିକସ ବ୍ୟବସ୍ଥାରେ ବ୍ୟକ୍ତିଗତ ଆୟକର ଛାଡ ସୀମା ବର୍ତ୍ତମାନର ପାଞ୍ଚ ଲକ୍ଷରୁ ସାତ ଲକ୍ଷ ଟଙ୍କାକୁ ବୃଦ୍ଧି କରାଯିବ । ଏହିପରି, ନୂତନ ଟିକସ ବ୍ୟବସ୍ଥାରେ ସାତ ଲକ୍ଷ ଟଙ୍କା ପର୍ଯ୍ୟନ୍ତ ଆୟ ଥିବା ଲୋକଙ୍କୁ କୌଣସି ଟିକସ ଦେବାକୁ ପଡିବ ନାହିଁ । ଏଥି ସହିତ, ନୂତନ ବ୍ୟକ୍ତିଗତ ଆୟକର ବ୍ୟବସ୍ଥାରେ ଟିକସ ସଂରଚନାରେ ସ୍ଲାବ ସଂଖ୍ୟା ଛଅରୁ ପାଞ୍ଚକୁ ହ୍ରାସ କରାଯାଇଛି । ଟିକସ ଛାଡ ସୀମାକୁ ତିନି ଲକ୍ଷ ଟଙ୍କାକୁ ବୃଦ୍ଧି କରାଯାଇଛି ।

ସେହିପରି ୨୦୨୩-୨୪ ଆର୍ଥିକ ବର୍ଷ ପାଇଁ କେନ୍ଦ୍ର ବଜେଟକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମିଶ୍ରିତ ପ୍ରତିକ୍ରିୟା ପ୍ରକାଶ କରିଛନ୍ତି। ବଜେଟରେ କିଛି କ୍ଷେତ୍ରରେ ପଦେକ୍ଷପ ବେଶ ପ୍ରଶଂସନୀୟ। ତେବେ କେତେକ ଦିଗ ପ୍ରତି ବଜେଟରେ ଅଣଦେଖା କରାଯିବା ଚିନ୍ତାଜନକ ବୋଲି ମୁଖ୍ୟମନ୍ତ୍ରୀ କହିଛନ୍ତି।ଏଥିପ୍ରତି ଧ୍ୟାନ ଦେବା ଜରୁରୀ ବୋଲି ଶ୍ରୀ ପଟ୍ଟନାୟକ କହିଛନ୍ତି।

ମୁଖ୍ୟମନ୍ତ୍ରୀ ନିଜ ବଜେଟ ପ୍ରତିକ୍ରିୟାରେ କହିଛନ୍ତି, ବଜେଟରେ ପୁଞ୍ଜି ନିବେଶକୁ ଅଗ୍ରାଧିକାର ମିଳିଛି। ପାନୀୟ ଜଳ ଓ ଗ୍ରାମ୍ୟ ଗୃହ ନିର୍ମାଣକୁ ଅଧିକ ଦୃଷ୍ଟି ଦିଆଯାଇଛି । ଏହା ବାସ୍ତବରେ ଦେଶର ଅଭିବୃଦ୍ଧିକୁ ଆଗକୁ ନେବା ସହ ଗ୍ରାମାଞ୍ଚଳର ସାମାଜିକ ବିକାଶରେ ସହାୟକ ହେବ। ବଜେଟରେ ଆର୍ଟିଫିସିଆଲ ଇଣ୍ଟେଲିଜେନସ୍, ଇଣ୍ଟରନେଟ୍ ସହ ଆଦିମ ଜନଜାତିଙ୍କ ବିକାଶ ପାଇଁ ନିଆ ଯାଇଥିବା ପଦକ୍ଷେପ ବେଶ ପ୍ରଶଂସନୀୟ ବୋଲି ଶ୍ରୀ ପଟ୍ଟନାୟକ କହିଛନ୍ତି। ସେହିପରି ମିଲେଟ ଉପରେ ପ୍ରଧାନମନ୍ତ୍ରୀ ଭରସା କରିଥିବାରୁ ମୁଖ୍ୟମନ୍ତ୍ରୀ ଖୁସି ବ୍ୟକ୍ତ କରିଛନ୍ତି। ଓଡ଼ିଶା ମିଲେଟ ମିଶନ ସମଗ୍ର ଦେଶରେ ଏକ ଅଭିନବ ପଦକ୍ଷେପ ଥିଲା ବୋଲି ସେ କହିଛନ୍ତି।

 

budjet2023: ‘ଶ୍ରୀଅନ୍ନ’ ମାଣ୍ଡିଆ ପାଇଁ ଭାରତ ହେବ ବୈଶ୍ବିକ ହବ୍‌