ଯଦି ଆପଣ ନୂଆବର୍ଷ( New year)ଆରମ୍ଭରେ ସୁନା (Gold) କିମ୍ବା ରୂପା (Silver) କିଣିବାକୁ ଯୋଜନା କରୁଛନ୍ତି, ତେବେ ଆଜି (ସୋମବାର) ଠାରୁ ଆପଣମାନଙ୍କୁ ଏକ ବଡ଼ ସୁଯୋଗ ମିଳିବ । ବାସ୍ତବରେ ମୋଦି ସରକାର ଆଜି ଠାରୁ ଶସ୍ତା ସୁନା ବିକ୍ରି କରିବାକୁ ଯାଉଛନ୍ତି ।
କହି ରଖୁଛୁ ଯେ, ଆପଣମାନେ ଏହି ସୁନାକୁ ଫିଜିକାଲ ରୂପରେ ପାଇବେ ନାହିଁ । ସୋଭରେନ୍ ଗୋଲ୍ଡ ବଣ୍ଡ ସ୍କିମ୍ (Sovereign Gold Bond Scheme)୨୦୨୧-୨୦୨୨ ଅଧୀନରେ ଆପଣମାନେ ଜାନୁଆରୀ ୧୦ ରୁ ୧୪ ପର୍ଯ୍ୟନ୍ତ ସୁନାରେ ନିବେଶ କରିବାର ସୁଯୋଗ ପାଇବେ ।
ସୂଚନା ଅନୁଯାୟୀ, ଗତ କିଛି ବର୍ଷ ହେବ କେନ୍ଦ୍ରର ମୋଦି ସରକାର (Modi Govt) ଫିଜିକାଲ ସୁନାର ଚାହିଦା ହ୍ରାସ କରିବା ପାଇଁ ଏକ ସ୍ୱତନ୍ତ୍ର ଯୋଜନା ଚଳାଇଛନ୍ତି । ଏହାର ନାଁ ହେଉଛି ଗୋଲ୍ଡ ବଣ୍ଡ ସ୍କିମ୍ (Sovereign Gold Bond Scheme) । ଏହି ଯୋଜନା ଅଧୀନରେ କେନ୍ଦ୍ରର ମୋଦି ସରକାର (Narendra Modi Government) ପୁଣି ଥରେ ସୁନା ବିକ୍ରି କରୁଛନ୍ତି । ଆପଣମାନଙ୍କୁ କହି ରଖୁଛୁ ଯେ, ସରକାର ବଣ୍ଡ ଆକାରରେ ସୁନା ବିକ୍ରି କରନ୍ତି । ଏହି ସୁନାର ମୂଲ୍ୟ ଭାରତୀୟ ରିଜର୍ଭ ବ୍ୟାଙ୍କ (RBI) ସ୍ଥିର କରିଥାଏ ।
ଭାରତୀୟ ରିଜର୍ଭ ବ୍ୟାଙ୍କ (RBI) ସମୟ ସମୟରେ ଏହି ସୁନାର ମୂଲ୍ୟ (Gold Rate) ଜାରି କରିଥାଏ, ଯାହା ବଜାରରେ ଥିବା ଫିଜିକାଲ ସୁନା ଅପେକ୍ଷା ଶସ୍ତା ଓ ନିରାପଦ ଅଟେ । ଏହି ଯୋଜନା ଅନ୍ତର୍ଗତ ସୁନାର ନୂତନ ମୂଲ୍ୟ ବିଷୟରେ ଚାଲନ୍ତୁ ଜାଣିବା...
ସରକାରୀ ଗୋଲ୍ଡ ବଣ୍ଡ ଯୋଜନା (Sovereign Gold Bond Scheme) ଅନ୍ତର୍ଗତ ଡିଜିଟାଲ ସୁନା ମୂଲ୍ୟ ରିଜର୍ଭ ବ୍ୟାଙ୍କ (RBI) ସ୍ଥିର କରିଥାଏ । ବଣ୍ଡର ନୂତନ ମୂଲ୍ୟ ଗ୍ରାମ ପିଛା ୪,୭୮୬ ଟଙ୍କା ଧାର୍ଯ୍ୟ କରାଯାଇଛି । ଅର୍ଥ ମନ୍ତ୍ରଣାଳୟର ବୟାନରେ କୁହାଯାଇଛି ଯେ, ଯେଉଁମାନେ ଭାରତୀୟ ରିଜର୍ଭ ବ୍ୟାଙ୍କ ସହିତ ପରାମର୍ଶ କରି ଅନଲାଇନ୍ କ୍ରୟ କରନ୍ତି ସେମାନଙ୍କୁ ପ୍ରତି ଗ୍ରାମ ପିଛା ୫୦ ଟଙ୍କା ରିହାତି ଦେବାକୁ ସରକାର ନିଷ୍ପତ୍ତି ନେଇଛନ୍ତି । ଏହିପରି ନିବେଶକମାନଙ୍କ ପାଇଁ ୪,୭୩୬ ଟଙ୍କା ମୂଲ୍ୟରେ ହିଁ ଗୋଟିଏ ଗ୍ରାମ ସୁନା ବଣ୍ଡ ଜାରି କରାଯିବ ।
ଏହି ବଣ୍ଡର ଅତିକମରେ ଗୋଟିଏ ଗ୍ରାମ କ୍ରୟ କରିବା ବାଧ୍ୟତାମୂଳକ ଅଟେ । ଜଣେ ବ୍ୟକ୍ତିଙ୍କ ପାଇଁ ସର୍ବାଧିକ କ୍ରୟ ସୀମା ହେଉଛି ୪ କିଲୋଗ୍ରାମ । ଏହି ବଣ୍ଡର ଅବଧି ୮ ବର୍ଷ ରହିବ ଏବଂ ପଞ୍ଚମ ବର୍ଷ, ଷଷ୍ଠ ବର୍ଷ ଏବଂ ସପ୍ତମ ବର୍ଷରେ ଏହାକୁ ବାହାର କରିବାର ବିକଳ୍ପ ମଧ୍ଯ ରହିବ । ଏହାର ବ୍ୟବହାର ସୁଧ ଦେବାର ତାରିଖରେ ହିଁ କରାଯାଇପାରିବ ।
ଏହାର ଅର୍ଥ ହେଉଛି ଯେ, ଆପଣମାନେ ଏହି ସମୟ ମଧ୍ୟରେ ସୁନା କିଣି ପାରିବେ । ଅତିକମରେ ଗୋଟିଏ ଗ୍ରାମ କିଣାଯାଇପାରିବ । ଏହାକୁ କିଣିବା ପାଇଁ ଆପଣମାନଙ୍କୁ ଆପଣମାନଙ୍କର ବ୍ୟାଙ୍କ, BSE,NSE ୱେବସାଇଟ୍ କିମ୍ବା ଡାକଘର ସହିତ ଯୋଗାଯୋଗ କରିବାକୁ ପଡିବ । ସେଠାରୁ ହିଁ ଏହାକୁ ଡିଜିଟାଲ୍ କ୍ରୟ କରାଯାଇପାରିବ । ଏହା ଏକ ପ୍ରକାର ସୁରକ୍ଷିତ ନିବେଶ କାରଣ ଶୁଦ୍ଧତା ପାଇଁ କୌଣସି ଚିନ୍ତା ରହିବ ନାହିଁ କି ସୁରକ୍ଷା ସମସ୍ୟା ମଧ୍ୟ ରହିବ ନାହିଁ ।
ପ୍ରକାଶ ଥାଉ ଯେ, ୨୦୧୫ ମସିହାରେ ଆରମ୍ଭ ହୋଇଥିବା ଏହି ଯୋଜନାରୁ ମାର୍ଚ୍ଚ ୨୦୨୧ ପର୍ଯ୍ୟନ୍ତ ସମୁଦାୟ ୨୫,୭୦୨ କୋଟି ଟଙ୍କା ସଂଗ୍ରହ କରାଯାଇଛି । ୨୦୨୦-୨୦୨୧ ମଧ୍ୟରେ ରିଜର୍ଭ ବ୍ୟାଙ୍କ (RBI) ସମୁଦାୟ ୧୬,୦୪୯ କୋଟି ଟଙ୍କା (୩୨.୩୫ ଟନ୍) ପାଇଁ ୧୨ ଟି ସିରିଜ୍ SGB ଜାରି କରିଥିଲା । ସୁନା ପାଇଁ ଶାରୀରିକ ଚାହିଦା ହ୍ରାସ କରିବା ଓ ଏହାର କ୍ରୟରେ ବ୍ୟବହୃତ ଘରୋଇ ସଞ୍ଚୟକୁ ଆର୍ଥିକ ସଞ୍ଚୟକୁ ସ୍ଥାନାନ୍ତର କରିବା ପାଇଁ ଏହି ଯୋଜନା ପ୍ରଣୟନ କରାଯାଇଥିଲା ।
Today Gold Price: ଭୁବନେଶ୍ବରରେ ଶସ୍ତା ହେଲା ସୁନା ଦର; ଜାଣନ୍ତୁ କେତେ...
PM Kisan: ଯଦି ଏଯାବତ ପାଇନାହାଁନ୍ତି ଦଶମ କିସ୍ତି ଟଙ୍କା, ତାହାଲେ ଏମିତି କରନ୍ତୁ ଯାଞ୍ଚ