Monsoon 2022 'above normal' but agriculture takes hit
ଶେଷ ହୋଇଛି ଚଳିତ ବର୍ଷର ମୌସୁମୀ ଋତୁ(Monsoon) । ହାରାହାରିଠାରୁ ଅଧିକ ବୃଷ୍ଟିପାତ(rain)ରେକର୍ଡ ହୋଇଛି । ଅବଶ୍ୟ ଜୁଲାଇ ଓ ଅଗଷ୍ଟ ଅବଧିରେ ସ୍ବାଭାବିକଠାରୁ କମ ବର୍ଷା ହୋଇଥିଲା । ଯାହାଫଳରେ ଗତ ବର୍ଷ ତୁଳନାରେ ଖରିଫ୍ ଫସଲ(kharif crops)ରେ 1% ହ୍ରାସ ଘଟିଛି ।
ମୌସୁମୀ ଋତୁରେ ସମୁଦାୟ ବର୍ଷା 6% ଅଧିକ ହେବା ସତ୍ତ୍ବେ ଖରିଫ ଫସଲରେ ହ୍ରାସ ଘଟିଛି । ମୁଖ୍ୟତ ଉତ୍ତରପ୍ରଦେଶ, ବିହାର ଏବଂ ଝାଡଖଣ୍ଡ ସମେତ 6ଟି ରାଜ୍ୟରେ ମରୁଡ଼ି ପରିସ୍ଥିତି କାରଣରୁ ଧାନ ବୁଣାଯାଇଥିବା ଅଞ୍ଚଳରେ ପ୍ରାୟ 5% ହ୍ରାସ ଘଟିଛି । ସେହିପରି ଡାଲି ଏବଂ ତୈଳବୀଜ ବୁଣିବାରେ ହ୍ରାସ ଘଟିଥିବାର ସୂଚନା ମିଳିଛି।
ମୋଟ ଉପରେ 2019 ଠାରୁ ଦେଶରେ ଏହା ଚତୁର୍ଥ କିମ୍ବା ସ୍ବାଭାବିକ ତଥା ସ୍ବାଭାବିକଠାରୁ ଅଧିକ ମୌସୁମୀ ବର୍ଷା ହୋଇଛି ।
ନିକଟରେ 2022-23 ପାଇଁ ପ୍ରମୁଖ ଖରିଫ ଫସଲର ଉତ୍ପାଦନର ପ୍ରଥମ ଆଗୁଆ ଆକଳନ ରିପୋର୍ଟ ପ୍ରକାଶ କରିଥିଲା କେନ୍ଦ୍ର କୃଷି ଏବଂ କୃଷକ କଲ୍ୟାଣ ମନ୍ତ୍ରଣାଳୟ । ଅସ୍ବାଭାବିକ ମୌସୁମୀ ହେତୁ ଚଳିତ ଋତୁରେ ଖରିଫ ଧାନ ଉତ୍ପାଦନ 6 ପ୍ରତିଶତ ହ୍ରାସ ଘଟିବା ନେଇ ଆକଳନ କରାଯାଇଛି । ଚଳିତ ବର୍ଷ ଖରିଫ ଋତୁରେ 104.99 ମିଲିୟନ ଟନ ଧାନ ଉତ୍ପାଦନ ହୋଇଛି । ଗତ ବର୍ଷ ଏହା 111.76 ମିଲିୟନ ଟନ ରହିଥିଲା ।
ଏପଟେ ସେହିପରି 2022-23 ମଧ୍ୟରେ ଦେଶରେ ମୋଟ ଖରିଫ ତୈଳବୀଜ ଉତ୍ପାଦନ 23.57 ନିୟୁତ ଟନ୍ ବୋଲି ଆକଳନ କରାଯାଇଛି । ଏହା ହାରାହାରି ତୈଳବୀଜ ଉତ୍ପାଦନ ତୁଳନାରେ 1.74 ନିୟୁତ ଟନ୍ ଅଧିକ ଅଟେ ବୋଲି ରିପୋର୍ଟରେ କୁହାଯାଇଛି ।
Share your comments