New GST Rule: ମହଙ୍ଗା ହେବ ଏହିସବୁ ଜିନିଷ...

New GST Rule: From Unbranded Rice & Flour to Packaged Food; Check What Will Become Expensive?

ପୂର୍ବରୁ ହିଁ ମହଙ୍ଗା ମାଡ ସହୁଥିବା ସାଧାରଣ ଜନତାଙ୍କୁ ଆଉ ଏକ ଝଟକା । ଚଣ୍ଡିଗଡ଼ରେ ଚାଲିଥିବା ଜିଏସଟି ପରିଷଦ ବୈଠକ(GST Council Meeting) ରେ ଅଣବ୍ରାଣ୍ଡେଡ୍ ଚାଉଳ ଏବଂ ଅଟା ଉପରେ 5% ଜିଏସଟି(GST) ଲାଗୁ କରିବା ନିଷ୍ପତ୍ତିକୁ ମିଳିଛି ଅନୁମୋଦନ । ଟିକସ ଲାଗୁ ହେବା ସହିତ ବର୍ତ୍ତମାନ ଅଣବ୍ରାଣ୍ଡେଡ୍ ଅଟା ଏବଂ ଚାଉଳ(GST ON Non Branded Rice And Flour)ର ମୂଲ୍ୟ ବୃଦ୍ଧି ପାଇବ । କେବଳ ବ୍ରାଣ୍ଡେଡ୍ ଅଟା ଏବଂ ଚାଉଳ ଉପରେ ବର୍ତ୍ତମାନ ପର୍ଯ୍ୟନ୍ତ 5 ପ୍ରତିଶତ ଜିଏସ୍ଟି ଲାଗୁ ହୋଇଥିଲା । ଏହା ବ୍ୟତୀତ ମାଂସ, ମାଛ, କଦଳୀ, ପନିର୍ ଏବଂ ମହୁ ପରି ପ୍ରି-ପ୍ୟାକେଜ୍ ଏବଂ ଲେବଲ୍ ହୋଇଥିବା ଖାଦ୍ୟ ସାମଗ୍ରୀ ଉପରେ 5% ଜିଏସଟି ଆଦାୟ କରିବାକୁ ନିଷ୍ପତ୍ତି ନିଆଯାଇଛି ।

ଚଣ୍ଡିଗଡ଼ରେ ଜିଏସଟି ପରିଷଦର 47 ତମ ବୈଠକ ଚାଲିଛି। ଆଜି ଏହି ଦୁଇ ଦିନିଆ ବୈଠକର ଶେଷ ଦିନ । ମଙ୍ଗଳବାର ଦିନ ଏହି ବୈଠକ ଆରମ୍ଭ ହୋଇଥିଲା । ବୈଠକର ପ୍ରଥମ ଦିନରେ ଅନେକ ଜିନିଷର ଟିକସ ହାରକୁ ସଂଶୋଧନ କରିବା ଏବଂ କିଛି ଜିନିଷ ଉପରେ ଟିକସ ଛାଡକୁ ରଦ୍ଦ କରିବାକୁ ନିଷ୍ପତ୍ତି ନିଆଯାଇଥିଲା । ସୁନା ଏବଂ ମୂଲ୍ୟବାନ ଧାତୁ ଉପରେ ଜିଏସଟି ହାରର ଯୁକ୍ତିସଙ୍ଗତ ଆଲୋଚନା ଉପରେ ମନ୍ତ୍ରୀମାନଙ୍କ ସୁପାରିଶ ମଧ୍ୟ ଗ୍ରହଣ କରାଯାଇଛି ।

GST Compensation:ମେ 31 ସୁଦ୍ଧା ରାଜ୍ୟକୁ ମିଳିଛି ୮୬,୯୧୨ କୋଟି

ଦେଶରେ 10,000 ନୂତନ FPO ଗଠନ ପାଇଁ କାର୍ଯ୍ୟ କରାଯାଉଛି : କୃଷିମନ୍ତ୍ରୀ

ଏହି ସବୁ ଜିନିଷ ଉପରେ ଲାଗିବ GST...

• ଅଟା ଏବଂ ଚାଉଳ ପରି ଅଣ-ବ୍ରାଣ୍ଡେଡ୍ ସାମଗ୍ରୀ, ଯଦି ପ୍ରି-ପ୍ୟାକେଜ୍ ଏବଂ ଲେବଲ୍ ଥାଏ, ତେବେ 5 ପ୍ରତିଶତ ଜିଏସଟି ଲାଗୁ ହେବ । ବର୍ତ୍ତମାନ, କେବଳ ବ୍ରାଣ୍ଡେଡ୍ ଚାଉଳ ଏବଂ ଅଟା ଉପରେ ଜିଏସଟି ଲାଗୁ ହୋଇଆସୁଥିଲା ।
• ଚେକ୍ ପ୍ରଦାନ ପାଇଁ ବ୍ୟାଙ୍କଗୁଡିକ ଦ୍ବାରା ଶୁଳ୍କ ଆଦାୟ କରାଯାଏ । ଏହା ଉପରେ ଏବେ ଲାଗୁ ହେବ ଜିଏସଟି ।
• ଗହମ କିମ୍ବା ମେସୁଲିନ୍ ଅଟା, ଗୁଡ, ଖୁଦ ଚାଉଳ, ସମସ୍ତ ପ୍ରକାରର ଜୈବ ସାମଗ୍ରୀ ଏବଂ କମ୍ପୋଷ୍ଟ ଉପରେ ବର୍ତ୍ତମାନ 5 ପ୍ରତିଶତ ଜିଏସଟି ଲାଗୁ ହେବ ।
• ପ୍ରିଣ୍ଟିଂ, ଲିଖନ ଏବଂ ଚିତ୍ରାଙ୍କନ କାଳି, ଛୁରୀ, ଚାମଚ ଏବଂ ଟେବୁଲ୍ ୱେୟାର, ଦୁଗ୍ଧ ଉତ୍ପାଦନ ଯନ୍ତ୍ରପାତି, ଏଲଇଡି ଲ୍ୟାମ୍ପ ଉପରେ ଜିଏସ୍ଟି 12 ପ୍ରତିଶତରୁ 18 ପ୍ରତିଶତକୁ ବୃଦ୍ଧି କରାଯାଇଛି ।
• ସୌରଶକ୍ତି ଚାଳିତ ୱାଟର ହିଟର ଏବଂ ଚମଡା ଉପରେ ଜିଏସ୍ଟି ହାର ବର୍ତ୍ତମାନ 5 ପ୍ରତିଶତ ପରିବର୍ତ୍ତେ 12 ପ୍ରତିଶତକୁ ବୃଦ୍ଧି କରାଯାଇଛି ।
• ଖାଦ୍ୟ ଏବଂ ପାନୀୟର 104 ଟି ଜିନିଷ ଉପରେ ଲାଗୁ ହୋଇନଥଇଲା ଜିଏସଟି

ଏପର୍ଯ୍ୟନ୍ତ ଡାଲି, ଚାଉଳ, ଅଟା ଭଳି 104 ଖାଦ୍ୟ ସାମଗ୍ରୀ ଉପରେ କୌଣସି ଜିଏସଟି ଆଦାୟ କରାଯାଉ ନାହିଁ । ଏଥିମଧ୍ୟରୁ ପ୍ରାୟ 24 ଟି ଜିନିଷ ଅଛି, ଯାହା ଉପରେ ଖୋଲାଖୋଲି ଭାବରେ ବିକ୍ରି ହେଲେ ଜିଏସଟି ଦେବାକୁ ପଡିନଥାଏ । ଅର୍ଥାତ ଯଦି ଏହି ଜିନିଷଗୁଡିକ ବ୍ରାଣ୍ଡ ନାମରେ ବିକ୍ରି ହେଉଛି, ତେବେ ସେମାନଙ୍କ ଉପରେ 5% ଜିଏସ୍ଟି ଦେବାକୁ ପଡିବ । ଏହି 24 ଟି ଖାଦ୍ୟ ପଦାର୍ଥରେ ଗହମ ଅଟା, ମଇଦା, ସୁଜି, ଚାଉଳ, ମୁଗ ସାମିଲ ରହିଛି ।