ଆହୁରି ୫ ଦିନ ଯାଏଁ ଥରିବ ଓଡିଶା, ୟେଲୋ ଆଲର୍ଟ ଜାରି

Odisha Weather Update heavy cold for next five days

ରାଜ୍ୟକୁ (Odisha)ଫେରିବ ଶୀତର ଲହରୀ । ଆସନ୍ତା ୫ ଦିନ ଯାଏଁ ରାଜ୍ୟରେ ପ୍ରବଳ ଥଣ୍ଡା (cold) ଅନୁଭୂତ ହେବ ।

ସୂଚନା ଅନୁୟାୟୀ, ତାପମାତ୍ରା ୩ ରୁ ୫ ଡିଗ୍ରୀ ପର୍ଯ୍ୟନ୍ତ ଖସିବାର ସମ୍ଭାବନା ରହିଛି । ଓଡିଶା ମଧ୍ୟକୁ ଉତ୍ତର ପଶ୍ଚିମ ଶୁଷ୍କ ଥଣ୍ଡା ବାୟୁ ପ୍ରବେଶ କରୁଥିବାରୁ ଏହି ଶୀତ ଲହରୀ ଅନୁଭୂତ ହେବ ।

ବିଶେଷକରି କେନ୍ଦୁଝର ଜିଲ୍ଲା, ବରଗଡ଼ ଜିଲ୍ଲା, ବଲାଙ୍ଗୀର ଜିଲ୍ଲା, ସୁନ୍ଦରଗଡ ଜିଲ୍ଲା, ଝାରସୁଗୁଡା ଜିଲ୍ଲା, ସୋନପୁର ଜିଲ୍ଲାରେ ୨୮ ତାରିଖରେ ଶୀତ (cold) ଅନୁଭୂତ ହେବ ।

ସେହିପରି ଅନୁଗୋଳ ଜିଲ୍ଲା, ଦେବଗଡ ଜିଲ୍ଲା, ସମ୍ବଲପୁର ଜିଲ୍ଲା, ସୋନପୁର ଜିଲ୍ଲା, ନୂଆପଡା ଜିଲ୍ଲାରେ ୨୯ ତାରିଖରେ ଆହୁରି ପ୍ରବଳ ଥଣ୍ଡା ହେବ ।

ରାଜ୍ୟର କେନ୍ଦୁଝର ଜିଲ୍ଲା ଏବଂ ସମ୍ବଲପୁର ଜିଲ୍ଲାରେ ଘନ କୁହୁଡି (Severe Fog) ଅନୁଭୂତ ହେବ । ଭିଜିବିଲିଟି ବା ଦୃଶ୍ୟମାନ ୫୦ ମିଟର ତଳକୁ ଖସିବାର ସମ୍ଭାବନା ରହିଛି ।

କହିବାକୁ ଗଲେ, ବର୍ତ୍ତମାନ ଉପକୂଳ ଓଡିଶାର ଅନେକ ଅଞ୍ଚଳରେ ରାତ୍ରି ତାପମାତ୍ରା ସ୍ବାଭାବିକ ଠାରୁ ୦.୪ ରୁ ୨.୪ ଡିଗ୍ରୀ ଅଧିକ ରହିଥିବାବେଳେ ଆଭ୍ୟନ୍ତରୀଣ ଓଡିଶା (Odisha)ର ପ୍ରାୟ ଅଞ୍ଚଳରେ ତାପମାତ୍ରା ୨ ରୁ ୫ ଡିଗ୍ରୀ ଯାଏଁ ଅଧିକ ରହିଛି ।

ଆସନ୍ତାକାଲି ପାଖରୁ କେନ୍ଦୁଝର ଜିଲ୍ଲା, ସୁନ୍ଦରଗଡ ଜିଲ୍ଲା, ଝାରସୁଗୁଡା ଜିଲ୍ଲା, ବରଗଡ ଜିଲ୍ଲା, ସୋନପୁର ଜିଲ୍ଲା ଓ ବଲାଙ୍ଗିର ଜିଲ୍ଲାରେ ଶୀତର (cold) ଲହର ଅନୁଭୂତ ହେବ ।

୩୦ ତାରିଖ ଯାଏଁ ଶୀତ ଲହର ଜାରି ରହିବ ବୋଲି ଆକଳନ କରିଛି ଭୁବନେଶ୍ୱର ପାଣିପାଗ କେନ୍ଦ୍ର । ସେହିପରି ୨୪ ଘଣ୍ଟା ମଧ୍ୟରେ ଓଡିଶା (Odisha)ରେ କେତେକ ଜିଲ୍ଲାରେ ଘନ କୁହୁଡି (Fog)ହେବାର ଆଶଙ୍କା କରାଯାଉଛି । ଏହି ସମୟରେ ଦୃଶ୍ୟମାନ ଦୂରତା ୨୦୦ ରୁ ୫୦ ମିଟର ରହିବ ବୋଲି ଆକଳନ ମଧ୍ଯ କରାଯାଉଛି ।

ପ୍ରକାଶ ଥାଉ ଯେ, ଜଗତସିଂହପୁର ଜିଲ୍ଲା, କଟକ ଜିଲ୍ଲା, ନୟାଗଡ ଜିଲ୍ଲା, କନ୍ଧମାଳ ଜିଲ୍ଲା, ଗଞ୍ଜାମ ଜିଲ୍ଲା, ଗଜପତି ଜିଲ୍ଲାରେ ଘନ କୁହୁଡି (Severe Fog) ହେବାର ସମ୍ଭାବନା ରହିଛି । ତେଣୁ ପାଣିପାଗ କେନ୍ଦ୍ର ୟେଲୋ ଆଲର୍ଟ (Yellow Alert)ଜାରି କରାଯାଇଛି ।

ଶୀତରେ ପୁଣି ବର୍ଷା, ୮ ଜିଲ୍ଲାକୁ ୟେଲୋ ଆଲର୍ଟ

୨୬ ଯାଏଁ ଛେଚିବ ବର୍ଷା, ୯ ଜିଲ୍ଲାକୁ ୟେଲୋ ୱାର୍ଣ୍ଣିଂ