onion price hike update, image source - pexels
ପୁଣି କନ୍ଦାଇଲା ପିଆଜ ଦର l ଖାଉଟିଙ୍କ ମୁଣ୍ଡରେ ଚଡ଼କ l ଧୀରେ ଧୀରେ ବୃଦ୍ଧି ପାଉଛି ସମସ୍ତ ଖାଦ୍ୟ ସାମଗ୍ରୀର ଦର l ତେବେ ଗତକାଲି ସୋମବାର ଦିନ ନାସିକର ଲାସାଲଗାଓଁ ମଣ୍ଡିରେ ପିଆଜର କେଜି ପିଛା ୨୬ ଟଙ୍କା ରହିଥିବା ସୂଚନା ରହିଛି । ଅନ୍ୟପଟେ ଏହା ଗତମାସ କେଜି ପିଛା ମୂଲ୍ୟ ୧୭ ଟଙ୍କା ରହିଥିଲା।
ଦେଶରେ ଅନେକ ରାଜ୍ୟରେ ହୋଲସେଲ ବଜାର ମୂଲ୍ୟ ୩୦ ଟଙ୍କା ଅତିକ୍ରମ କରିଛି । ତେବେ ଏହି ଦର ବଢ଼ିବାର ମୁଖ୍ୟ କାରଣ ହେଉଛି ବଜାର ଚାହିଦା ଏବଂ ଯୋଗାଣ ମଧ୍ୟରେ ରହିଥିବା ପାର୍ଥକ୍ୟ l ଚଳିତ ମାସ ଜୁନ୍ ଠାରୁ ବଜାରକୁ ରପ୍ତାନି ହୋଇ ଆସୁଥିବା ପିଆଜ ଚାଷୀଙ୍କ ଠାରୁ ଏବଂ ବ୍ୟବସାୟୀଙ୍କ ଦ୍ୱାରା ରଖାଯାଇଥିବା ଷ୍ଟକ ପରିମାଣରୁ ଆସିଥାଏ । ୨୦୨୩-୨୪ ଆର୍ଥିକ ମସିହାର ରବି ଫସଲରେ ସମ୍ଭାବ୍ୟ ଚାଷ ହ୍ରାସ ପାଇଥିଲା ଯାହା ଯୋଗୁଁ ମୂଲ୍ୟ ବୃଦ୍ଧି ହେବାର ଆଶା ରହିଥିବାରୁ ଚାଷୀ ନିଜ ଅମଳ ପିଆଜ ଷ୍ଟକରେ ଜାଣିଶୁଣି ଲୁଚାଇ ରଖିଥିବା କୁହାଯାଉଛି l
ତେବେ ଏହି ଦର ବୃଦ୍ଧି ଯୋଗୁଁ ପୁଣି ଗ୍ରାହକଙ୍କୁ କନ୍ଦାଇଲାଣି ପିଆଜ ଦର । କାରଣ ଏବେ ବଜାରରେ ପିଆଜ ଦର ଆକାଶଛୁଆଁ ହୋଇଛି । ଗତ ଚାଳିଶ ଦିନରେ ମଧ୍ୟରେ ପିଆଜ ମୂଲ୍ୟ ପ୍ରାୟତଃ ୫୦ ପ୍ରତିଶତ ବୃଦ୍ଧି ପାଇଛି । ଏହାର ମୁଖ୍ୟ କାରଣ ବଜାରରେ ପିଆଜ କମ୍ ଯୋଗାଣ ବୋଲି କୁହାଯାଉଛି । ତେବେ ଅନ୍ୟପଟେ ବକରି ଇଦ୍ ପୂର୍ବରୁ ପିଆଜର ଚାହିଦା ବୃଦ୍ଧି ପାଇଥିବା କୁହାଯାଉଛି । କେନ୍ଦ୍ର ସରକାରଙ୍କ ହସ୍ତକ୍ଷେପ ପରେ ପିଆଜ ବଜାରକୁ ଛାଡିବା ଲକ୍ଷ୍ୟ ରଖିଛନ୍ତି ଚାଷୀ । ଦିଲ୍ଲୀରେ ପିଆଜ ମୂଲ୍ୟ ୧୦ ଦିନ ମଧ୍ୟରେ କିଲୋଗ୍ରାମ ପିଛା ୧୨ ଟଙ୍କା ବୃଦ୍ଧି ପାଇଥିବା ଦେଖିବାକୁ ମିଳିଛି ।
40 ପ୍ରତିଶତ ରପ୍ତାନି ଶୁଳ୍କ ରହିଛି ଯେଉଁଥିପାଇଁ ରପ୍ତାନିରେ ଯଥେଷ୍ଟ ହ୍ରାସ ପାଉଛି । ଏ ନେଇ ବ୍ୟବସାୟୀମାନେ ମଧ୍ୟ ଦାବି କରିଛନ୍ତି ଯେ ଆଗକୁ ଜୁନ୍ ୧୭ ତାରିଖରେ ଇଦ୍ ଉଲ୍-ଜୁହା ପାଇଁ ପିଆଜ ଦର ଘରୋଇ କ୍ଷେତ୍ରରେ ବୃଦ୍ଧି ପାଇଛି ।
ଅଧିକ ପଢ଼ନ୍ତୁ
Share your comments