ସ୍ୱାଧୀନତା ସଂଗ୍ରାମୀମାନଙ୍କୁ ଶ୍ରଦ୍ଧାଞ୍ଜଳୀ ଦେବାକୁ ଚହୁଞ୍ଚନ୍ତି କି ? ଡିଜିଟାଲ ଜ୍ୟୋତିରେ ଜଳାନ୍ତୁ ଆଲୋକ

PM urges citizens to share their tributes to our freedom fighters on Digital Jyot

ସ୍ୱାଧୀନତା ସଂଗ୍ରାମୀମାନଙ୍କୁ ଡିଜିଟାଲ ଜ୍ୟୋତ(Digital Jyot)ରେ ଶ୍ରଦ୍ଧାଞ୍ଜଳି ଜଣାଇବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ(Narendra Modi) ଦେଶବାସୀଙ୍କୁ ଆହ୍ୱାନ ଦେବା ସହ ଆଜାଦୀ କା ଅମୃତ ମହୋତ୍ସବ(Azadi Ka Amrit Mahotsav)କୁ ସଶକ୍ତ କରିବାକୁ କହିଛନ୍ତି ।

ଏକ ଟ୍ୱିଟ ଶୃଙ୍ଖଳରେ ପ୍ରଧାନମନ୍ତ୍ରୀ କହିଛନ୍ତି, ଆମ ସ୍ୱାଧୀନତା ସଂଗ୍ରାମର ନାୟକମାନଙ୍କୁ ସ୍ୱତନ୍ତ୍ର ଶ୍ରଦ୍ଧାଞ୍ଜଳି ! ଡିଜିଟାଲ ଜ୍ୟୋତରେ ପ୍ରଯୁକ୍ତି ବ୍ୟବହାର ହୋଇଛି ଓ ଆପଣମାନଙ୍କୁ ସ୍ୱାଧୀନତା ସଂଗ୍ରାମୀମାନଙ୍କ ପାଇଁ ହୃଦୟସ୍ପର୍ଶୀ ବାର୍ତ୍ତା ପ୍ରଦାନ କରିବାରେ ସାହାଯ୍ୟ କରିବ ।

ଦିଲ୍ଲୀର ସେଣ୍ଟ୍ରାଲ ପାର୍କରେ ଏକ ସ୍କାଏ ବିମ ଲାଇଟ ସ୍ଥାପିତ ହୋଇଛି । ଜ୍ଞାପିତ ପ୍ରତ୍ୟେକ ଶ୍ରଦ୍ଧାଞ୍ଜଳି ଡିଜିଟାଲ ଜ୍ୟୋତର ଆଲୋକକୁ ପ୍ରତିଭାତ କରିବ । ଏହି ନିଆରା ପ୍ରୟାସରେ ଭାଗ ନିଅନ୍ତୁ ଓ ଆଜାଦିର ଅମୃତ ମହୋତ୍ସବକୁ ସଶକ୍ତ କରନ୍ତୁ ।

ସେପଟେ ହର ଘର ତିରଙ୍ଗା ଆନ୍ଦୋଳନକୁ ମଜବୁତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଆହ୍ୱାନ ଦେଇଛନ୍ତି । ଏହି ଅବସରରେ ଶ୍ରୀ ମୋଦୀ ସ୍ୱାଧୀନ ଭାରତର ପତାକା ପାଇଁ ସ୍ୱପ୍ନ ଦେଖିଥିବା ବ୍ୟକ୍ତିମାନଙ୍କ ଅଦମ୍ୟ ସାହସ ଓ ପ୍ରୟାସକୁ ସ୍ମରଣ କରିଛନ୍ତି । ଆମ ତିରଙ୍ଗା ସହିତ ଜଡିତ କମିଟି ଓ ପଣ୍ଡିତ ନେହରୁ ଉତ୍ତୋଳନ କରିଥିବା ପ୍ରଥମ ତିରଙ୍ଗା ସମ୍ପର୍କରେ ସେ କିଛି ମଜାଦାର କଥା ମଧ୍ୟ ଜଣାଇଛନ୍ତି ।

ଆମ ଇତିହାସରେ ଜୁଲାଇ ୨୨ର ସ୍ୱତନ୍ତ୍ର ତାତ୍ପର୍ଯ୍ୟ ରହିଛି କାରଣ, ୧୯୪୭ର ଆଜିର ଦିନରେ ଆମେ ଜାତୀୟ ପତାକା ଆପଣାଇଥିଲୁ ବୋଲି ସେ କହିଛନ୍ତି । ଏକ ଟ୍ୱିଟ ଶୃଙ୍ଖଳରେ ପ୍ରଧାନମନ୍ତ୍ରୀ କହିଛନ୍ତି, ଚଳିତ ବର୍ଷ ଆମେ ଯେତେବେଳେ ଆଜାଦୀ କା ଅମ୍ରିତ ମହୋତ୍ସବ ପାଳନ କରୁଛୁ, ଆସନ୍ତୁ ହର ଘର ତିରଙ୍ଗା ଆନ୍ଦୋଳନକୁ ମଜବୁତ କରିବା ।

ଅଗଷ୍ଟ ୧୩ ଓ ୧୫ ମଧ୍ୟରେ ନିଜ ଘରେ ତିରଙ୍ଗା ଉତ୍ତୋଳନ କରନ୍ତୁ ବା ପ୍ରଦର୍ଶିତ କରନ୍ତୁ । ଏହି ଆନ୍ଦୋଳନ ଜାତୀୟ ପତାକା ସହ ଆମ ସମ୍ପର୍କକୁ ମଜବୁତ କରିବ ।ଆଜିର ଦିନ, ଜୁଲାଇ ୨୨ର ଆମ ଇତିହାସରେ ସ୍ୱତନ୍ତ୍ର ତାତ୍ପର୍ଯ୍ୟ ରହିଛି । ୧୯୪୭ର ଆଜିର ଦିନରେ ଆମେ ଜାତୀୟ ପତାକା ଆପଣାଇଥିଲୁ । ଆମ ତିରଙ୍ଗା ସହିତ ଜଡିତ କମିଟି ଓ ପଣ୍ଡିତ ନେହରୁ ଉତ୍ତୋଳନ କରିଥିବା ପ୍ରଥମ ତିରଙ୍ଗା ସମ୍ପର୍କରେ କିଛି ମଜାଦାର କଥା ଶେୟାର କରୁଛି ।

ଆଜି ଆମେ ଔପନିବେଶିକ ଶାସନ ବିରୋଧରେ ଲଢେଇ ବେଳେ ସ୍ୱାଧୀନ ଭାରତର ପତାକା ପାଇଁ ସ୍ୱପ୍ନ ଦେଖିଥିବା ବ୍ୟକ୍ତିମାନଙ୍କର ଅଦମ୍ୟ ସାହସ ଓ ପ୍ରୟାସକୁ ସ୍ମରଣ କରିବା । ସେମାନଙ୍କ କଳ୍ପନା ପୂରଣ କରିବା ସହ ସ୍ୱପ୍ନର ଭାରତ ଗଢିବାକୁ ନିଜ ପ୍ରତିବଦ୍ଧତାକୁ ଦୋହରାଇବା ।

କାଶୀକୁ 1800 କୋଟି ଟଙ୍କାର ଭେଟି ଦେଲେ ପ୍ରଧାନମନ୍ତ୍ରୀ

ବେଙ୍ଗାଲୁରୁରେ ଟଙ୍କା ବର୍ଷା କଲେ ମୋଦି, କୃଷି କ୍ଷେତ୍ରକୁ ହେବ ବଡ ଲାଭ