ବିକାଶମୂଳକ କାର୍ଯ୍ୟକ୍ରମରେ ପ୍ରତାପ ଷଡ଼ଙ୍ଗୀ

Pratap Sarangi in the development programme

ଅତି ସରଳ ଜୀବନ ରଖିଥିବା ପ୍ରତାପ ଷଡ଼ଙ୍ଗୀ ମୋଦି ସରକାରଙ୍କ ଦ୍ଵିତୀୟ ପାଳି ସରକାରରେ ସାଂସଦ ଭାବେ ଶପଥ ନେଇଥିଲା l ସାଂସଦ ଭାବେ ଜିଲ୍ଲାର ମଙ୍ଗ ଧରିବା ପରେ କରିଥିଲେ ଅନେକ ବିକାସମୂଳକ କାର୍ଯ୍ୟ l ପିଲାଦିନୁ RSS ସହ ଜଡ଼ିତ ରହିଛନ୍ତି ସେ। ୨୦୦୪ ଏବଂ ୨୦୦୯ ମସିହା ବିଧାନସଭା ନିର୍ବାଚନରେ ନୀଳଗିରି ବିଧାନସଭା ଆସନରୁ ସେ ଦୁଇ ଥର ବିଧାୟକଭାବେ ନିର୍ବାଚିତ ହୋଇଥିଲେ ।

ତେବେ ପୂର୍ବରୁ ୨୦୧୪ରେ ସେ ବିଜେପି ପାଇଁ ବାଲେଶ୍ୱର ସଂସଦୀୟ କ୍ଷେତ୍ରରୁ ନିର୍ବାଚନ ଲଢ଼ି ପରାଜିତ ହୋଇଥିଲେ । ବିଜେପି ସାଂସଦ ପ୍ରତାପ ଷଡ଼ଙ୍ଗୀଙ୍କ ନିଜ ସରଳ ଜୀବନଯାପନ ପାଇଁ ଏବଂ ସ୍ୱଚ୍ଛ ବ୍ୟକ୍ତିତ୍ୱକୁ ପାଇଁ ପରିଚିତ l ଗାଁ ପରିବେଶକୁ ଭଲ ପାଉଥିବା ମଣିଷଟି ସର୍ବଦା କୁଟୀର ଶିଳ୍ପ ଉପରେ ଧ୍ୟାନ କେନ୍ଦ୍ରିତ କରିବାକୁ ଚେଷ୍ଟା କରିଥାନ୍ତି ଯାହାଦ୍ୱାରା ପ୍ରକୃତିର କୌଣସି କ୍ଷୟକ୍ଷତି ହେବ ନାହିଁ l

୨୦୧୯ ମସିହାରେ ନିର୍ବାଚନ ଜିତିବା ପରେ ସେ ୨୦୨୪ ପଯ୍ୟନ୍ତ ଅନେକ ବିକାଶମୂଳକ କାର୍ଯ୍ୟ କରିଛନ୍ତି ଜିଲ୍ଲାରେ l ସେ ସର୍ବଦା ଜିଲ୍ଲାବାସୀଙ୍କ ପାଇଁ ନୂଆ ପରିବର୍ତ୍ତନ ଆଣିବାକୁ ରାଜ୍ୟ ସରକାର ଓ କେନ୍ଦ୍ର ସରକାରଙ୍କୁ ନିବେଦନ କରିଛନ୍ତି l ଯାହା ଆଶା ତାଙ୍କର ପୂରଣ ମଧ୍ୟ ହୋଇଛି l ତେବେ ଆସନ୍ତୁ ଏହି ୫ ବର୍ଷ ମଧ୍ୟରେ ସେ କରିଥିବା ସମସ୍ତ କାର୍ଯ୍ୟକ୍ରମ ଉପରେ ନଜର ପକାଇବା l

ତାଙ୍କ ସମୟରେ ପ୍ରଧାନମନ୍ତ୍ରୀ ଗ୍ରାମୀଣ ସଡ଼କ ଯୋଜନାରେ ବାଲିଆପାଳ ବ୍ଲକରେ ୮ ଟି ସଡ଼କ ପାଇଁ  ୨୪ କୋଟିରୁ ଅଧିକ ଅର୍ଥରାଶି ମଂଜୁର ହୋଇଥିଲା l ନୀଳଗିରି ବ୍ଲକରେ ୧୨ ଟି ନୂଆ ସଡ଼କ ପାଇଁ ୪୧ କୋଟି ଟଙ୍କା ମଂଜୁର ହୋଇଥିଲା l ଔପଦା ବ୍ଲକର ୩ଟି ନୂଆ ସଡ଼କ ପାଇଁ ୯ କୋଟିରୁ ଅଧିକ ଟଙ୍କା ମଂଜୁର ହୋଇଥିଲା l ବସ୍ତା ବ୍ଲକର ୫ଟି ନୂଆ ସଡ଼କ ପାଇଁ ୧୭ କୋଟି ଟଙ୍କା ମଂଜୁର ହୋଇଛି l କେବଳ ଏତିକି ନୁହେଁ ଅନ୍ୟାନ୍ୟ ବ୍ଲକ ପାଇଁ ମଧ୍ୟ କେନ୍ଦ୍ର ଦ୍ୱାରା ସାଂସଦ ପ୍ରତାପ ଅନେକ କୋଟି ଟଙ୍କା ମଂଜୁର କରାଇଛନ୍ତି l

ବାଲେଶ୍ୱର ଭୋଗରାଇ ନିର୍ବାଚନ ମଣ୍ଡଳୀ ପାଇଁ MSME ଅନୁମୋଦନ କ୍ରମେ ୩ କୋଟି ୨୭ ଲକ୍ଷ ଟଙ୍କାର ଏକ ବାଉଁଶ କ୍ଲଷ୍ଟର ପ୍ରତିଷ୍ଠା କରାଯାଇଛି l ଯାହାଦ୍ୱାରା ୭୦୦ ପରିବାର ଉପକୃତ ହେଉଛନ୍ତି l କେନ୍ଦ୍ର ସରକାରଙ୍କ ଅମୃତ ଭାରତ ଷ୍ଟେସନ ଯୋଜନାରେ ବାଲେଶ୍ୱର ଷ୍ଟେସନକୁ ସାମିଲ କରାଯାଇ ଆଧୁନିକୀକରଣ ପାଇଁ ୨୩ କୋଟି ଟଙ୍କା ମଂଜୁର ହୋଇଛି l ଜଳେଶ୍ୱର ରାଜଘାଟ ଠାରେ ରେଳ ଓଭରବ୍ରିଜ ନିର୍ମାଣ କରାଯାଇଛି l ଯାହାଦ୍ୱାରା ସେଠାରେ ଯାତ୍ରୀଙ୍କୁ କୌଣସି ସମସ୍ୟାର ସମ୍ମୁଖୀନ ହେବାକୁ ପଡ଼ୁନାହିଁ l ପ୍ରଧାନମନ୍ତ୍ରୀ ଗ୍ରାମୀଣ ସଡ଼କ ଯୋଜନା ମାଧ୍ୟମରେ ଗ୍ରାମକୁ ସୁଦିନିଆ ପକ୍କା ରାସ୍ତା ସଂଯୋଗ ପାଇଁ ଲକ୍ଷ୍ୟ ରଖାଯାଇଛି l ଯାହାକୁ ପୂର୍ଣ୍ଣ କରିଛନ୍ତି ଏବଂ ଜିଲ୍ଲାର ସଡ଼କ ପରିବର୍ତ୍ତନ କରିବାରେ ସଫଳ ମଧ୍ୟ ହୋଇଛନ୍ତି l ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବା ପାଇଁ କୌଣସି ଅସୁବିଧା ମଧ୍ୟ ରହିନାହିଁ ଜିଲ୍ଲାରେ l

ଅଧିକ ପଢ଼ନ୍ତୁ

Zucchini benefits: ବିପି ଓ ଡାଇବେଟିସ କଣ୍ଟ୍ରୋଲ କରିବ ଏହି ପରିବା

ଶ୍ରୀ ପ୍ରତାପ ଚନ୍ଦ୍ର ଷଡ଼ଙ୍ଗୀ: କୃଷି ଜଳସେଚନରେ ଆଣିଲେ ବୈପ୍ଲବିକ ପରିବର୍ତ୍ତନ