ରାଜ୍ୟ (Odisha)ର ପାଣିପାଗରେ ପରିବର୍ତ୍ତନ ଆସିଛି । କିଛି ଦିନର ହାଡ ଭଙ୍ଗା ଜାଡ (Cold) ପରେ ପାଗ ପ୍ରାୟ ସାମାନ୍ୟ ହୋଇଥିଲା । ଏହାର ଦୁଇ ଦିନ ନ ବିତୁଣୁ ବର୍ଷା (Rain)ର ଆଗମନ ହେବାକୁ ଯାଉଛି ।
ଆସନ୍ତା ୩ ତାରିଖ ଓ ୪ ତାରିଖରେ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା (Rain) ହେବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ଆଞ୍ଚଳିକ ପାଣିପାଗ କେନ୍ଦ୍ର (IMD)ଦ୍ୱାରା ପଞ୍ଚିମ ଓ ଉତ୍ତର ଓଡିଶାକୁ ସତର୍କ କରାଯାଇଛି ।
ରାଜ୍ୟକୁ ପଶ୍ଚିମ ଝଡର ଆଗମନ ଆଶଙ୍କା ତଥା ବଙ୍ଗୋପସାଗର ମଧ୍ୟରୁ ଅତ୍ୟଧିକ ଉଷ୍ମ ଜଳୀୟବାଷ୍ପ ପ୍ରବେଶ କରୁଛି । ଏହାର ପ୍ରଭାବରେ ଆସନ୍ତା ୩ ତାରିଖ ଓ ୪ ତାରିଖରେ ରାଜ୍ୟର କିଛି ସ୍ଥାନରେ ମଧ୍ୟମ ଧରଣର ବର୍ଷା (Rain) ସମ୍ଭାବନା ରହିଛି । ପଶ୍ଚିମ ଝଡ ଯୋଗୁଁ ଗୋଟିଏ ଗୋଟିଏ ଜିଲ୍ଲାର ଏକାଧିକ ସ୍ଥାନରେ ବର୍ଷା (Rain) ହୋଇପାରେ । ଯାହାର ପ୍ରଭାବ କୃଷକ (Farmer)ଙ୍କ ଉପରେ ପଡିବ ବୋଲି ପାଣିପାଗ କେନ୍ଦ୍ର (IMD) ପକ୍ଷରୁ ପୂର୍ବାନୁମାନ କରାଯାଇଛି ।
ଫେବୃଆରୀ ୩ ତାରିଖରେ ପଶ୍ଚିମ ଓ ଉତ୍ତର ଓଡିଶାର କିଛି ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା (Rain)ହେବା ସମ୍ଭାବନା ରହିଛି । ଏଥିପାଇଁ ବରଗଡ ଜିଲ୍ଲା, ଝାରସୁଗୁଡା ଜିଲ୍ଲା, ସମ୍ବଲପୁର ଜିଲ୍ଲା, ସୁନ୍ଦରଗଡ ଜିଲ୍ଲା, ଦେବଗଡ ଜିଲ୍ଲା ଓ କେନ୍ଦୁଝର ଜିଲ୍ଲାରେ ଘଡଘଡି ସହ ବର୍ଷା (Rain) ହୋଇପାରେ । ତେଣୁ ଏହି ସବୁ ଜିଲ୍ଲାକୁ ୟେଲୋ ୱାର୍ଣ୍ଣିଂ (Yellow Warning) ଜାରି କରାଯାଇଛି । ସେହିପରି ଚାରିରୁ ପଞ୍ଚ ତାରିଖ ମଧ୍ୟରେ ଉତ୍ତର ଓ ଦକ୍ଷିଣ ଓଡିଶାର କିଛି ଜିଲ୍ଲାରେ ବର୍ଷା (Rain)ହୋଇପାରେ ।
୪ ତାରିଖ ପାଇଁ ବାଲେଶ୍ୱର ଜିଲ୍ଲା, ଭଦ୍ରକ ଜିଲ୍ଲା, ଯାଜପୁର ଜିଲ୍ଲା, କେନ୍ଦ୍ରାପଡା ଜିଲ୍ଲା, କଟକ ଜିଲ୍ଲା, ଜଗତସିଂହପୁର ଜିଲ୍ଲା, ସୁନ୍ଦରଗଡ ଜିଲ୍ଲା, ଝାରସୁଗୁଡା ଜିଲ୍ଲା, ବରଗଡ ଜିଲ୍ଲା, ସମ୍ବଲପୁର ଜିଲ୍ଲା, ଦେବଗଡ ଜିଲ୍ଲା, ଅନୁଗୁଳ ଜିଲ୍ଲା, ଢେଙ୍କାନାଳ ଜିଲ୍ଲା, କେନ୍ଦୁଝର ଜିଲ୍ଲା ଓ ମୟୂରଭଞ୍ଜ ଜିଲ୍ଲାକୁ ପାଣିପାଗ କେନ୍ଦ୍ର ତରଫ ୟେଲୋ ୱାର୍ଣ୍ଣିଂ (Yellow Warning) ଜାରି କରାଯାଇଛି । ଏହି ସବୁ ଜିଲ୍ଲାର ଗୋଟିଏ ଦୁଇଟି ସ୍ଥାନରେ ବିଜୁଳି (lightning) ଘଡଘଡି ସହ କୁଆପଥର ମାଡ ହେବାର ଆଶଙ୍କା ରହିଛି ।
ମଙ୍ଗଳବାର (Tuesday) ଠାରୁ ସ୍ବାଭାବିକ ଠାରୁ ୩ରୁ ୫ ଡିଗ୍ରୀ ପର୍ଯ୍ୟନ୍ତ ପାରଦ ବଢିବ। ଚଳିତ ବର୍ଷ ରେକର୍ଡ ସଂଖ୍ୟକ ପଶ୍ଚିମା ଝଡ ପ୍ରଭାବରେ ବିଭିନ୍ନ ଜିଲ୍ଲାରେ ବର୍ଷା (Rain) ହେଉଥିବା ପାଣିପାଗ ବିଜ୍ଞାନ କେନ୍ଦ୍ର (IMD) ପକ୍ଷରୁ କୁହାଯାଇଛି ।
ପ୍ରକାଶ ଥାଉ ଯେ, ପ୍ରଥମେ ଡିସେମ୍ବରରେ ବାତ୍ୟା ଜଓ୍ବାଦ (Cyclone Jawad) ପାଚିଲା ଧାନକୁ ଧୋଇ ନେଇଥିଲା । ପରେ ଗୋଟିଏ ପରେ ଗୋଟିଏ ପଶ୍ଚିମା ଝଡ ବର୍ଷା ବଞ୍ଚି ଯାଇଥିବା ଧାନ ଉଜାଡୁଛି । ସମୁଦ୍ରରେ ବାରମ୍ବାର ଏଭଳି ଝଡର ପ୍ରଭାବ ଚାଷୀ (Farmer) କୁଳର ଅଣ୍ଟା ଭାଙ୍ଗିଦେଇଥିବା ବେଳେ ଆସନ୍ତା ୪ ତାରିଖରୁ ପୁଣି ବର୍ଷା (Rain) ହେବା ନେଇ ଆଞ୍ଚଳିକ ପାଣିପାଗ କେନ୍ଦ୍ର (IMD) ଆକଳନ କରିଛି ।