ଗୁଡ ନ୍ୟୁଜ । ପୁଣି ଶସ୍ତା ହେଲା ଖାଇବା ତେଲ, ହ୍ରାସ ପାଇଲା ସୋରିଷ ତେଲ ସମେତ ସମସ୍ତ ତେଲ ଦର ।
ଖାଇବା ତେଲର ଖୁଚୁରା ମୂଲ୍ୟରେ ପୁଣି ଥରେ ହ୍ରାସ ଘଟିଛି । କେନ୍ଦ୍ର ସରକାର(Central Government)କହିଛନ୍ତି ଯେ, ସାରା ଦେଶରେ ଖାଇବା ତେଲର ଖୁଚୁରା ମୂଲ୍ୟ ବୈଶ୍ୱିକ ବଜାର ସହିତ ସମାନ ଅବଧି ତୁଳନାରେ ଅଧିକ ରହିଛି, କିନ୍ତୁ ଅକ୍ଟୋବର ୨୦୨୧ ପରଠାରୁ ଏହା ହ୍ରାସ ପାଉଛି । ୧୬୭ ମୂଲ୍ୟ ସଂଗ୍ରହ କେନ୍ଦ୍ରର ଧାରା ଅନୁଯାୟୀ, ଦେଶର ପ୍ରମୁଖ ଖୁଚୁରା ବଜାରରେ ଖାଇବା ତେଲର ଖୁଚୁରା ମୂଲ୍ୟ କିଲୋଗ୍ରାମ ପିଛା ୫-୨୦ ଟଙ୍କା ହ୍ରାସ ପାଇଛି ।
ସୂଚନା ଅନୁଯାୟୀ, ମଙ୍ଗଳବାର ଦିନ ଚିନାବାଦାମ ତେଲର ସର୍ବଭାରତୀୟ ଖୁଚୁରା ମୂଲ୍ୟ ୧୮୦ ଟଙ୍କା ପ୍ରତି କିଲୋଗ୍ରାମ, ସୋରିଷ ତେଲ ପ୍ରତି କିଲୋଗ୍ରାମ ୧୮୪.୫୯ ଟଙ୍କା, ସୋୟା ତେଲ କିଲୋଗ୍ରାମ ପିଛା ୧୪୮.୮୫ ଟଙ୍କା, ସୂର୍ଯ୍ୟମୁଖୀ ତେଲ ୧୬୨.୪ ଟଙ୍କା ଏବଂ ପାମ ତେଲ କିଲୋଗ୍ରାମ ପିଛା ୧୨୮.୫ ଟଙ୍କା ରହିଛି ।
ସୂଚନାର ତଥ୍ୟ ଦର୍ଶାଉଛି ଯେ, ଅକ୍ଟୋବର ୧, ୨୦୨୧ (October 1, 2021) ସୁଦ୍ଧା ପ୍ରଚଳିତ ମୂଲ୍ୟ ତୁଳନାରେ ଚିନାବାଦାମ ଓ ସୋରିଷ ତେଲର ଖୁଚୁରା ମୂଲ୍ୟ କିଲୋଗ୍ରାମ ପିଛା ୧.୫୦-୩ ଟଙ୍କା ହ୍ରାସ ପାଇଥିବାବେଳେ ସୋୟା ଓ ସୂର୍ଯ୍ୟମୁଖୀ ତେଲର ମୂଲ୍ୟ ବର୍ତ୍ତମାନ କିଲୋଗ୍ରାମ ପ୍ରତି ୭-୮ ଟଙ୍କା ତଳକୁ ଖସି ଆସିଛି ।
ମନ୍ତ୍ରଣାଳୟ ପକ୍ଷର ସୂଚନା ଅନୁଯାୟୀ ହିଁ, ଆଡାନୀ ୱିଲମାର ଓ ରୁଚି ଇଣ୍ଡଷ୍ଟ୍ରିଜ ସମେତ ପ୍ରମୁଖ ଖାଦ୍ୟ ତୈଳ କମ୍ପାନୀଗୁଡ଼ିକ ଲିଟର ପିଛା ମୂଲ୍ୟ ୧୫-୨୦ ଟଙ୍କା ହ୍ରାସ କରିଛନ୍ତି ।
ଖାଇବା ତେଲର ମୂଲ୍ୟ ହ୍ରାସ କରିଥିବା ଅନ୍ୟ କମ୍ପାନୀଗୁଡିକ ହେଉଛି ଜେମିନି ଏଡିବଲ୍ସ ଆଣ୍ଡ ଫ୍ୟାଟ୍ସ ଇଣ୍ଡିଆ, ହାଇଦ୍ରାବାଦ, ମୋଦୀ ନାଚୁରାଲ୍ସ, ଦିଲ୍ଲୀ, ଗୋକୁଲ ରି-ଫଏଲ୍ ଆଣ୍ଡ ସୋଲଭେଣ୍ଟ, ବିଜୟ ସୋଲଭେକ୍ସ, ଗୋକୁଲ ଏଗ୍ରୋ ରିସୋର୍ସ ଏବଂ ଏନ.କେ ପ୍ରୋଟିନ୍ ।
ପ୍ରକାଶ ଥାଉ ଯେ, ଅନ୍ତର୍ଜାତୀୟ ଦ୍ରବ୍ୟର ଉଚ୍ଚ ମୂଲ୍ୟ ସତ୍ତ୍ୱେ କେନ୍ଦ୍ର ସରକାର (Central Government)ଙ୍କ ହସ୍ତକ୍ଷେପ ଦ୍ୱାରା ରାଜ୍ୟ ସରକାର (State Government)ଙ୍କ ସକ୍ରିୟ ସହଯୋଗରେ ଖାଇବା ତେଲର ମୂଲ୍ୟ ହ୍ରାସ ପାଇଛି । ଚଳିତ ବର୍ଷ ତୁଳନାରେ ଖାଇବା ତେଲର ମୂଲ୍ୟ ଅଧିକ କିନ୍ତୁ ଅକ୍ଟୋବରରୁ ଏହା ହ୍ରାସ ପାଉଛି । ଏହା ଉତ୍ପାଦର ଘରୋଇ ମୂଲ୍ୟ ହ୍ରାସ କରିବାରେ ହିଁ ସାହାଯ୍ୟ କରିଛି ଓ ଗ୍ରାହକମାନଙ୍କୁ ରିହାତି ଦେଇଛି । ଖାଇବା ତେଲ ଆମଦାନୀ ଉପରେ ଭାରି ନିର୍ଭରଶୀଳତା ହେତୁ ଘରୋଇ ଉତ୍ପାଦନ ବୃଦ୍ଧି ପାଇଁ ଉଦ୍ୟମ କରିବା ଜରୁରୀ ଅଟେ ।