ଭାରତୀୟ କୃଷକ ସଂଗଠନରୁ ରାକେଶ ଟିକାୟତ ବହିଷ୍କୃତ

Senior leaders of BKU hits out at Tikait brothers

ଚାଷୀ ଆନ୍ଦୋଳନରେ ମୁଖିଆ ସାଜିଥିବା ଚାଷୀ ନେତା ରାକେଶ ଟିକାୟତଙ୍କୁ ବଡ ଝଟକା । ଭାରତ କିଷାନ ୟୁନିଅନ(Bharatiya Kisan Union)ରୁ ତଡା ଖାଇଛନ୍ତି ରାକେଶ ଟିକାୟତ । କୃଷକ ଆନ୍ଦୋଳନର ମୁଖ୍ୟ ଚେହେରା ଥିବା ରାକେଶ ଟିକାୟତଙ୍କୁ ବି.କେ.ୟୁ ରୁ ବାହାର କରାଯାଇଛି ।

କେନ୍ଦ୍ର ସରକାରଙ୍କ କୃଷି ଆଇନ ବିରୋଧରେ ଅନେକ ଦିନ ଧରି ନେତୃତ୍ବ ନେଉଥିଲେ ରାକେଶ ଟିକାୟତ । ରବିବାର ତାଙ୍କୁ ବିକେୟୁରୁ (Bharatiya Kisan Union) ବହିଷ୍କାର କରାଯାଇଛି । ଟିକାୟତ ଚାଷୀଙ୍କ ସମସ୍ୟା ନବୁଝି ଅଜଥା ରାଜନୀତି କରୁଥିବା ଅଭିଯ଼ୋଗ ଉଠିଛି । ଏନେଇ ତାଙ୍କୁ ଦଳରୁ ବାହାର କରିଦିଆଯାଇଥିବା ଜଣାପଡିଛି । ରାକେଶଙ୍କ ସହ ତାଙ୍କ ଭାଇ ନରେଶ ଟିକାୟତଙ୍କୁ ମଧ୍ୟ ଅଧ୍ୟକ୍ଷ ପଦରୁ ହଟାଇ ଦିଆଯାଇଛି । ତାଙ୍କ ସ୍ଥାନରେ ରାଜେଶ ଚୌହାନଙ୍କୁ ଅଧ୍ୟକ୍ଷ କରାଯାଇଛି ।

କୃଷି ଆଇନ ବିରୋଧରେ ଚାଷୀଙ୍କ ଆନ୍ଦୋଳନ ହିଂସାରେ ପରିବର୍ତ୍ତିତ ହୋଇଥିଲା । କୃଷି ଆଇନ ଯଦି ପ୍ରତ୍ୟାହାର ନ ହୁଏ ତାହେଲେ ଆତ୍ମହତ୍ୟା କରିଦେବି ବୋଲି କହିଥିଲେ ରାକେଶ ଟିକାୟତ । କାନ୍ଦି କାନ୍ଦି ଏହି ବୟାନ ଦେଇଥିଲେ ଟିକାୟତ ।

କେନ୍ଦ୍ର ସରକାର ଆଣିଥିବା କୃଷି ଆଇନକୁ ନେଇ ବର୍ଷ ସାରା ଜୋର ଧରିଥିଲା ପ୍ରତିବାଦ ଓ ଆନ୍ଦୋଳନ । ପ୍ରତିବାଦ ସାଙ୍ଗକୁ ରାଜନୀତି ମଧ୍ୟ ଉଷ୍ମ ହୋଇଥିଲା । କେନ୍ଦ୍ର ସରକାର ଆଣିଥିବା ୩ କୃଷି ଆଇନ ପ୍ରତ୍ୟାହାର କରିବା ପାଇଁ ଦାବି କରି ଆନ୍ଦୋଳନକୁ ଓହ୍ଲାଇଥିଲେ ଏକାଧିକ କୃଷକ ସଂଗଠନ । ବିଶେଷ କରି ପ୍ରଥମେ ପଞ୍ଜାବ, ହରିୟାଣରୁ ଆରମ୍ଭ ହୋଇଥିବା ଏହି ଆନ୍ଦୋଳନ କ୍ରମଶଃ ଉତ୍ତର ଭାରତ ସମେତ ଏକାଧିକ ରାଜ୍ୟରେ ମଧ୍ୟ ଦେଖିବାକୁ ମିଳିଥିଲା ।

ଏକାଧିକ ଦାବି ସହ ପ୍ରାୟ ୬୦ରୁ ଉର୍ଦ୍ଧ୍ବ କୃଷକ ସଂଗଠନ ରାସ୍ତାକୁ ଓହ୍ଲାଇଲେ ଏଥିରେ ଅଂଶ ଗ୍ରହଣ କରିଥିଲେ । ଆନ୍ଦୋଳନକୁ ପ୍ରଭାବଶାଳୀ କରିବା ସହ ଆଇନ ପ୍ରତ୍ୟାହାର କରିବା ଦିଗରେ କେନ୍ଦ୍ର ସରକାର ଉପରେ ଚାପ ସୃଷ୍ଟି କରିଥିଲେ । ଶେଷରେ କେନ୍ଦ୍ର ସରକାରଙ୍କୁ ଏହି ଆଇନ ପ୍ରତ୍ୟାହାର କରିବାକୁପଡିଥିଲା ।

ହଟିଲା ଚାଷୀ ଆନ୍ଦୋଳନ, ୧୧ ରୁ ଘରକୁ ଫେରିବେ ଚାଷୀ

ଶେଷ ହୋଇପାରେ ଚାଷୀ ଆନ୍ଦୋଳନ !