ରାଜ୍ୟ ମସଲାକୁ ଆହୁରି ମହକାଇବାକୁ ପ୍ରୟାସ

spice mission will be set up in the state

ରାଜ୍ୟର ବିଭିନ୍ନ ସ୍ଥାନରେ ଉତ୍ପାଦନ ହେଉଥିବା ମସଲାକୁ ମିଳିବ ଅଧିକ ପ୍ରୋତ୍ସାହନ । ବାହାର ରାଜ୍ୟକୁ ମଧ୍ୟ ରପ୍ତାନୀ କରାଯିବ ଓଡିଶାର ମସଲା । ଏହାକୁ ସଫଳ ରୂପାୟନ କରିବାକୁ ମସଲା ମିଶନ(spice mission) ଆରମ୍ଭ କରିବାକୁଯାଉଛନ୍ତି ସରକାର ।

ରାଜ୍ୟରେ ଗଠନ ହେବ ମସଲା ମିଶନ(spice mission ) । ରାଜ୍ୟର ଯେଉଁ ଯେଉଁ ସ୍ଥାନରେ ମସଲାର ଉତ୍ପାଦନ ଭଲ ହେଉଛି, ସେଠାରେ ଏହି ମିଶନ ମସଲା ଉତ୍ପାଦନକୁ ଆହୁରି ପ୍ରୋତ୍ସାହନ ଦେବ । ଏନେଇ ଗତ ମାସ 23ରେ ମୁଖ୍ୟ ଶାସନ ସଚିବ ଚୋପ୍ରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା ବୈଠକ । ଏଥିରେ ମସଲା ମିଶନକୁ ନେଇ ପ୍ରସ୍ତୁତ ହୋଇଥିଲା ବ୍ଲୁପ୍ରିଣ୍ଟ । ଏହାପରେ ଜୁନ 7ରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ରଙ୍କ ଅଧ୍ୟକ୍ଷତାରେ ଏକ ବୈଠକ ହୋଇ ଏହାର ସମୀକ୍ଷା କରାଯାଇଛି ।

କେବଳ ମସଲା ନୁହେଁ, ରାଜ୍ୟରେ ଖୁବ ଶୀଘ୍ର କଫି ମିଶନ ମଧ୍ୟ ଆରମ୍ଭ ହେବ । କଫି ମିଶନକୁ କାର୍ଯ୍ୟକାରୀ କରିବାକୁ ଉଦ୍ୟାନ କୃଷି ବିଭାଗ ନିଷ୍ପତି ନେଇଛି । ରାଜ୍ୟ ସରକାରଙ୍କ ପାଖରେ ଏହାକୁ ଉପସ୍ଥାପନ କରିବା ପରେ ମିଶନ ମୋଡରେ କାମ ଆରମ୍ଭ ହେବ ବୋଲି ଜଣାପଡିଛି । କଫି ଚାଷ ପାଇଁ ଅଧିକ ଜମି ଯୋଗାଇ ଦେବାକୁ ଲକ୍ଷ ରଖିଛନ୍ତି ରାଜ୍ୟ ସରକାର ।

ମସଲା ନଷ୍ଟ ହେଇଯାଉଛି କି??

ଆମ ମସଲା, ଆମ ଚାଷ: ଏକ ବିହଙ୍ଗାବଲୋକନ

କୋରାପୁଟେ ବ୍ରାଣ୍ଡ କଫି ଉତ୍ପାଦନ ହେଉଛି । ଆଗାମ ଦିନରେ ଗଞ୍ଜାମ, କନ୍ଧମାଳ ଓ କେନ୍ଦୁଝରରେ ମଧ୍ୟ କଫିଚାଷ ହେବାର ଲକ୍ଷ ରଖାଯାଇଛି । କେବଳ ସେତିକି ନୁହେଁ, ଜଦି ଏହାର ସଠିକ କାର୍ଯ୍ୟକାରୀ ହେବ, ତାହେଲେ ପରବର୍ତ୍ତୀ ସମୟରେ କୋରାପୁଟ ପରେ କନ୍ଧମାଳ ମଧ୍ୟ କଫି ହବ ହୋଇପାରେ ।

କୋରାପୁଟରେ କଫିଚାଷ କାରଣରୁ ଆଦିବାସୀଙ୍କ ଆର୍ଥିକ ସ୍ଥିତି ସୁଧୁରିବା ସହିତ ଏଥିରେ ଅଧିକ ଲାଭ ହେଉଥିବାରୁ ଏହାକୁ ପ୍ରୋତ୍ସାହନ ଦେବାକୁ ଲକ୍ଷ ରଖିଛନ୍ତି ସରକାର । ସେପଟେ ମହୁ ଚାଷକୁ ମଧ୍ୟ ଗୁରୁତ୍ବ ଦିଆଯାଉଛି । ଏନେଇ ବଡ ବଡ ସହରରେ ସର୍ଭେ ମଧ୍ୟ କରାଯିବ ।